en historio
dum aprilo 50, 100 e 300 yari ante nun …
16 di aprilo 1972. Apollo 16, la kinesma misiono en qua homi atingis la luno, komencis kande la navo portanta John Young, Thomas Mattingly e Charles Duke lansesis. Ye 21 di aprilo, dum ke Mattingly esis en orbito cirkum la luno, Young e Duke atingis la surfaco di la luno, ye la "alta-tereno", ube la surfaco esas plu brilanta kam altraloke. Hike li pasis tri dii. Dum ca periodo li facis exkursi en lia specala vehilo, e kolektis specimeni de petro. La tota disto kovrita en la vehilo esis 26,7 km.
27 di aprilo 1922. La memorigilo di Ulysses S. Grant en Washington D.C. esis dedikata, 100 yari pos la nasko di la antea Prezidanto di Usa. La centrala statuo, montranta Grant sur sua kavalo, stacas sur piedestalo ornizita per bronza reliefi di infantriani; ol cirkondesas da quar plusa piedestali. La skultisto Henry Merwin Shrady komencis krear la statuo en 1902, e mortis du semani ante la dedikado. Ol esas la maxim granda kavalala statuo en Usa, e la kinesma maxim granda en la mondo.
12 di aprilo 1722. En Livorno, la violinisto e kompozisto Pietro Nardini naskis. De evo 12 yari il studiis la violino kun Giuseppe Tartini, ed il pleis en koncerti de evo 14 yari. De 1762 il esis muzikisto ye la korto di Stuttgart; de 1769 til ilua morto en 1793 il esis koncertomaestro ye la korto di Duko Leopold en Firenze. Ilua samtempano Leopold Mozart, audinte Nardini en 1763, laudis ilua pleado. La violinisto Bartolomeo Campagnoli esis ilua studento. Kompozuri inkluzas plura koncertopeci por violino.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|