Wikipedia:Auer
![]() |
Wat as Wikipedia?
Wikipedia wal en ensiklopedii apbau mä freiwalag an iarenamtelk skriiwern. Di nööm komt faan wiki, det hawaiiaans wurd för gau an encyclopedy, det ingelsk wurd för en ensiklopedii. En wiki as en mögelkhaid, huar arkenään gau mä san kompjuuter wääbsidjen skriiw an feranre koon.
At nuurdfresk Wikipedia as uun August 2010 gudkäänd wurden an as man ian faan auer 300 Wikipedias. Mä 15.686 artiikler hiart hat tu a letjen, det sjiisk Wikipedia hää auer 1 miljuun artiikler an det ingelsk auer 3 miljuunen. Üüb de:Wikipedia:Sprachen fanjst dü en list mä aal jo Wikipedias.
Ööders üs ööder ensiklopediin as Wikipedia frei. Hat stäänt amsunst uun't näät, an arken koon diarmä maage, wat hi wal, wan hi man sait, huar't faan komt. Det grünjlaag diarför as det Creative-Commons-Lisens an det GNU-Lisens för frei dokumentatjuunen, huar arke skriiwer sin teksten oner ütjdää.