Arraghey
She arraghey gleashaght troailtee as lughtee veih un voayl dys boayl elley. Ta'n arraghey jeant liorish ram modyn ennagh, lheid as arraghey etlagh, railley, raaidey, ushtey, caabil, piob-linney as spoar. Ta'n magher rheynnit ayns fo-strughtoor, carbid, as obbraidyn.
Ta'n fo-strughtoor jeant seose jeh cullee anchorragh ta ymmyrçhagh ry hoi arraghey, as foddee dy vel ad nyn raaidyn, raaidyn yiarn, mollee aeragh, goorseyn ushtey, ammyryn as biob-linnaghyn, as stadyn jerree lheid as puirt aeragh, stashoonyn traenagh, stashoonyn barroose, thieyn stoyr, stadyn jerree truck, stoyryn aa-lhieeney (goaill loghanyn lhieeney as stashoonyn jeshee stiagh 'syn earroo) as puirt varrey. Foddee dy vel stadyn jerree ymmydit ry hoi eddyr-cheaghley troailtee as lughtee, as ry hoi meansalaght.
Ta ny carbid ta jannoo troailt er ny moggylyn shen goaill carbid jeh sorçhyn cooie lheid as gleashtanyn, daawheeylyn, barrooseyn, traenyn, truckyn, sleih, coptir as etlanyn. Ta ny h-obbraidyn jannoo ymmyd jeh aght obbraghey carbid, as ny h-aghtyn ta bentyn rish y chiarail shen goaill reaghey argid, leighoilidyn as polaseeyn stiagh 'syn earroo. 'Sy çhynskyl arraghey, foddee dy vel obbraidyn as shellooderys yn 'o-strughtoor ayns shelloo theayagh ny ayns shelloo preevaadjagh, y shellooderys shen croghit er çheer as mod.
Foddee dy vel arraghey troailtee ny arraghey theayagh, raad dy vel obbreyderyn kiarail shirveishyn skedjallit, ny ny arraghey preevadjagh. Haink er arraghey lughtee dy ve jeerit er cummeydaneaghey, ga dy vel arraghey lughtee thummidagh ymmydit ry hoi thummidyn mooarey dy nheeghyn foddey-heilltagh. Ta scansh vooar ec yn arraghey ayns bishaghey tarmaynagh as cruinneydaght, agh ta builley foudagh echey er y çhymmyltaght. Choud's ta argid choonee currit ayn liorish reiltyssyn, ta plannal mie ymmyrçhagh dys raad y hoyrt da stroo mie ny traghtey, as dys smaght y chur er surlley baljagh.
Claare lioaragh[reagh | edit source]
- Bardi, Edward; John Coyle as Robert Novack (2006). Management of Transportation. Thomson South-Western. ISBN 0-324-31443. (Baarle)
- Chopra, Sunil as Peter Meindl (2007). Supply Chain Management. Pearson. ISBN 0-13-208608-5. (Baarle)
- Cooper, Chris; John Fletcher; David Gilbert; Stephen Wanhill as Rebecca Shepherd (1998). Tourism Principles and Practice, 2-oo, Harlow: Longman. ISBN 0-582-31275-6. (Baarle)
- Lay, Maxwell G (1992). Ways of the World: A History of the World's Roads and of the Vehicles that Used Them. Rutgers University Press. ISBN 0813526914. (Baarle)
- Stopford, Martin (1997). Maritime Economics. Lunnin: Routledge. ISBN 0-415-15310-7. (Baarle)