Wiki
![](http://webcf.waybackmachine.org/web/20220323033247im_/https://upload.wikimedia.org/wikipedia/commons/thumb/7/75/ArWikipedia20080831.png/220px-ArWikipedia20080831.png)
Un wiki u una wiki (d'o hawaiano wiki wiki, «rapido»)[1] ye un puesto web colaborativo que puede estar editato por diferents usuarios (por eixemplo a Wikipedia). Os usuarios d'una wiki pueden creyar, editar, borrar u cambear o contenito d'una pachina web, de manera interactiva, fácil y rapida; ditas facilidatz fan d'a wiki una ferramienta efectiva ta la escritura colaborativa.
A tecnolochía wiki premite que pachinas web alochadas en un servidor publico sigan escritas de forma colaborativa a traviés d'un navegador, emplegando una notación simpla ta dar formato, creyar enlaces, ecetra, conservando un historial de cambeos que premite recuperar fácilment qualsiquier estato anterior d'a pachina. Quan belún edita una pachina wiki, os suyos cambeos amaneixen auto contino en a web, sin pasar por garra mena de revisión previa.