Napiling artikulo
Ang MariMar ay isang Pilipinong palabas na ipinalabas sa GMA Network noong Agosto 13, 2007 hanggang Marso 14, 2008 na pinagbibidahan nina Marian Rivera bilang MariMar, Dingdong Dantes bilang Sergio Santibañez, at Katrina Halili bilang Angelika Santibañez. Isinagawa ito ng GMA Network sa Pilipinas mula sa orihinal na palabas sa Mehiko na may kaparehong pamagat, ngunit may mga pagbabago sa balangkas. Pinagbidahan nina Thalía at Eduardo Capetillo ang naunang serye, na isa ring muling pagsasagawa ng seryeng LaVeganza, na nagmula din sa TeleVisa. Ang orihinal na MariMar mula sa Mexico ay ipinalabas noong taong 1997 sa RPN. Ito ay mabilis na tinangkilik ng mga Pilipino, at nagkaroon ng antas na umabot hanggang 50%. Ang seryeng ito ng Mehiko ang nagbigay kay Thalía ng kasikatan sa Pilipinas upang tangkilikin muli ng mga Pilipino ang iba pa niyang palabas tulad ng Maria Mercedes, Maria La del Barrio, at Rosalinda na umabot sa 75% na grado, na sinasabing pinakamataas na grado ng palabas sa Pilipinas. Sa unang gabing ipinalabas ang MariMar noong Agosto 13, 2007, nakakuha ng mataas na marka ang palabas na mayroong 36.6% (ayon sa pagsusuri sa Kalakhang Maynila). Matapos ang isang buwan, noong Setyembre 13, 2007, nakakuha ito ng 39.3% na marka, lagpas sa 38.3% nakuha nila sa unang linggo. Noong Oktubre 5, 2007, nakuha na nila ang 40% marka. Noong Oktubre 26, 2007, nakuha naman nila ang 44.6% marka sa Kalakhang Maynila. Noong Nobyembre 19, 2007, nakuha na nila ang 49.5% marka, malapit sa markang 50% nakuha ng Mehikanong telenobelang MariMar ni Thalía.
Napiling larawan
Ang Black Lives Matter (BLM, lit. na
'Mahalaga ang Buhay ng [Lahing] Itim') ay isang desentralisadong kilusang pampulitika at panlipunan na naglalayong itampok ang diskriminasyon ng lahi, at hindi pagkakapantay-pantay ng lahi na nararanasan ng mga taong may lahing itim. Kapag nagsasama-sama ang mga tagasuporta ng kilusang ito, ginagawa nila ito bilang protesta laban sa mga insidente ng brutalidad ng pulisya at karahasang udyok laban sa mga taong may lahing itim. Nagsimula ito kasunod ng pagpatay kina Trayvon Martin, Michael Brown, Eric Garner, Pamela Turner at Rekia Boyd, bukod sa iba pa. Tipikal na tinataguyod ng kilusan at mga kaugnay na mga organisasyon nito ang iba't ibang pagbabago sa polisiya na tinuturing may kaugnayan sa pagpapalaya sa mga taong may lahing itim. Habang may mga tukoy na samahan tulad ng Black Lives Matter Global Network na tinatakan ang sarili bilang "Black Lives Matter", ang kilusang Black Lives Matter ay binubuo ng isang malawak na hanay ng mga tao at mga organisasyon. Nananatili ang slogan o sawikain na "Black Lives Matter" mismo na hindi nakatatak-pangkalakal ng anumang pangkat.
May-akda ng larawan: Rhododendrites
|
Mga kamakailang pangyayari
- Pinirmahan ni Pangulong Bongbong Marcos ang Batas Republika 11934, ang batas sa pagrerehistro ng SIM kard ng mga teleponong selular sa Pilipinas, na naglalayong sugpuin ang mga spam sa mensaheng text at mga panloloko.
- Ginawaran ang mga Amerikanong sina Ben Bernanke, Douglas Diamond at Philip H. Dybvig ng Memoryal na Premyong Nobel sa mga Agham Ekonomika "para sa pananaliksik sa mga krisis sa bangko at pananalapi".
- Tatlong nakadetine sa Sentro ng Kustodiya ng Kampo Crame ng Pambansang Pulisya ng Pilipinas ang tangkang tumakas at sinugatan ang isang pulis. Napatay ang dalawa habang ang isa naman ay panandaliang binihag si dating Senadora Leila de Lima (nakalarawan) subalit napatay din ang nagbihag at naging ligtas si De Lima.
- Panahon ng bagyo sa Atlantiko ng 2022: Lumapag ang Bagyong Julia sa magdamag sa Laguna de Perlas, Nicaragua. Nagdulot ito ng isang pagguho ng lupa sa nakalipas na araw dulot ng malakas na ulan na kinitil ang hindi bababa sa 22 katao sa Santos Michelena, Venezuela.
- Namatay ang tatlong katao nang tumaob ang bangkang panturista na yari sa kahoy, na naglalaman ng 14 katao sa Gdańsk, Polonya.
Alam ba ninyo
Mula sa mga pinakabagong artikulo ng Wikipedia:
- ... na sa magkakasunod na taong 2021 at 2022, ang Pandaigdigang Paliparang Hamad sa Doha, Qatar ay ginawaran bilang pinakamahusay na paliparan sa buong daigdig?
- ... na ang estasyong Amsterdam Centraal (nakalarawan) ng Amsterdam ay ang ikalawang pinakaabalang estasyong daambakal sa buong Olanda matapos ng Utrecht Centraal?
- ... na ang arkitekturang Sino-Portuges ay laganap sa mga makasaysayang pamayamanan ng mga nandarayuhang Tsino gaya ng Lumang Phuket, Singapur, at George Town?
- ... na matatagpuan sa lungsod ng Wuppertal, Hilagang Renania-Westfalia, Alemanya ang Wuppertal Schwebebahn, isang halimbawa ng suspendidong daambakal, na itinatag noong 1901?
- ... na, sa mga komuna (comune o munisipalidad) ng Italya, ang Atrani ang pinakamaliit sa lawak na 0.12 km2 (0.05 milya kuwadrado) habang ang Morterone ang may pinakamaliit na populasyon na may 31 naninirahan?
|