Berlin

dins lo sens de las agulhas del relòtge: Palais de Charlottenburg, Torre de la Television, Edifici del Reichstag, Catedrala de Berlin, Anciana Galariá Nacionala, Potsdamer Platz, Pòrta de Brandeborg.

Bandièra

Armas

Geografia fisica

Coordenadas

52° 31′ 07″ N, 13° 24′ 29″ E

Superfícia

891,7 km²

Geografia politica

País

Alemanha

Geografia umana

Populacion
(2016)

3,671,000 ab.

Autras informacions

www.berlin.de

Tièra de 1000 articles que totas las Wikipèdias deurián aver.

Berlin es la capitala d'Alemanha e un dels 16 estats alemands. Amb una populacion de 3.5 million de personas, Berlin es la pus granda vila d'Alemanha. Es la segonda vila e la setena aira urbana pus poblada de l'Union Europèa. Situada al nòrd-èst d'Alemanha en riba del riu Spree, es lo centre de la region metropolitana de Berlin-Brandenburg, qu'amassa aperaquí 4.5 milion d'abitants de mai de 180 nacions.^[1]^[2]^[3]^[4] Per amor de sa localizacion dins la plana europèa, Berlin es influenciat per un clima temperat sasonièr. Un terç de la superfícia de la vila es compausada de bòsques, pargues, jardins, rius e lacs.

Dempuèi lo sègle XIII, Berlin foguèt successivament la capitala del Reialme de Prússia (1701-1918), de l'Empèri alemand (1871-1918), de la Republica de Weimar (1919-1933) e del Tresen Reich (1933-1945). Après la Segonda Guèrra Mondiala, la vila serà devesida en Berlin Èst, que vendrà capitala de l'Alemanha de l'Èst, e Berlin Oèst, que demorarà un enclavament occidental, enrodat pel mur de Berlin durant lo periòde 1961-1989, mentre que Bonn serà la capitala provisòria d'Alemanha. Après la reunificacion alemanda de 1990, la ciutat tornarà trobar son estatut de capitala d'Alemanha tota e aculhirà 147 ambaissadas estrangièras.