Pli kaj plu: Nova senpaga bitalbumo de Korvaks

Afiŝita en 23 Junio 2022 de La redakcio

korvaksLa 21an de junio 2022 aperis la dua bitalbumo de la novzelanda muzikisto Korvaks kun la titolo Pli kaj plu.
Korvaks komencis, kombinante siajn interesojn pri instrumento-programadon kaj Esperanto. Inspirita de Mazi en Gondolando kaj sentante afinecon al la kontraŭheroo Korvaks, li adoptis la nomon kiel sian propran kaj ekuzis samplaĵojn de Mazi en Gondolando por ne lerni la kantadon kanti. Origine li celis nur unu kanton, sed Korvaks fine publikigis kvin-trakan albumeton Memorante Gondolandon (2021).
Legi plu →

Vizitoj 13
Afiŝita en Esperantujo, Kulturo | Etikedigita , , , , , , , | Lasi komenton

La 12a literatura konkurso “Esperanto ligas homojn”

Afiŝita en 22 Junio 2022 de La redakcio

konkurso

Podlaĥia Libraro Łukasz Górnicki en Bjalistoko kaj Bjalistoka Esperanto-Societo invitas vin partopreni en la 12a literatura konkurso “Esperanto ligas homojn” por rakonto sub la titolo “Kio estas feliĉo por mi?”

Legi plu →

Vizitoj 67
Afiŝita en Esperantujo | Etikedigita , , , , , , | Lasi komenton

Tutmonda Arbo-Plantado: sezono por plantado kaj donacalvoko

Afiŝita en 21 Junio 2022 de La redakcio

Arbo-Plantado

Tutmonda Arbo-Plantado (TAP) estas kampanjo de UEA komenciĝinta fine de 2020 kun la celo plantigi minimume 1000 arbojn ĝis 2030 en ĉiuj kontinentoj. TAP ekis okaze de la Monda Festivalo de Esperanto (MondaFest’ 2020) kaj ĝia celo ligiĝas al la Tagordo 2030 de UN rilate la 17 Celojn por Daŭripova Evoluigo. Pri TAP aperis artikoloj en la revuo Esperanto, oficiala partnero de la kampanjo, kaj raporto pri la unua jaro 2021 (ĉiuj estas kuraĝigataj legi ĝin): https://uea.org/l/teko/komitataj/Tutmonda_Arbo-Plantado_Raporto_2021.pdf.
Legi plu →

Vizitoj 42
Afiŝita en Mondo | Etikedigita , , , , , , | Lasi komenton

Superforta ambicio: Senpage elŝutebla primovada satiro

Afiŝita en 19 Junio 2022 de La redakcio

superforta ambicioSaĥarov, Aleksandr Andrejeviĉ. Superforta ambicio: Skizo el la esperantista vivo, originale verkita / Postparolo de Halina Gorecka kaj Aleksander Korĵenkov. — Kaliningrado: Sezonoj, 2017. — 31 p. — (Literatura suplemento al La Ondo de Esperanto, 2017).

Hodiaŭ, la 19an de junio 2022 en la virtuala biblioteko de Sezonoj aperis la bitlibro Superforta ambicio de la Ruslanda esperantisto Aleksandr Andrejeviĉ Saĥarov [sáĥarov] (Александр Андреевич Сахаров, 1865–1942/43), la fondinto de la librejo (vendejo kaj eldonejo) Esperanto kaj de la monata gazeto La Ondo de Esperanto (1909).
Legi plu →

Vizitoj 208
Afiŝita en Aleksander Korĵenkov, Esperantujo, Halina Gorecka, Historio de Esperanto | Etikedigita , , , , , , , , , , , , , , , | Lasi komenton

Esperanto-kastelo atendas vian viziton

Afiŝita en 18 Junio 2022 de La redakcio

greziljono

La franca Esperanto-Kultudomo en la kastelo Greziljono en julio kaj aŭgusto atendas vian viziton, kiel lernanto aŭ aktivulo:

