Ang tamaraw (Bubalus mindorensis; dating Anoa mindorensis) ay isang bovine (wangis-baka). Kabilang ang ungguladong mamalyang ito sa pamilyang Bovidae na endemiko sa pulo ng Mindoro sa Pilipinas, bagaman pinaniniwalaan din na namuhay ito sa pulo ng Luzon. Unang natagpuan sa buong Mindoro, mula kapatagan hanggang sa kabundukan (2000 metro sa ibabaw ng antas ng dagat), ngunit dahil sa paglawak ng tirahan ng mga tao, pangangaso at pagtrotroso, may iilan lamang ang natira sa mga walang nakatira at madamong lugar, kaya nanganganib na ngayon ito. Salungat sa karaniwang paniniwala at nakaraang klasipikasyon, hindi sub-uri ang tamaraw ng kalabaw, na mas malaki lamang ng kaunti. May mga ilang pagkakaiba ito sa kalabaw: ang tamaraw ay mas mabuhok ng kaunti, may mga maliwanag na marka sa kanyang mukha at may mas maikling mga sungay na parang titik V. Ito ang pinakamalaking katutubong panlupang mamalya sa bansa. Tinuturing na pambansang simbolo ng Pilipinas ang tamaraw. Makikita ang larawan ng tamaraw sa mga baryang Piso noong 1980 hanggang sa unang bahagi ng 1990. May anyong pangkaraniwan sa pamilyang kinabibilangan nito (ang Bovidae) ang Bubalus mindorensis. May siksik, mabigat na kayarian, wangis-bakang katawan, apat na mga hitang nagtatapos sa mga unguladong paa at isang maliit, nasusungayang ulo sa hangganan ng maliit na leeg. May maliit ito at masiksik kung ihahambing sa Asyatikong pantubig na kalabaw (Bubalus bubalis).
Ang Black Lives Matter (BLM, lit. na
'Mahalaga ang Buhay ng [Lahing] Itim') ay isang desentralisadong kilusang pampulitika at panlipunan na naglalayong itampok ang diskriminasyon ng lahi, at hindi pagkakapantay-pantay ng lahi na nararanasan ng mga taong may lahing itim. Kapag nagsasama-sama ang mga tagasuporta ng kilusang ito, ginagawa nila ito bilang protesta laban sa mga insidente ng brutalidad ng pulisya at karahasang udyok laban sa mga taong may lahing itim. Nagsimula ito kasunod ng pagpatay kina Trayvon Martin, Michael Brown, Eric Garner, Pamela Turner at Rekia Boyd, bukod sa iba pa. Tipikal na tinataguyod ng kilusan at mga kaugnay na mga organisasyon nito ang iba't ibang pagbabago sa polisiya na tinuturing may kaugnayan sa pagpapalaya sa mga taong may lahing itim. Habang may mga tukoy na samahan tulad ng Black Lives Matter Global Network na tinatakan ang sarili bilang "Black Lives Matter", ang kilusang Black Lives Matter ay binubuo ng isang malawak na hanay ng mga tao at mga organisasyon. Nananatili ang slogan o sawikain na "Black Lives Matter" mismo na hindi nakatatak-pangkalakal ng anumang pangkat.
Digmaang sibil sa Siria: Pitong tao ang namatay at 12 ang iba na nasugtan ng pag-atake mula sa ere sa Gobernato ng Idlib, Siria.
Pandemya ng COVID-19 sa Pilipinas: Nirekomenda ng IATF na luwagan ang mandato ng pagsusuot ng face mask (o telang pantakip sa mukha) at gawin boluntaryo ang pagsusuot nito sa labas kung saan may magandang bentilasyon, sa kondisyon na bumuti ang pagkuha ng pagpalakas (o booster) laban sa COVID-19.
Umamin na hindi nagkasala ang dating Punong Estratehista at Senyor na Tagapayo sa Pangulo ng Estados Unidos na si Steve Bannon sa isanampang kaso sa New York para sa diumanong pandaraya sa mga tagapagkaloob sa pagtatayo ng isang pader sa katimuganang hangganan ng Estados Unidos.
Ipinabatid ng Palasyo ng Buckingham na namatay si ReynaElizabeth II (nakalarawan sa kaliwa) sa gulang na 96 sa Kastilyo ng Balmoral sa Eskosya. Humalili sa kanya bilang monarko ang kanyang anak na si Charles III. (nakalarawan sa kanan)
Bumoto ang parlamento ng Kapuluang Solomon upang iantala ang pangkalahatang halalan sa gitna ng mga pagtutol ng mga partidong oposisyon, na inakusa ang Punong Ministro Manasseh Sogavare ng "pag-agaw ng kapangyarihan".
... na, sa mga komuna (comune o munisipalidad) ng Italya, ang Atrani ang pinakamaliit sa lawak na 0.12 km2 (0.05 milya kuwadrado) habang ang Morterone ang may pinakamaliit na populasyon na may 31 naninirahan?
... na pinanatili ni Ferdinand Marcos ang buong kapangyarihan bilang diktador kahit pa pormal na natanggal ang batas militar noong Enero 17, 1981?
... na nagbibigay ang akdang Sinaunang Panahon ng mga Hudyo ni Josefo kasama ang isa pang pangunahing akda, ang Digmaang Hudyo (De Bello Iudaico), ng mahalagang materyal para sa mga dalubhasa sa kasaysayan na nais maunawaan ang Hudaismo noong unang siglo CE at panahon ng sinaunang Kristiyanismo?
Kapihan – Puntahan ng pamayanan ng mga patnugot upang talakayin ang mga pangkalahatang paksa o tanong tungkol sa mga alalahanin sa at iba pang aspeto ng Tagalog na Wikipedia.
Napiling Artikulo – Pahinang lapagan para sa mga tinampok na artikulo sa Tagalog na Wikipedia.
Nakasulat ang Wikipedia na ito sa Tagalog, isa sa mga pangunahing wika sa Pilipinas. Mayroon din ibang Wikipedia na nakasulat sa ibang wika na mula sa Pilipinas na nakatala sa sumusunod.
.jpg)
_(3).jpg)
