Islam
![](http://webcf.waybackmachine.org/web/20220318035003im_/https://upload.wikimedia.org/wikipedia/commons/thumb/1/10/Kaaba_at_night.jpg/220px-Kaaba_at_night.jpg)
Islam (árabe: الإسلام al-’islām,) ta e religion monoteístiko artikula dor di e Qur’an, un teksto religioso konsidera dor di su atherentenan pa ta e palabra di Dios, anto dor di e siñamentunan i ehèmpelnan normativo di Muhammad, e profeta di Allah. E palabra árabe 'Islam' ta kuminsá ku ; salaam (سلام) ku kemen 'Pas'. I e palabra 'Islam' kemen submishon na Dios. Un atherente di Islam ta wòrdu yamá un musulmán òf mòslem.
Mòslemnan ta kere ku Dios (Allah) ta unu i inkomparabel anto ku e nifikashon di bida ta pa alabá Dios. Nan ta mira nan religion komo e version kompletá di un fe primodial monoteístiko revelá na varios luga i tempu promé, inkluyendo e profetanan di Abraham, Moses i Hesus. Praktikanan religioso ta inklui e sinku pilarnan di Islam, ku ta e sinku aktonan obligatorio di alabansa. E lei islámiko (árabe: شريعة Šarīʿah) ta toka riba virtualmente tur aspekto di bida i sosiedat, enkompasando tur kos di bankonan te ku guera pa bienestat anto e medio ambiente.
E mayoria di mòslemnan ta hòr na un di e dos denominashonan, e Sunni of Shi'a. Mas o menos 13% di tur mòslimnan ta biba na Indonesia, e pais musulman di mas grandi na mundu. 20% ta biba den Medio Oriente 2% na Asia Sentral, 4% den e paisnan otro di asia, anto 15% na Afrika sub-saháriko. Komunidatnan basta grandi tambe ta biba na China anto Rusia, anto partinan di Karibe. Komunidat di konvertidonan i imigrantenan tambe ta wòrdu haña na kasi tur parti di mundu. Ku mas ku 15.7 bion mòslim formado mas ku 23% di poblashon di mundu, Islam ta e religion di dos mas grandi na mundu anto segun sierto fuentenan e religion mas lihe kresiendo na mundu.