Tga Kyiv (s twkranit: Київ, s trusit: Киев) tamaẓunt n Ukranya tg tamdint da akkʷ gis imqqurn, tlla ɣ iẓẓlmḍ ɣ tuẓẓumt n tmazirt iggi n wasif n Dnibr. Ilkm uṭṭun n imzdaɣn nns 2,611,300 umzdaɣ ɣ usggʷas n 2001.[1]
Tga Kyiv yan wammas amguran, asgman d adlsan bahra istawhmman ɣ Urupa tagmuḍant. Llant gis timgura titiknulujiyin d kigan n tmrsal n uslmd anaflla, ɣmklli gis nttafa agudi n tmnaḍin timzrayn ttyawssanin. Tṭṭaf tmdint ad yat tuṣkiwt tanaddawt yusɛan bahra d yan ungraw ifulkin n wassay agdudan.