Portal:正嘢

維基百科嘅正嘢

正嘢係維基百科最正嘅嘢，包括文章同埋圖片，代表維基友合作嘅成果。維基百科嘅「正嘢」都詳盡審過，質素有保證，可以做我哋嘅榜樣。如果一篇文嘅右上角有粒銅星()，嗰篇文就係一篇正文。

呢版有齊維基百科全部正嘢嘅連結。撳第啲正嘢可以睇下唔同時間選出嚟嘅正嘢。

捷徑

WP:FC

正嘢： ←

正嘢工具：

同儕互評

正文: 2022年7月

經濟學，廣東話日常有陣時會嗌「ji⁶ kon¹」或者「ji⁶ kon⁶」，係社會科學嘅一個領域，專門研究貨品同服務嘅生產、消費、同埋分配。經濟學嘅研究範疇包括個體人類嘅行為同互動，以至成個經濟體嘅運作，主要可以按照研究現象嘅規模分做兩大子領域：微觀經濟學著重分析經濟體嘅基本組成元件同呢啲元件之間嘅互動－「基本元素」包括咗個人、家庭、公司、買家、同賣家呀噉；而宏觀經濟學會成個經濟體噉分析，研究一啲描述個經濟體嘅總體屬性嘅變數，好似係本地生產總值、失業率、通脹、同公共政策等等。呢啲微觀嘅物體同埋經濟體嘅宏觀屬性仲會互相影響，形成各種各樣嘅經濟現象。

經濟學唔淨衹會客觀噉研究經濟現象，仲會思考一個經濟體點先係「理想」：經濟學有得細分做集中思考「經濟客觀睇係點」嘅實證經濟學同埋集中思考「經濟應該係點」嘅規範經濟學；前者會嘗試理解經濟體跟從乜嘢法則運作，似一門科學，而後者就往往會運用前者嘅研究得出嘅結果，重視思考要點樣操作一個經濟體，先可以令個經濟體達到理想嘅狀態。規範經濟學喺社會政策嘅制定上扮演咗舉足輕重嘅角色。

經濟學研究既有理論性貢獻，又有實用價值。經濟學同多數嘅社會科學比起上嚟精確好多，好多時會運用數學方程式描述、模擬、同預測所研究嘅現象。所以學術界喺 1968 年創立諾貝爾經濟學獎，承認經濟學係一門嚴謹嘅科學同表揚呢個領域對人類嘅貢獻。 (成篇文章……)

以前嘅正文：建築學 – 芭蕾舞 – 世界語

歸檔 – 提名 – 全部76篇正文...

正題
香港

正聲
-

正圖: 2018/07/01

地心說，又叫天動說，係認為地球係宇宙中心、太陽繞住地球轉嘅學說，同日心說相對。呢個學說自古以嚟已經存在，古希臘嘅托勒密更為呢種學說提出完整嘅解釋。但係嗰時信「地心說」啲人重用增加本輪嘅辦法嚟救返講法，冇意識到係流料，後嚟細本輪仔加到80幾個之後開始出現有人質疑「地心說」嘅準確性。直到16世紀嘅文藝復興打後，由於哥白尼喺臨死之前發佈咗《天體運行論》提出「日心說」嘅講法而開始興起，喺1609年伽利略發明咗望遠鏡之後，證實咗地球圍繞住太陽轉，最後證實地心說係錯嘅。

圖片來自：Bartolomeu Velho
舊圖 - 更多正圖...

是日好文

一個角色（Character，源自古希臘文「χαρακτήρ」，「kharaktēr」）係指一個故仔入面一個具有能力作出行動同決策嘅個體－一個角色可以係一個人，又或者係第啲有智能嘅非人類個體，後者嘅例子有常見於科幻故仔嘅有智慧機械人以及常見於奇幻故仔嘅高扁同精靈等類人生物。

歸檔 – 提名 – 全部正文 – 全部好文...

新嘅正嘢

文章	圖片	表
啟德機場粵劇中國歷史日本地理新山化學粵語香港	荃灣綫路線圖光學經緯儀有椰子嘅海底椰樹水銀柏林夜景多士報紙元朗乳香上湯