頭版

粵文維基百科

海納百川有容乃大
人人都寫得嘅自由百科

有 123,325 篇文章

是日正文

芭蕾舞，簡稱芭蕾，係一種高度技術化嘅音樂廳舞蹈，歷史相當悠久：芭蕾舞源自 15 世紀文藝復興時期嘅意大利，後嚟由法國同俄羅斯發揚光大，廣泛噉喺歐美地區嗰度傳播開去，仲因為多人跳而令到佢嘅技術發展到愈嚟愈複雜，有埋一套佢獨有嘅專業詞彙；到咗廿世紀，芭蕾舞經已成為咗一種國際性嘅演藝，世界各個國家同地區都有組芭蕾舞團表演同教授呢一種藝術，並且將佢哋各自嘅本土文化融入去佢哋嘅芭蕾舞入面，而粵港澳地區嘅香港芭蕾舞團同廣州芭蕾舞團都係遠東地區當中享負盛名嘅芭蕾舞團。

一齣芭蕾舞劇可以當成一件藝術品，包含編舞同音樂等部份，呢啲唔同部份會由一個芭蕾舞團嘅唔同人員分別負責：編舞師等嘅人員會負責諗齣芭蕾舞劇應該要包含啲乜嘢舞步、要配合啲乜嘢音樂嚟跳、同埋成個過程要表達乜嘢故仔等等嘅內容，而個芭蕾舞團啲芭蕾舞蹈員就會負責將嗰啲舞步跳出嚟，成為觀眾注意力嘅中心。喺英文入面，一般人都興將女嘅芭蕾舞蹈員嗌做「ballerina」，男嘅芭蕾舞蹈員嗌做「danseur」或者「ballerino」，但實際專業人士所使用嘅稱謂會有更加嚴格精細嘅分類。

芭蕾舞大致上可以分做古典同現代兩種：最傳統嗰種芭蕾舞係所謂嘅古典芭蕾舞，通常會配合西人古典樂嚟跳，舞蹈員著嘅服飾可以好華麗複雜又可以好簡樸，通常會運用比較多嘢嘅舞台，而且最重要嘅係，舞步上有嚴格嘅規範；現代芭蕾舞好多時會偏好簡單嘅服飾同舞台，而相對嚟講，對舞步嘅規範比較寬鬆，成日會融入第啲舞種嘅技法。 (成篇文章……)

以前嘅正文：世界語 – 漢藏語系 – 順化

歸檔 – 提名 – 全部76篇正文...

你知唔知...

...科技奇異點係預想中「科技進步快到冇可能控制同預測」嘅時間點？
...皇家馬德里有史以嚟做得最耐嘅主席係辛迪亞高·班拿貝？
...魯營球場可以容納99,354人，係西班牙同歐洲最大嘅球場？
...三杯難題（圖）無解可以用奇偶性嚟嚴謹證明？
...麥斯·韋斯塔本同劉易斯咸美頓喺2021年一級方程式錦標賽阿布扎比站鬧出好大風波？
...古代詞源學受限於材料，同埋民間一啲研究或者都市傳說都會畀出一啲假詞源結論？
...牛頓力學同物競天擇等嘅諗頭成日俾人攞嚟做範式轉移嘅例子？
...雪巴人擅長爬山，喺國際攀登同登山界享有盛譽？

提名 – 歸檔 – 寫新文

是日靚畫

冠狀動脈嘅通波仔，係其中一種亦係最常見嘅通波仔，專係醫啲類似冠心病嘅心臟病。開刀嘅方法係，首先伸一條導管，沿住動脈通去心臟，喺冠狀動脈入面塞咗嗰個位用氣球泵返開佢，再加支架固定，主要係為咗開通塞咗嘅血管，搞掂佢變窄嘅情況。後遺症係可能會有「狹心症」。

圖片來自：Bleiglass
舊圖 - 更多正圖...

時人時事

東航5735號班機發生空難（客機圖），跌落梧州藤縣。
俄羅斯入侵烏克蘭引發國際關注。
俾澳洲政府取消咗簽證嘅祖高域喺澳洲嘅法院上訴失敗，冇得打2022年澳洲網球公開賽。
湯加發生海底火山爆發，引發咗海嘯。
《立場新聞》喺畀香港警察國安處抄舖同拉咗幾名高層後，宣佈停止運作。
大埔公路大圍段有巴士翻側，一死十一傷。58歲巴士司機涉嫌危險駕駛導致他人死亡被捕。
小濠灣污水處理廠有4名工人被困沙井，其中一名女工送院後不治，其餘三名傷者有一個係女工嘅老公。
比利時研究發現口罩有可能致癌物質「二氧化鈦」，歐盟就話冇證據顯示口罩有致癌風險，呼籲民眾繼續戴口罩防疫。

維基新聞^{（英｜中）} – 訃聞 – 更多時人時事…

是日好文

長征係中國共產黨領導嘅紅軍喺第五次圍剿輸咗畀中國國民黨領導嘅國軍後，佢哋突破封鎖、追剿，經過長時間、遠距離嘅軍事轉移，靠隻脚從中央蘇區行到陝甘蘇區，行軍途中多次同國軍交戰，而中共嘅中央機關亦由中華蘇維埃共和國首都瑞金搬到延安。呢次事件從1934年10月開始，歷時兩年左右。

歸檔 – 提名 – 全部正文 – 全部好文...

當年今日

4月5號：

1815年：印尼坦博拉火山爆發，係人類史上有記載最勁嘅火山爆發。
1955年：英國首相邱吉爾辭職，以80歲高齡正式退出政壇。
1975年：中華民國總統兼中國國民黨總裁蔣介石（蔣中正）（圖）死。
1998年：日本嘅明石海峽大橋通車，係世界跨距最大嘅橋樑同懸索橋。
2000年：森喜朗接替因病無法視事嘅小淵惠三出任日本首相。

上幾日：4月4號 – 4月3號 – 4月2號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.