Inter-District Championship (IDC), Fiji Football Association ke calendar me sab se bhaari competition hai. Fiji ke sab district ke team ii tournament me, 1987 ke chhorr ke, 1938 se sab saal, Lloyd Farebrother Trophy khatir, soccer me bhaag lewe hai. Pahila IDC, jon ke Suva me 1938 me khela gais rahaa, me paanch team, Suva, Rewa, Ba, Lautoka aur Levuka, khelin rahaa. 1938 se 1975 tak, ii competition knock out format me khela gais rahaa lekin 1976 se pool play suruu karaa gais rahaa. 1985 se ii competition dui division me khela jae laga. 1999 me ek tiisra division suruu karaa gais rahaa lekin ii bahut din nai chala. Lloyd Farebrother Trophy ke Ba 22 dafe, Lautoka 17 dafe, Suva 11 dafe, Rewa 8 dafe aur Nadi 6 dafe jiitis hae. Ii Championship ke pahile Bank Holiday ke time khela jaawat rahaa lekin aajkal iske Fiji Day ke weekend me khela jaawe hae. (aur...)
Aap janta hai...
1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin.
1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa.
Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa.
Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa.
Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa.
Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa.
Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa.
Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa.
7 October2023, Hamas ke atanki Israeli ilaaka me hamalaa kia, jisame 1,400 civilians ka mout ho gaya aur 200 se jyada ke kidnapping hua.others, Israel ise 'state of war' declare kar diya.
29 September2023, Mastung, Pakistan me Eid Milad-ul-Nabi ke julus ke douraan suicide bombing se 50 se jyaada logan ke maout, aur 50-70 logon ki choot lagaa.
12 March2023 - Academy Awards, Everything Everywhere All at Once filam Best Picture ke saath 7 aur awards jeeti.
6 February2023 - Turkey aur Syria me 7.8 aur 7.5 magnitude ke dui tagrraa bhukamp (earthquake), (damage pictured) me 2,300 se jaada logan ke mout hoe gais aur 10,000 se jaada logan ko chot lagaa.
'
Aaj se sau saal pahile, 1923 me...
March - CSR Company, Fiji me girmitya logan ke Madras se fir se laae ke kosis karis
March - Fiji ke ganna ke kisan ke fir se ganna boe ke encourage kare ke khatir ganna ke daam ke jaada kar dewa gais aur chini aur molasis se export duty ke hatae dewa gais.
28 May - Nandamuri Taraka Rama Rao, jon ki India ke actor aur Andhra Pradesh ke Chief Minister rahaa, ke janam Andhra Pradesh, India me bhais rahaa (maut: 18 January1996).
22 July - Mukesh, jon ki Hindi film me playback singer rahaa, ke janam Punjab, India me bhais rahaa. (maut: 27 August1976 Detroit, Michigan, USA me)
July -Fiji ke sarkar Hindustani aur Goraa logan ke uppar ek pound ke poll tax lagais. Iske virod me, Badri Maharaj, LegislativeCouncilseresign hoegais.
November - S.S. Ganges I, Fiji se India laute waala 871 girmitya aur uske larrkan ke lae ke Suva chhorris. 560 log Madras me utrin aur 411 log Calcutta me.
Anaar (English: pomegranate), (Scientific name: Punica granatum), ek rakam ke fal de waala patajhaṛī jhaarri, nai to perr, hai jon ki 5 -8 metre lamba hoe sake hai. Ii biswas karaa jaae hai ki anaar Persia aur India se suruu hoe ke Mediterranean me fael gais hai. Span me ek city ke naam (Granada), anaaar ke naam se aais hai