Wikipedia:Haubdsaid

Rheifränggisch

Rheifränggischi Wikipedia

Die Rheifränggisch Wikipedia is ä Projekt zum Uffbau vun änner Enzyklopädie mid fraie Inhalde in rheifränggische Dialegd: Pälzisch, Hessisch un Lothringisch. In denne Dialegd, konn do än jede ebbes naischraiwe un mid saim Wisse baidrache. Jede Ardiggel ime rheifränggische Dialekt, isch willkumme. Du kannsch do awa ach mitmache, wann Du e sidfränkische Dialegd („Nordbadisch“, „Brigantedaitsch“) redsch.
Im Herbschd 2010 isch die Pälzisch Wikipedia gschdadd un im Summa 2013 ischse zur Rheifränggisch Wikipedia worre. Saidm Auguscht 2013 sinn noch die finf Newebrojegd dezukumme. Haid, om 15.08.2022, hods do 2.740 Ardiggel. Des neischde was bassierd isch findschd do.

De Adigl vum Monad

Unner Bohnekraut verschded de Pälzer zwe Arde vun Werzkreider, Satureja hortensis, des ejärische Bohnekraut, ach Gardebohnekraut, bzw. Summerbohnekraut genannt, un Satureja montana des mehrjärische Berschbohnekraut, ach Winderbohnekraut, genannt. Urspringlisch war Bohnekraut im estlische Middelmeerraum behoimat.

Bohnekraud is frieher ned nur reschelmeßig zum Werze vun Bohnegemies oigsedzt worre, sondern ach als Heilkraud. Verwend wern die gud abzuschdreifende Bläddle, frisches Gardebohnekraud zum Midkoche ach am Stick. De Gschmack is pfeffrisch, aromadisch weshalb in einische Geschende ach Pefferkraud zum ejährische Bohnekraud gsachd werd. So wie Stange- und Buschbohne war Bohnekraud en typsche Grundbestanddeel vun em Pälzer Gemisegarde.

Beide Arde ghere zur Gattung der Bohnekreider ladeinsch Satureja aus de Planzefamile de Lippeblieher, ladeinisch Lamiaceae. Zur Gaddung der Bohnekreider gheren 38 Arde vun denne 12 in Europa vorkumme.

waidalese ...

Voaschläch fär die nägschde Ardiggl vum Monad konn jeda am Schdammdisch mache.

Hosch gwisst...

... dass es am Niederrhoi (bei Kalkar) un in Braunschweig (Veldehof) Pälzische Schbroochinsle gibt?
... dass es in Hääschde 1914 verzäh Schuhfawerigge gewwe hot, un 1961 sogaa 36, haid awwer blooß noch ääni?

Newebrojegd