Degemer

Donemat deocʼh er Wikipedia, an holloueziadur digor ha digoust, frank a wirioù ha liesyezhek, hag a cʼhall bezañ gwellaet gant an holl 74 351 pennad emeur o sevel bremañ e rann vrezhonek an holloueziadur. Wikipedia evit ar pellgomzerioù hezoug Istor · Skiantoù · Douaroniezh · Arzoù · Skiantoù an Den · Yezhoù

Pennad ar miz Mary Read (war-dro 1690–1721) a oa ur vorlaerez saoz brudet. Mary Read a oa bet ganet en Devon e dibenn ar XVIIvet kantved. Pa varvas he breur henañ Willy e krogas he mamm (intañvez ur c’habiten) da wiskañ anezhi evel ur paotr a-benn kenderc’hel da resev arc’hant a-berzh mamm-gozh Mary rak fellout a rae d’ar vamm-gozh reiñ hec’h arc’hant d’he mab-bihan henañ). Mary a voe mevel da gentañ ha goude-se e labouras e bourzh ur vag hag ez eas d’an arme. Eno e kejas ouzh ur marichal al lojeiz hag e timezas gantañ. Un ostaleri a savjont asambles e Breda en Izelvroioù. Goude pevar bloaz e varvas gwaz Mary hag e voe serret an ostaleri. Mary a zeuas a-benn da lakaat krediñ e oa ur paotr bepred, hag e savas e bourzh ur vag kenwerzh izelvroat dindan an anv Mark Read. Preizhet e voe ar vag gant ur vagad morlaeron a Vro-Saoz. Hervez lod e vije bet degemeret Mary ganto, hag o dije kaset anezhi betek New Providence en enezeg Bahamas. E-pad ar veaj-se e kejas ouzh Jack Rackham hag ouzh Anne Bonny (ur vorlaerez hag a oa gwisket evel ur paotr ivez). Rackham a gemeras anezhi en e skipailh, dre ma soñje e oa ur paotr. Diwezhatoc’h e tizoloas e oa ur plac’h met degemer a reas anezhi. E miz Here 1720 e kasas gouarnour Jamaika soudarded ar c‘habiten Barnet da dapout Jack Rackham hag e skipailh, ennañ Mary Read hag Anne Bonny. Mary hag Anne a voe heuget pa weljont e oa divarrek ar vorlaeron d’en em gannañ, gant ar mezv ma oant diwar ur c’horfad an derc’hent. Daou anezho a voe lazhet ganto o-div, ha gloazañ a rejont re all, Jack Rackham en o zouez. An emgann a badas un eur a-raok m’en em zaskorjas an div vaouez. Harzet e voe an holl vorlaeron ha barnet da-heul. Ne voe ket kondaonet an div vaouez d’ar marv peogwir e lavarjont e oant dougerezed. Mary a gasas dibenn he buhez en toull-bac’h, ha mervel a reas eno abalamour d’ar derzhienn velen, pe marteze abalamour d’ur golladenn e miz Ebrel 1721. (muioc'h...)

Keleier Un tamm sell war red an darvoudoù Doare an 28 a viz Gwengolo 2022 ha Keleier ar vro. 23 a viz Gwengolo : aet eo an teniser suis Roger Federer war e leve. 19 a viz Gwengolo : obidoù ar rouanez Elesbed II (skeudenn) en Abati Westminster, e Londrez. 16 a viz Gwengolo : da-heul marv Mahsa Amini, ur vaouez yaouank harzet gant ar polis, ez eus manifestadegoù e kêrioù Iran hag ouzhpenn 30 manifester zo lazhet gant ar polis. 13 a viz Gwengolo : marvet eo Jean-Luc Godard, filmaozer gall ha suis. 11 a viz Gwengolo : e dilennadeg kannaded ar Riksdag e Sveden, ez a ar maout gant strolladoù an tu-dehoù hag en o zouez ez eo ar Sverigedemokraterna, eus an tu-dehoù pellañ, a erru da gentañ. 8 a viz Gwengolo : marvet eo Elesbed II, bet rouanez ar Rouantelezh-Unanet. 5 a viz Gwengolo : dilennet eo Liz Truss e penn ar Strollad Mirour breizhveurat ha mont a ra, da-heul, da vezañ Kentañ ministr ar Rouantelezh-Unanet. 31 a viz Eost : hervez servijoù Komiser Uhel ar Broadoù Unanet evit Gwirioù Mab-Den e c'hallfe an doare ma vez harzet ha bac'het Ouigoured e rannvro Xinjiang bezañ torfedoù sevenet a-berzh Republik Pobl Sina. 30 a viz Eost : marvet eo Mikhail Gorbatchev, bet e penn Unaniezh ar Republikoù Sokialour Soviedel. 25-29 a viz Eost : ouzhpenn 1 100 den zo beuzet gant dic'hlannoù e Pakistan.