2022-julio-02/03. 2a Festivalo NATURist’ (kun Esperanto-kurso) organizata per asocio FestiNATUR’ — festinatur.fr
2022-julio-04/08. 3a Verda Naturisma Semajno kun INOE — gresillon.org/s1
2022-julio-11/21. 6a Maratona Esperanto-kursaro kun Paweł Fischer-Kotowski, Alex Humet, Andrea Bertrand — gresillon.org/s3
2022-julio-11/21. Internacia Esperanto-Konferenco pri variaj temoj kaj ILEI-ekzameno — gresillon.org/s3
2022-aŭgusto-16/25. 12a Festa Semajno por infanoj kaj familioj kun Jean-Luc, Nicky, Larisa, Bert — gresillon.org/s4
2022-julio-25/aŭgusto-04. 8aj Interŝanĝoj de scioj kaj faroj (franclingve) — gresillon.org/s2

Kaj du monatojn poste en Greziljono okazos pliaj staĝoj laŭ gresillon.org/agendo:
Legi plu →

Vizitoj 96
Afiŝita en Esperantujo | Etikedigita , , , , , , | Lasi komenton

900 tagoj da ĉiutaga informado en La Ondo de Esperanto

Afiŝita en 17 Junio 2022 de La redakcio

900Hieraŭ, la 16an de junio 2022 en la novaĵretejo La Ondo de Esperanto aperis la artikolo Raporto de la Elekta Komisiono de UEA por la mandato 2022-2025. Ĉi tiu publikigo signifas, ke jam dum 900 sinsekvaj tagoj en nia novaĵretejo ĉiutage aperis almenaŭ unu nova teksto. Hodiaŭ estas la 901a tago en ĉi tiu senprecedenca serio. Ni memorigas, ke ĉi tiu retejo estis lanĉita la 2an de septembro 2010 kiel La Balta Ondo. Ekde tiam (inkluzive de ĉi tiu artikolo) en ĝi aperis 2 mil 931 tekstoj. Ilin garnas 4 mil 140 ilustraĵoj.

Laŭ nia vizitkalkulilo, instalita komence de 2020, la plej ofte vizitita afiŝo plu restas la diskutartikolo Granda skismo en Esperantujo de la Siberia esperantisto Stanislav Belov. Ĝi estas la unua artikolo en nia retejo, kiu superis la nombron 3000 legoj. Sekvas artikolo de la ĉefredaktoro de La Ondo de Esperanto. pri la Ruslanda censo, verkita antaŭ dek jaroj – danke al pluraj referencoj en la reto ĝi estas nun en la dua loko. La artikolo de la sama aŭtoro pri la lasta vivojaro de Zamenhof estas la tria plej legata teksto. Al la kvara loko promociiĝis la baza informilo pri BET-56, kiu antaŭ tri monatoj estis nur en la 12a loko.

Vidu la liston de la dek kvin plej popularaj tekstoj ekde februaro 2020.
Legi plu →

Vizitoj 113
Afiŝita en Aleksander Korĵenkov, Esperantujo, Halina Gorecka | Etikedigita , , , , , , , | 1 komento

Raporto de la Elekta Komisiono de UEA por la mandato 2022-2025

Afiŝita en 16 Junio 2022 de La redakcio

ueaLaŭ la Elekta regularo de UEA, por ĉiu porofica elekto fare de la Komitato, la Elekta Komisiono informas kaj konsilas la Komitaton pri la kandidato(j) por la koncerna(j) ofico(j) kaj la eblaj teamkumetoj por la Estraro aŭ por komisionoj.

