2001

Para outras páxinas con títulos homónimos véxase: 2001 (homónimos).

2001
Calendario gregoriano	2001 MMI
Ab urbe condita	2754
Calendario armenio	1450
Calendario chinés	4697 – 4698
Calendario hebreo	5761 – 5762
Calendario hindú
·  Vikram Samvat	2056 – 2057
·  Shaka Samvat	1923 – 1924
·  Kali Yuga	5102 – 5103
Calendario persa	1379 – 1380
Calendario musulmán	1422 – 1423
Calendario rúnico	2251
⟸ Década de 2000 ⟹ 1997 1998 1999 2000 2001 2002 2003 2004 2005

2001 (MMI) foi o primeiro ano do século XXI e do terceiro milenio, aínda que durante as dúas décadas precedentes foi motivo de discusión popular se sería este ano ou o 2000. Os atentados do 11 de setembro de 2001 constituíron o acontecemento máis relevante do ano e marcaron a política da década: con eles iniciouse a "guerra contra o terrorismo", que incluíu a invasión de Afganistán e a segunda guerra do Golfo, e un aumento espectacular nas medidas de seguranza na navegación aérea.

Acontecementos

• 1 de xaneiro - Comeza o novo milenio, mais as celebracións non son tan importantes como no ano precedente, de maior relevancia.
• 13 de xaneiro - Un terremoto de magnitude 7.6 sacode O Salvador e causa 800 mortos.
• 15 de xaneiro - Lanzamento da Wikipedia.

Retrato oficial de George W. Bush

• 20 de xaneiro - George W. Bush toma posesión como presidente dos Estados Unidos de América
• 26 de xaneiro - Un terremoto sacode Gujarat, na India, e causa 12 000 mortos.
• 15 de febreiro - Tropas rusas comezan a retirada da Chechenia.

Ariel Sharon, gañador das eleccións xerais en Israel.

• 6 de febreiro - Ariel Sharon, líder do Likud, gaña as eleccións en Israel.
• 23 de marzo - A estación espacial Mir reentra a atmosfera preto de Nadi, nas Fidxi e cae no Océano Pacífico.
• 24 de marzo - A Apple Computer lanza o Mac OS X.
• 1 de abril
  • Slobodan Milošević, anterior presidente da República Federal de Iugoslavia, entrégase á policía para ser xulgado por crimes de guerra.
  • Nos Países Baixos apróbase o matrimonio entre persoas do mesmo sexo, a primeira vez en todo o mundo desde o reinado de Nerón.
• 28 de abril - O primeiro turista espacial, o americano Dennis Tito parte desde o cosmódromo de Baikonur na Soiuz TM-32. Retorna o 6 de maio.
• 13 de maio - Silvio Berlusconi gaña as eleccións xerais en Italia.
• 7 de xuño - O Partido Laborista de Tony Blair gaña as eleccións xerais no Reino Unido.-
• 20 de xuño - Pervez Musharraf convértese en Presidente de Paquistán ao dimitir Muhammad Rafiq Tarar.
• 17 de xullo - Inaugúrase a réplica da Cova de Altamira.
• 9 de setembro - Un terrorista suicida asasina Ahmed Shah Massoud, comandante militar da Alianza do Norte.

As Torres Xemelgas após os dous impactos.

• 11 de setembro - Atentados terroristas con avións contra as Torres xemelgas en Nova York, o Pentágono en Arlington, Virxinia e en shanksville, Pensilvania. Morren case 3.000 persoas.
• 18 de setembro - Comeza unha serie de ataques contra medios de comunicación norteamericanos e políticos demócratas mediante cartas envelenadas con carbuncho.
• 2 de outubro - Swissair declárase en bancarrota.
• 7 de outubro - Os Estados Unidos invaden Afganistán con cooperación por parte do Reino Unido.
• 23 de outubro - Apple Computer lanza o iPod.
• 25 de outubro - A Microsoft lanza o Windows XP
• 12 de novembro - A aeroliña belga SABENA declara a bancarrota.
• 10 de novembro - A República Popular da China entra na Organización Mundial do Comercio após 15 anos de negociacións.
• 2 de decembro - A compañía eléctrica Enron declara a bancarrota, a maior na historia dos Estados Unidos.
• 13 de decembro - Ataque terrorista contra o Parlamento Indio, que pon á India e Paquistán ao bordo da guerra.
• A India convértese no segundo país en superar os mil millóns de habitantes. O primeiro fora China en 1979.

