އުމުރުން އެންމެ ތުއްތުއިރު ވެސް ވަރަށް ބޮޑަށް ޝައުގުވެރިއެވެ. މަންމަ ބުނާ ގޮތުންނަމަ އުމުރުން ދެ ތިން އަހަރުގައި ވެސް ކުލަޖެއްސުމުގެ ކަންކަމުގައި އުޅުނެވެ. އެއިރުން ފެށިގެން މިކަމަށް ހުއްޓުމެއް ނާދެއެވެ. އެއިރު ކުޑަކުޑަ ފޮތެއްގައި ކުލަޖެއްސިޔަސް، މިހާރު ބޮޑެތި ފާރުތަކުގައި ވެސް ކުރަހަނީއެވެ. ކުލަ ވެސް ޖައްސަނީއެވެ. އެކި ޑިޒައިންތަކާއި، އެކި މަންޒަރުތަކުގެ ކުރެހުމެވެ. މިއީ އއ. ތޮއްޑޫއަށް އުފަން އުމުރުން 26އ.ގެ އަލީ އާޒިމް (ޒިމް)ގެ އެންމެ ކުރު ގޮތަކަށް ދެވޭނެ ތައާރަފެވެ. ރަށު ސްކޫލްގެ އިތުރުން މާލެ ސްކޫލްތަކުގައި ވެސް ތައުލީމް ހާސިލް ކުރި އާޒިމް ބުނި ގޮތުގައި، އޭނާ ހަނދާން ހުންނަ ގޮތުގައި ފެށުނީއްސުރެ ކުރެހުމާއި، ކުލަޖެއްސުމުގެ ކަންކަމުގައި އުޅެއެވެ.…