Por serĉi kandidatojn, ni aranĝis malferman alvokon al la membraro kaj kontaktis nuntempajn kaj estintajn estraranojn kaj potencialajn kandidatojn al la nova estraro, entute estis kontakto kun pli ol trideko da potencialaj kandidatoj.
Legi plu →

Vizitoj 127
Afiŝita en Esperantujo | Etikedigita , , , , , , | Lasi komenton

Jozef Reinvart prelegos en BET-56

Afiŝita en 15 Junio 2022 de La redakcio

ReinwartLa dudek-tria gasto en la rubriko, kie estas prezentataj personoj kiuj kontribuos al la programo de la 56aj Baltiaj Esperanto-Tagoj (BET-56), kiuj okazos la 9-17an de julio 2022 en la Litovia havenurbo Klajpedo, estas Jozef Reinvart.

Jozef Reinvart naskiĝis en 1951. Li estas emerita diplomato de Slovakio, membro de la civitana asocio Senioroj de Slovakia Diplomatio, estrarano de Eŭropa Esperanto-Unio, vicprezidanto de Slovakia Esperanta Federacio. Li okupiĝas pri lingvopolitikaj kaj kulturaj temoj kaj problemoj en EU/Eŭropo. Dum pli ol 20 jaroj Reinvart ekstermovade agadas je la landa, Eŭropa kaj monda niveloj. Li klopodas pri malfermado de nia movado al la neesperantista mondo kaj serĉado de potencialaj partneroj/aliancanoj. Kadre de BET-56 li prelegos pri la temo “Ŝanco por nia movado malfermiĝi kaj krei kun neesperantista kompanio partneran kunlaboron”. Ĉi-sube estas resumo de lia prelego.
Legi plu →

Vizitoj 83
Afiŝita en Esperantujo | Etikedigita , , , , , , , , , , , , | Lasi komenton

Partoprenu UK-on: alvoko por volontuloj en Montrealo

Afiŝita en 14 Junio 2022 de La redakcio

ukLa subtena laboro de volontuloj estas nemalhavebla por asocioj kiel UEA kaj ankaŭ por la Universala Kongreso. Se vi pretas kunlabori kiel volontulo por la 107a Universala Kongreso, kiu okazos en Montrealo (6-13 aŭgusto, antaŭkongreso 2-5 aŭgusto, postkongreso 13-16 aŭgusto), anoncu vin pere de la volontula formularo: http://tinyurl.com/volontuloj2022. Bv. noti, ke nia buĝeto estas tre limigita kaj ke ni bedaŭrinde ne povos pagi al volontuloj aŭ plene subvencii la partoprenon. Subvencio por ĉeesti la UK-on estos havebla per la fondaĵo “Partoprenu UK-on”. Pere de ĝi UEA havas la eblon subteni ĉefe la aliĝkotizon de kelkaj kongresanoj, en kelkaj kazoj ankaŭ la manĝo- kaj loĝado-kostojn, preferinde en la plej malaltaj kategorioj, kaj en esceptaj kazoj la vojaĝkostojn. Homoj el iu ajn lando, kiuj deziras volontuli kaj bezonas tian helpon, povas kandidatiĝi por subvencio.
Legi plu →

Vizitoj 51
Afiŝita en Esperantujo | Etikedigita , , , , , , | Lasi komenton

Nova estraro de Kuba Esperanto-Asocio

Afiŝita en 13 Junio 2022 de La redakcio

kubaLa 36a komitatkunsido de Kuba Esperanto-Asocio (KEA) okazis la 28an de majo en la asocia sidejo en Havano. Partoprenis trideko da esperantistoj: komitatanoj, reprezentantoj de komitatanoj kaj aliaj membroj.
Legi plu →

Vizitoj 80
Afiŝita en Esperantujo | Etikedigita , , , , | Lasi komenton

Antoni Grabowski: La tagiĝo

Afiŝita en 12 Junio 2022 de La redakcio

grabowskiOkaze de la 165a naskiĝdatreveno de Antoni Grabowski (1857-1921), la patro de la Esperanta poezio, ni proponas (re)legi plian poemon de Grabowski. Temas pri La tagiĝo, kiun oni konas ankaŭ kiel kanzonon.

