YouTube
| YouTube, LLC | |
 | |
| Tipe | Anak perusahaan saka Google |
|---|---|
| Madeg | 15 Fèbruari 2005 |
| Kantor pusat | San Bruno, Kalifornia, Amérikah Sarékat |
| Tokoh penting | Steve Chen, Pendhiri & CTO Chad Hurley, Pendiri & CEO Jawed Karim, Pendhiri lan Penasehat |
| Pemilik | Google Inc. |
| Slogan | Broadcast Yourself |
| Situs resmi | YouTube.com |
| Status | aktif |
YouTube iku sawijining situs web video sharing (silih ijol video) populèr kang diadegaké wulan Fèbruari 2005 déning wong telu tilas karyawan PayPal: Chad Hurley, Steve Chen, lan Jawed Karim. Miturut prusahaan panelitèn Internet Hitwise, ing sasi Mèi 2006 YouTube duwé pangsa pasar kang gedhéné 43 persèn.[1] Para naraguna bisa ngamot, nonton, lan silih ijol klip video kanthi gratis. Lumrahé video-video ing YouTube iku wujud klip musik (video klip), filem, TV, sarta video gawéan para naraguna dhéwe. Format kang dipigunakaké video-video ing YouTube ya iku .flv kang bisa diputer ing panjelajah web kang duwé plugin Flash Player.
Ing tanggal 9 Oktober 2006 diumumaké yèn YouTube wis dituku déning Google kanthi rega US$1,65 miliar.[2] Ig wiwitan sasi April 2008 sawatara ISP Indonésia nutup aksès menyang sawatara situs web kalebu YouTube amarga ngamot filem Fitna. Wiwitané pamblokiran wujud pemblokiran penuh marang kabèh situs web, nanging banjur diowahi dadi pamblokiran marang URL tinamtu kang ngamot video mau waé.
Réferènsi[besut | besut sumber]
- ↑ "Hitwise Data Shows Overall Visits to Video Search Sites Up 164%", diaksès 10 Oktober 2006
- ↑ CNN, "Google to buy YouTube for $1.65 billion", diaksès 10 Oktober 2006