Nacementos

Billie Eilish

• 18 de decembro: Billie Eilish, cantante estadounidense.

Mortes

• 12 de xaneiro - Adhemar da Silva, atleta brasileiro.
• 16 de xaneiro - Laurent-Désiré Kabila, presidente da República Democrática do Congo (n. 1939).
• 3 de febreiro - Benito Prieto Coussent, pintor e escultor galego (n. 1907).
• 18 de febreiro - Balthus, pintor francés.
• 19 de febreiro - Stanley Kramer, produtor de cinema norteamericano (n. 1913).
• 26 de febreiro - Arturo Uslar Pietri, escritor e político venezolano.
• 12 de marzo - Robert Ludlum, escritor norteamericano (n. 1927).
• 15 de abril - Joey Ramone, vocalista da banda novaiorquina de punk rock Ramones (n. 1951).
• 11 de maio - Douglas Adams, escritor e comediante británico (n. 1952).
• 16 de maio - Hernán Naval, músico e polifacético home ribadense.
• 19 de maio - Jesús Suevos, falanxista galego (n. 1907).
• 20 de maio - Renato Carosone, cantante e músico italiano (n. 1920).
• 3 de xuño - Anthony Quinn, actor norteamericano (n. 1915).
• 7 de xuño - Víctor Paz Estenssoro, político boliviano (n. 1907).
• 21 de xuño - John Lee Hooker, cantante de blues (n. 1917).
• 26 de xuño - Germán Quintela Novoa, médico e político galego (n. 1908).
• 27 de xuño - Jack Lemmon, actor norteamericano (n. 1925).
• 11 de xullo - Cândida Branca Flor, cantante portuguesa (n. 1949).
• 6 de agosto - Jorge Amado, escritor brasileiro (n. 1912).
• 2 de setembro - Christiaan Barnard, médico sul-africano (n. 1922).
• 11 de setembro - Atentados do 11 de setembro de 2001: 2.749 nas Torres xemelgas, 125 no Pentágono, 40 en Shanksville, Pensilvania, 19 secuestradores e 24 desaparecidos.
• 24 de outubro - Eugenio Granell, pintor e escritor galego (n. 1912).
• 25 de outubro - Marvin Harris, antropólogo estadounidense (n. 1927).
• 29 de novembro - George Harrison, músico inglés (The Beatles) (n. 1943).
• 14 de decembro - W. G. Sebald, escritor alemán.
• 20 de decembro - Léopold Sédar Senghor, poeta e estadista senegalés.
• 25 de decembro - Ramón Félix Blanco Gómez, sindicalista e político galego (n. 1945).

Premios Nobel

• Premio Nobel de Física - Eric Allin Cornell, Wolfgang Ketterle e Carl Edwin Wieman.
• Premio Nobel de Química - William S. Knowles, Ryoji Noyori e K. Barry Sharpless.
• Premio Nobel de Medicina ou Fisioloxía- Leland H. Hartwell, R. Timothy Hunt e Paul M. Nurse.
• Premio Nobel de Literatura - V.S. Naipaul.
• Premio Nobel de Economía - George Akerlof, Michael Spence e Joseph Stiglitz
• Premio Nobel da Paz - Nacións Unidas, Kofi Annan.

Día das Letras Galegas dedicado a:

• Eladio Rodríguez

Véxase tamén

Outros artigos

• Historia ano a ano