Enzima
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://webcf.waybackmachine.org/web/20240507062352im_/https://upload.wikimedia.org/wikipedia/commons/thumb/a/ae/GLO1_Homo_sapiens_small_fast.gif/250px-GLO1_Homo_sapiens_small_fast.gif)
As enzimas (d'o griego ἐν "adintro" y ζῡμή (zymé) "emprenyatuera") son biomoleculas que catalizan (ixo ye, que augmentan a velocidat) as reaccions metabolicas, a sobén fendo mas fácil la interacción d'os sustratos d'entre sí. A mayoría d'as enzimas son proteínas y son claus en a mas gran parte d'as reaccions cutianas que pasan a drento d'a celula. Perque cada enzima ye fuertement especifica d'un tipo de sustrato especifico y no catalizan si que cualques reaccions d'entre muitas posibles, o conchunto d'enzimas producidas per a celula determinan qué reaccions bi podrán pasar.
Como toz os catalizadors quimicos, as enzimas funcionan reducindo l'enerchía d'activación (Ea u ΔG‡) d'una reacción, augmentando-ne asinas a velocidat de reacción. Como ye regular en os catalizadors, tampoco no son consumitos per a reacción, ni ne modifican as condicions d'equilibrio quimico. Enguán se considera que as enzimas catalizan arredol de bellas 4000 reaccions bioquimicas. Cualques moleculas d'ARN (ditas ribozimas) tamien tienen actividat catalitica en bellas reaccions, y en son un eixemplo muit important cualques rechions d'o ribosoma. Moleculas sinteticas ditas enzimas artificials tamién manifiestan una actividat catalitica pareixita d'as enzimas naturals.
l'Actividat d'as enzimas gosa modificar-se per altras moleculas. Os inhibidors son moleculas que reducen l'actividat enzimatica, os activadors l'augmentan. Muitos medicamentos y verenos son inhibidors enzimaticos. A desparte, l'actividat d'as enzimas tamien se modifica per factors externos como son a temperatura, a concentración de solutos en o environe (p. ex. o pH) y la concentración de sustrato.
Vinclos externos[editar | modificar o codigo]
Se veigan as imáchens de Commons sobre as enzimas.