Keleier ar Wiki War gresk e talc’h ar Wikipedia brezhonek da vont, goustad, ha tremen 74 000 pennad zo bremañ. En 82vet renk emaomp bremañ e-touez ar raktresoù Wikipedia [1], evit an niver a bennadoù, etre ar swahili hag an newareg. Evit gouzout hiroc'h : An Deizlevr. E renkadur an holloueziadurioù hervez danvez ar pennadoù emaomp bremañ en 81vet plas [2], etre ar c'hurdeg sorani hag ar yiddish. Ne labouromp ket a-walc'h da wellaat ar pennadoù a zo bet boulc'het, hag un toullad pennadoù diazez a vank c’hoazh d’hor Wiki-ni [3], evel buhezegezh, nerzh pe vaksin ha meur a hini all c'hoazh. Taolit ur sell ouzh roll ar pennadoù a ra diouer d’ar Wiki-mañ. Gallout a ra pep hini ac’hanomp klask sevel ar pennadoù a vank dimp. Mankout a ra dimp ivez pennadoù hir (n'hon eus nemet 33 evit ar mare). Evit kaozeal diwar-benn kement tra a denn d'ar Wikipedia brezhonek, gouzout petra zo nevez, reiñ ho soñj, kit bep an amzer d'ober un dro betek Tavarn ar wikipedourien. Taolit ur sell ouzh ar pennadoù nevez-voulc'het gant hor c'henlabourerien ha roit dorn d’o reizhañ, d’o gwellaat, d’o astenn, d’o fonnusaat. Gallout a ra neb a gar degas kemmoù d’ar pennadoù ma vank traoù enno, pe ma'z eus mankoù enno. Ma n’oc’h ket asur eus an doare da ober, sellit ouzh Skoazell:Penaos kemmañ ur bajenn, pe c’hoazh ouzh Wikipedia:Fazioù stankañ. E-touez ar raktresoù kar da hini Wikipedia, emañ hini ar Wikimammenn, un dastumad levrioù brezhonek, kuit a wirioù, pe c’hoazh hini ar Wikeriadur. Kit da deurel ur sell outo !

A bep seurt A bep seurt Porched ar gumuniezh (Amañ e kavo ar re nevez ar pep retañ da c'houzout, hag alioù ha skoazell evit kregiñ ganti) Tavarn ar wikipedourien : demata, kafeta, marc'hata, teodata ha chopinata An Deizlevr Pennadoù nevez. Ar pennadoù nevez-voulc'het gant hon c'henlabourerien. N'int ket peurechu, ha gallout a rit reiñ ho skoazell da gas anezho da benn. Roll ar porchedoù Erbedennoù war live ar yezh Goulenn diverkañ ur pennad pe ur rummad Ar fazioù yezh stankañ a vez graet gant ar genlabourerien ha penaos diwall diouto. Goulenn ur pennad Pennadoù a ra diouer d'ar Wiki-mañ Termenadurezh ha dibaboù pleustrek evit ar wiki Danvez pennadoù da vezañ klokaet Labour kumuniezhel Fazioù zo marteze e pajennoù ar wikipedia. Amañ e vint renablet, e pajenn ar reizhadennoù da ober e-barzh yezh ar wikipedia

Ur raktres deus ar Wikimedia Foundation eo Wikipedia Commons Bank roadennoù liesvedia MediaWiki Diorren poelladoù Meta-Wiki Kenurzhiañ Wikilevrioù Levrioù ha testennoù frank Wikiroadennoù Diaz anaoudegezh Wikikeloù Keloù digor Wikipedia Holloueziadur Wikiarroud Dastumad arroudennoù Wikimammenn Al levraoueg dieub Wikispesad Roll ar spesadoù bev Wikiskolveur Binvioù frank evit deskiñ Wikeriadur Geriadur & tezorus