5G
5G (ხუთი ჯი) - უსადენო კომუნიკაციის მეხუთე თაობის ტექნოლოგია, რომელიც მობილური კავშირისთვის გამოიყენება. 5G ტექნოლოგიის გამოსაყენებლად აუცილებელია ტექნოლოგიის მხარდამჭერი მოწყობილობის (მაგ. მობილური) ქონა. 5G სიხშირეები განსხვავებულია და მერყეობს 24 გჰც-დან 72 გჰც-მდე.
2020 წელს, კორონავირუსის პანდემიის დროს სოციალურ ქსელებში აქტიურად გავრცელდა დეზინფორმაცია იმის შესახებ, რომ 5G ინტერნეტი ადამიანების ჯანმრთელობას უქმნის საფრთხეს. ამ თემაზე განმარტება გააკეთა საქართველოს კომუნიკაციების ეროვნულმა კომისიამ და საქართველოს დაავადებათა კონტროლისა და საზოგადოებრივი ჯანმრთელობის ეროვნულმა ცენტრმა. ორივე უწყებამ ხაზგასმით აღნიშნა, რომ COVID-19 ან სხვა ვირუსები 5G მობილური ქსელით არ ვრცელდება. [1][2]
ამ საკითხს გამოეხმაურა ასევე გაერთიანებული სამეფოს მაუწყებლობის, ტელეკომუნიკაციებისა და საფოსტო ინდუსტრიის მარეგულირებელი სააგენტო. მარეგულირებლის განცხადების თანახმად, „სიხშირის იმ დიაპაზონს, რომელში 5G მუშაობს, არ აქვს საკმარისი ენერგია იმისათვის, რათა ადამიანის სხეულის ქსოვილებთან კონტაქტისას მათში დაარღვიოს ქიმიური ბმები ან მოხდეს ელექტრონების ამოვარდნა.“[3]
რესურსები ინტერნეტში[რედაქტირება | წყაროს რედაქტირება]
- ყველაფერი რაც 5G მობილური ინტერნეტის შესახებ უნდა ვიცოდეთ 5G მობილური კავშირი, ტელეკომპანია იმედი
- 5G კორონავირუსის გავრცელებასთან არანაირ კავშირში არ არის, საქართველოს პირველი არხი.
სქოლიო[რედაქტირება | წყაროს რედაქტირება]
- ↑ ვირუსები არ გადაეცემა რადიოტალღების/მობილური ქსელების მეშვეობით
- ↑ კომუნიკაციების კომისია: 5G ტექნოლოგიას მალე დავნერგავთ, რადგან ქვეყნის ეკონომიკური განვითარების გზა ახალი თაობის ინტერნეტ ტექნოლოგიებზე გადის
- ↑ 5G-ისა და კორონავირუსის კავშირი მითია — ბრიტანეთის კომუნიკაციების მარეგულირებელი სააგენტო, მიხეილ ჭაბუკაშვილი, საქართველოს პირველი არხი