Historia
A Historia ye una disciplina scientifica que tien como obchecto o estudio d'o pasau d'a humanidat alazetando-se en testimonios materials. Tamién se diz Historia a o relato de feitos pasatos que se consideran dignos de remerar por una sociedat determinata. A presona que fa d'o estudio d'a Historia a suya actividat se diz historiador.
A Historia naixió con l'aparición d'a escritura, o qual permitió a continidat d'os relatos por dencima de l'antiga tradición oral. Por ixo, a escritura marca a buega entre as sciencias d'a Historia y d'a Prehistoria, y se gosa clamar tamién Historia a o periodo dende l'aparición d'a escritura dica l'actualidat.
Etimolochía[editar | modificar o codigo]
A parabra en aragonés historia provién d'a parabra latina historia, que significa "narrativa, relato", y que provién d'o griego antigo ἱστορία historía, que significa "l'aprendizache u conoiximiento por investigación, historia, rechistros u narrativa", d'o verbo ἱστορεῖν historeîn "investigar", y iste derivato de ἵστωρ hístōr "sabio", "testigo" u "chuez".
Disciplinas auxiliars d'a historia[editar | modificar o codigo]
Son ixos campos d'estudio que ofreixen fuents de datos a o historiador.
- Arqueolochía.
- Diplomatica.
- Epigrafía.
- Chenealochía.
- Heraldica.
- Numismatica.
- Paleografía.
- Sichilografía.
Vinclos externos[editar | modificar o codigo]
Se veigan as imáchens de Commons sobre a Historia.