AlKo

LA TAGIĜO

Agordu la brustojn, ho nia fratar’,
Por nova, pli vigla jam kanto!
Ĝi sonu potence de montoj al mar’,
Anoncu al ĉiu dormanto:
      Tagiĝo, tagiĝo radias en rond’,
      La ombroj de nokto forkuras el mond’!
Legi plu →

Vizitoj 71
Afiŝita en Aleksander Korĵenkov, Beletro | Etikedigita , , , , , , , | Lasi komenton

Sur unu kordo: Antaŭ 165 jaroj naskiĝis Grabowski

Afiŝita en 11 Junio 2022 de La redakcio

grabowskiAntaŭ 165 jaroj, la 11an de junio 1857 naskiĝis Antoni Grabowski (1857-1887-1921), pola kemiisto, terminologo, poligloto, volapukisto kaj esperantisto; la unua prezidanto de Pola Esperanto-Asocio (1908-21), sekretario de la unua Universala Kongreso de Esperanto (Bulonjo-ĉe-Maro, 1905), dekomenca membro de la Lingva Komitato (1905-21) kaj Akademio de Esperanto (1908-21), direktoro de la Akademia sekcio por la Gramatiko (1908-21), “la patro de la Esperanta poezio”, tradukinto de pluraj prozaj kaj poeziaj verkoj, inter kiuj estas la antologio El parnaso de Popoloj (1913), kompilita kaj tradukita de li el trideko da lingvoj, kaj Sinjoro Tadeo (1918) de Adam Mickiewicz.
Legi plu →

Vizitoj 151
Afiŝita en Aleksander Korĵenkov, Beletro, Historio de Esperanto | Etikedigita , , , , , , , , , | Lasi komenton

227 aliĝintoj al BET-56 en Klajpedo

Afiŝita en 10 Junio 2022 de La redakcio

betJe la 9a de junio 2022, ĝuste unu monaton antaŭ la malfermo de la 56aj Baltiaj Esperanto-Tagoj (BET-56), kiuj okazos la 9–17an de julio 2022 en la havenurbo Klajpedo (Litovio), estis registritaj 227 aliĝintoj el 31 landoj. La plej multaj aliĝintoj estas el Litovio – entute 93 personoj.
Vidu ĉi-sube la laŭlandan tabelon de la aliĝintoj al BET-56.

Legi plu →

Vizitoj 216
Afiŝita en Esperantujo | Etikedigita , , , , , , , , | Lasi komenton

HeKo miscitis miajn vortojn pri la Montreala UK

Afiŝita en 9 Junio 2022 de La redakcio

heko

La 25an de majo en la novaĵretejo La Ondo de Esperanto mi komentis la aliĝstatistikon de la Montreala Universala Kongreso de Esperanto:

Probable, la Montreala UK iĝos la plej malgranda Universala Kongreso post la Dua Mondmilito. Ekde la 1947a jaro, kiam la kongresoj reokazas post la milita paŭzo, nur kvinfoje estis malpli ol mil aliĝintoj.
Fonto: La Ondo de Esperanto, https://sezonoj.ru/2022/05/montrealo-21

Hodiaŭ (sed kun la dato la 2a de junio) Giorgio Silfer skribis en la novaĵagentejo HeKo:

Laŭ prognozo de Aleksander Korĵenkov, “la 107a UK estos la plej malgranda post la dua mondmilito, eble la plej malgranda en la tuta historio de nia lingvo.”
Fonto: HeKo 788 7-A, 2 jun 22, https://www.esperantio.net/index.php?id=4541

Komparu la du tekstojn:
Legi plu →

Vizitoj 185
Afiŝita en Aleksander Korĵenkov, Esperantujo | Etikedigita , , , , , , , | Lasi komenton