En GALPon temos posta toda a nosa ilusión nesta nova xornada dos nosos Sábados Libres a celebrar o vindeiro 28 de febreiro.

Podedes ver todos os detalles en:

• Páxina da Editatón na Galipedia
• Programa no wiki de GALPon
• Info en es:Wikipedia sobre que é e como se desenvolve un editatón

Cantos artigos da Wikipedia usaches nas túas clases?
Cantos artigos terán consultado os teus alumnos e alumnas?
Cantos artigos axudaches a elaborar?
Seguro que ti e o teu alumnado tedes empregado a Galipedia en moitísimas ocasións, mais, se cadra, aínda nunca destes o paso de participar activamente nela e colaborar na edición de artigos. Se cadra non sabes como facelo, non o ves doado ou, sinxelamente, nunca te puxeches a investigar, porque non hai tempo para todo!

Se é así… agora tes a oportunidade! O dia 28 de febreiro, GALPon, coa colaboración dos administradores da Galipedia, organiza a súa primeira editatón da Galipedia, na que poderemos aprender xuntos como participar na creación de artigos, asesorados por usuarios experimentados, ao tempo que axudamos a que medre o coñecemento dispoñible para todo o mundo, na nosa lingua.

Xaneiro, 31 ─ Programación de Arduino & Arduino Connect

O obradoiro estará dirixido por Guillermo Cordeiro, socio de GALPon e técnico de sistemas.

Mapa (OSM) no que situar a Residencia Altamar

Contido:
1.- Presentación da plataforma de hardware libre Arduino.

2.- Iniciación ao entorno de programación «procesing».

3.- Realización dos distintos exemplos dispoñíbeis na páxina de Arduino.

Para este ano vindeiro temos unha programación no 3º Ciclo dos Sábados Libres na Altamar, que consideramos moi apetecíbel.

Adiantámosvos o que xa está confirmando:

• Xaneiro, 31 ─ Programación de Arduino & Arduino Connect
• Febreiro, 28 ─ Primeiro Editatón da Galipedia
• Marzo, 28 ─ Seguridade nas comunicacións e nas transaccións en entornos libres
• Abril, 25 ─ Cociñando ROM, Android, Cyanogen, Kitchen, apk-tool, Genimotion, ...
• Maio, 30 ─ Proxecto de automática/robótica con Hw Libre patrocinado por GALPon
• Xuño, 27 ─ Tratamento dixital de imaxes (fotografía) en entornos libres
• Setembro, 26─ Construción dunha impresora 3D Prusa I3 Hephestos
• e, sen concretar aínda as datas:
  

Un ano máis, o equipo de GALPon MiniNo, temos preparado para vós unha nova versión de PicarOS con novidades que seguro van gustar a máis dun. Este ano centrámonos en facer a vida un chisco máis cómoda aos nosos colegas mestres e mestras de Primaria ademais de axustar os programas a este nivel educativo e preparalos para o uso na aula ou na casa.

Rematado xa o tempo de lecer do verán, presentamos o obradoiro para o o próximo sábado 27 setembro

Realización de interfaces gráficas con Zenity e Yad (Gtk) e KDE Dialogs.

Procesos de internacionalización (i18n) dos diálogos/mensaxes.
Ou o que é o mesmo: Como facer que os nosos scripts poidan ser traducidos a diferentes idiomas en función da variable $LANG.

Coincidindo coa celebración do encontro de desenvolvedores do proxecto «GALPon MiniNo» IV minino-devconf, informamos da publicación da nova versión, en fase de RC da futura MiniNo Ártabros 2.1. Podedes descargala desde a páxina de descargas de minino.

Podedes ver todos os detalles na páxina específica de información do web de minino

Salientar que, tras os últimos axustes, conseguimos reducir o consumo de RAM (nunha instalación e só co escritorio) a 65 MB, a versión anterior precisaba de 74 MB, o que supón unha redución de algo máis do 12%.

Este encontro anual dos que traballamos no desenvolvemento das 3 distribucións, para definir as liñas estratéxicas das distribucións, poñer en común os problemas que imos atopando e manter unha xornada de compañeirismo, imos celebralo o próximo sábado 26 de xullo nas dependencias da Residencia Altamar Sala 2, Planta 6, Edif. Eldorado (Uruguai nº 8, Vigo).

En poucos día publicaremos a versión candidata da nosa distro, desta vez estará formada por dúas edicións:
Unha «mínima» que pode ser gravada nun CD
Unha «full» que precisa ser gravada nun DVD ou USB
De todos os xeitos, edición «mínima» incorporará un script que permitirá, tras a instalación e estando conectado á Internet, facer uha replica da instalación «full».
A versión «mínima» mantén a mesma paquetería que a v2.0 e a «full» leva LibreOffice, a mensaxería de Pidgin e os temas de Mate.
En ámbolos dous casos a base é a Debian 7.5 (Whezzy)

Máis info no web de MiniNo.

Esta publicación forma parte das actividades que GALPon realiza ao abeiro do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2014 da Xunta de Galicia.