Vouiquipèdia est un projèt d’encicllopèdia colèctiva en legne, univèrsâla, multilengoua et que fonccione sus lo principo du vouiqui. Cél projèt vise a semondre un contegnu librament rempleyâblo, netro et pués controlâblo, que châcun pôt changiér et mèlyorar.
Vouiquipèdia est dèfenia per des principos fondators. Son contegnu est desot (fr)licence Creative Commons BY-SA. Pôt étre copiyê et rempleyê desot la méma licence, desot resèrva de nen rèspèctar les condicions. Vouiquipèdia aprovisione tôs sos contegnus gratuitament, sen recllâma, et pués sen recorir a l’èxplouètacion de les balyês a sè de sos utilisators.
Los rèdactors des articllos de Vouiquipèdia sont bènèvolos. Cordonont lors èfôrts u méten d’una comunôtât colaborativa, sen dirigent.
Un cortil botanico est un tèrritouèro amènagiê per un’enstitucion publica, privâye, ou ben associativa (des côps a maneyance mèclla) qu’at por fin la presentacion d’èspèces et variètâts vèg·ètâles.
Tot plen d’èspèces et variètâts de plantes sârvâges et/ou horticoles presentes sont rigorosament identifiâyes et rassemblâyes en colèccions. Sont curtivâyes et pués ètudiyêes por satisfâre quatro fins principâles : la consèrvacion, la rechèrche scientifica, l’èducacion et l’ensègnament, tot en réstent compatiblo avouéc lo tourismo. Mondialament, los més importants cortils botanicos, en supèrficie et en talye de la colèccion, sont los cortils botanicos reyâls de Kew siuvus per lo Cortil botanico de Montreyâl.
b.jpg)
