Artikel vun der Woch
|
D'Asiatesch Runn mat schwaarzem Thorax (Vespa velutina nigrithorax) ass eng Ënneraart vun der Vespa velutina, bannent der Gattung Runnen (Vespa) an der Famill vun de Falenharespelen (Vespidae). Et ass e generalistesche Raiber vu mëttelgrousse bis groussen Insekten an en Aasfrësser vu Wierbeldéieren.
Si ass 17-22 mm laang. D'Gesiicht an den hënneschten Deel vum Hannerleif si giel bis orange gefierft, d'Féiss (Tarsen) gielzeg, déi aner Kierperdeeler si gréisstendeels vun däischterer schwaarz-bronger Faarf. D'Nascht ass 60 x 80 cm grouss an hänkt meeschtens an héije Beem (bis 10 m), mat engem klenge Lach op der Säit als Entrée.
D'Asiatesch Runn mat schwaarzem Thorax staamt, wéi hiren Numm et seet, ursprénglech aus Asien, méi genee aus dem Süde vu China, Taiwan, Indien an Indonesien; mä s'ass zënter 2004 an Europa invasiv. Si gouf dofir am Joer 2016 op d'Lëscht vun den invasive gebittsfriemen Aarte vu Bedeitung fir d'Europäesch Unioun opgeholl, wat implizéiert, datt d'Memberlänner all néideg Schrëtt ënnerhuele musse fir ze verhënneren, datt d'Aart ongewollt agefouert oder verbreet gëtt. Uganks September 2020 gouf si fir d'éischt zu Lëtzebuerg nogewisen... > méi
Archiv
|
Wousst Dir schonn datt...
|
- ... zu Paräis, an der Zäit vum Directoire, et Moud war, sech zu den Incroyables oder de Merveilleuses ze zielen?
- ... d'stenge Mauer ronderëm den Domän vum Schlass Kockelscheier vun engem eenzege Mann, engem gewësse Welter, bannent 15 Joer – vun 1880 bis 1895 – gebaut gouf?
- ... beim Tour de France 2011 fir d'éischt Kéier an der Geschicht vum Tour, net nëmmen zwéi Lëtzebuerger, ma och zwéi Bridder mat um Podium stoungen?
Archiv
|
|
|
|
