Harvard University

Harvard University
Motto	Veritas («Sanning»)
Grunnlagt	1636
Type	Universitet
Stad	Cambridge i Massachusetts
Studentar	19 550 (2006)
Tilsette	2 035 (2006)
Nettstad	https://www.harvard.edu/

Memorial Hall, som fungerer som teatersal og matsal for førsteårsstudentar.

Harvard Yard med studentbustader i bakgrunnen

Harvard University, eigenleg President and Fellows of Harvard College, er eit privat universitet i Cambridge i Massachusetts. Det er medlem av samanslutninga Ivy League. Universitetet blei grunnlagt 8. september 1636 og er den eldste institusjonen for høgare utdanning i USA.

Harvard University er oppkalla etter presten John Harvard, som testamenterte nokre hundre bøker til å etablera biblioteket på skulen, i tillegg til fleire hundre pund.

Universitetet har det største pengefondet av alle utdanningsinstitusjonar i verda. I 2005 hadde fondet ein verdi på 22,6 milliardar dollar. Harvard sitt alumnnettverk har ca. 335 000 medlemer.

Fakultet

Harvard har desse fakulteta:

• Harvard College
• Harvard School of Engineering and Applied Sciences
• Harvard Division of Continuing Education
• Harvard Graduate School of Arts and Sciences
• Harvard Divinity School
• Harvard Graduate School of Education
• Harvard Kennedy School of Government
• Harvard Law School
• Harvard Business School
• Harvard School of Public Health
• Harvard Medical School
• Harvard School of Dental Medicine

Biblioteka ved Harvard University har meir enn 16 millionar titlar, som gjer det til USAs nest største bibliotek (2006).

Bakgrunnsstoff

• Offisiell nettstad