Wikimedia Commons
Versión inicial | 7 setiembre 2004 |
---|---|
Escritu en | PHP |
Tamañu | 135 749 755 695 740, 246 218 971 518 004, 291 770 164 782 919, 326 359 483 952 645 y 375 021 629 721 153 |
Llingua orixinal | distintes llingües |
Tipu |
Proyecto de contenido de Wikimedia (es) ![]() ![]() ![]() ![]() |
Clasificación n'Alexa | 300 |
Parte de | proyeutu de Wikimedia |
N'asturianu |
![]() |
Más información | |
WikiCommons y WikiCommonsComm | |
WikiCommons | |
wikicommons | |
Sitiu web | Web oficial |
Etiqueta de Stack Exchange | Stack Exchange |
![]() |
Wikimedia Commons (davezu acurtiáu como Wikicommons o simplemente Commons) ye un proyeutu de Wikimedia creáu'l 7 de setiembre de 2004, al envís de sirvir como almacén d'archivos d'imáxenes y otros formatos multimedia pal restu de los proyeutos de la fundación. Tolos archivos han tar lliberaos enantes baxo llicencies llibres (como la GFDL) o nel dominiu públicu.
Anguaño tien más de 7 millones d'archivos multimedia llibres.
Historia[editar | editar la fonte]
Primero de Commons, esistía una importante duplicación d'esfuerzos ente los proyeutos de Wikimedia, según les versiones en distintos idiomes d'ellos. Pa qu'un archivu qu'esistía nuna wiki pudiera utilizase n'otros, tenía de ser xubíu de nuevu a cada unu d'ellos.
En marzu de 2004, l'usuariu Erik Möller propón la creación d'un estoyu centralizáu de archivos multimedia, que sería bautizáu como "Wikimedia Commons" y llanzáu'l 7 de setiembre del mesmu añu. A finales d'ochobre, un cambéu del software fechu por él mesmu dexó per primer vegada que los archivos de Commons pudieren ser utilizaos direutamente nos demás wikis, ensin necesidá de xubilos per separáu a cada unu d'ellos. En payares escoyó'l logotipu del proyeutu, obra del usuariu Reid Beels, quien lu creara orixinalmente pa Wikinoticies, siendo refugáu.
Finxos[editar | editar la fonte]
Esta páxina o seición ta desactualizada. La información que tien ye vieya o insuficiente. |
![](http://webcf.waybackmachine.org/web/20240516124036im_/https://upload.wikimedia.org/wikipedia/commons/thumb/7/70/Commons_Growth.svg/220px-Commons_Growth.svg.png)
- El 30 de payares de 2006, algamó'l millón de ficheros almacenaos.
- El 9 d'ochobre de 2007, algamó los 2 millones de ficheros almacenaos.
- El 16 de xunetu de 2008, algamó los 3 millones de ficheros almacenaos.
- El 4 de marzu de 2009, algamó los 4 millones de ficheros almacenaos.
- El 2 de setiembre de 2009, algamó los 5 millones de ficheros almacenaos.
- El 27 de xineru de 2010, algamó'l millón d'usuarios rexistraos y tamién les 8 millones de páxines.
- El 31 de xineru de 2010, algamó los 6 millones de ficheros almacenaos.
- El 17 de xunetu de 2010, algamó los 7 millones de ficheros almacenaos.
Polítiques[editar | editar la fonte]
Wikimedia Commons nun dexa archivos baxo fair use, llicencies que nun seyan llibres, nin llicencies llibres que nun dexen l'usu comercial o la creación d'obres derivaes (asina, nun s'almiten les variantes "NonCommercial" o "NoDerivs" de Creative Commons). Almítense namái archivos nel dominiu públicu o lliberaos so llicencies como la GNU o Creative Commons "Attribution" y "ShareAlike". Esto fai que la mayoría de les wikis dexen entá la xubida d'archivos llocal, pa poder asina xubir materiales que les polítiques d'esos proyeutos almiten, pero que violen les normes sobre llicencies de Commons.
Yá que l'envís cimeru de Commons ye sirvir de sofitu al restu de wikis de Wikimedia, esíxese que los archivos tengan una utilidá potencial pa los demás proyeutos. Asina, nun s'almiten fotografíes y otres obres puramente personales, al contrariu que n'estoyos como Flickr. A pesar d'ello, munchos de los archivos agospiaos en Commons entá nun s'utilizaron en nengún otru llugar, y pue que nunca lo faigan, yá qu'hai temes sobre los qu'hai munches más imáxenes que les que precisen los demás proyeutos. Esto fai que, por casu, ye daqué frecuente que nun artículu de Wikipedia enllazar les galeríes de Commons sobre'l mesmu tema como forma de facilitar material complementariu.
Imáxenes del añu[editar | editar la fonte]
Referencies[editar | editar la fonte]
Enllaces esternos[editar | editar la fonte]
Wikimedia Commons tien conteníu multimedia tocante a Commons.
- Commons n'asturianu