Confucianisme

Tièra de 1000 articles que totas las Wikipèdias deurián aver.

Lo Liji, libre classic dels rites del confucianisme

Lo confucianisme (pinyin: Rújiā (儒家) « escòla dels letrats » e mai tard Rúxué (儒學) « ensenhament dels letrats ») es un ensems de doctrinas filosoficas, moralas e politicas que se desvolopèron en China durant mai de dos millenis a partir de l'òbra atribuida al filosof Kongzi (551-479 ab. J.-C.), conegut en Occident jol nom latinizat de Confuci. Aqueste ensenhament exerciguèt una granda influéncia dins son país d'origina, ont impregnèt totes los domenis de la vida, e mai en Corèa, Vietnam e Japon. Lo confucianisme s'establiguèt coma una doctrina d’Estat al sègle II abC, e posteriorament s'estructurèt coma religion oficiala reelaborada metafisicament al sègle XI: lo neoconfucianisme.