Colombia
.svg)
Colombia[1], oficialmente República de Colombia, ye un país asitiáu na fastera noroccidental d'América del Sur, lo que la fai poseedora de costes nos océanos Atlánticu (mar Caribe), Pacíficu y el ríu Amazones.
Llenda con Venezuela al este, Brasil al sudeste, Perú y Ecuador al sur, y Panamá al Oeste.
Política y gobiernu[2][editar | editar la fonte]
Organización política[editar | editar la fonte]
La Constitución colombiana, aprobada'l 5 de xunetu de 1991, define al país como un Estáu social de derechu organizáu como una república xunitaria, descentralizada, con autonomía de los sos territorios, democrática, participativa y pluralista.
El poder executivu correspuénde-y al presidente de la república. Esti ye elixíu por sufraxu direutu pa un mandatu de cuatro años, y puede presentase a la reeleición namái una vez na so vida. El presidente ye'l xefe del estáu, xefe del gobiernu y comandante en xefe de les Fuercies Armaes.
El poder llexislativu ta nes manes del Congresu, una institución bicameral compuesta pol Senáu y la Cámara de Representantes. Los sos miembros, 102 senadores y 165 representantes, son elixíos cada cuatro años.
No que cinca al poder xudicial, los sos muérganos cimeros son: la Corte Constitucional; el Conseyu d'Estáu, que fai les veces de tribunal contencioso-alministrativu; la Corte Suprema de Xusticia, que ye'l tribunal de casación y tamién l'únicu que puede xulgar a los cargos públicos aforaos; y el Conseyu Superior de la Xudicatura.
Gobiernu[editar | editar la fonte]
El presidente del país ye, dende'l 7 d'agostu del 2018, Iván Duque Márquez. La so vicepresidente ye Marta Lucía Ramírez. El presidente de la Cámara de Representantes ye Alejandro Carlos Chacón, y el del Senáu Ernesto Macías Tovar.
Partíos políticos y sindicatos[editar | editar la fonte]
Los principales partíos políticos del país son:
- Partíu Lliberal (PL). El so presidente ye César Gaviria Trujillo.
- Partíu Comunista de Colombia (PCC). El so secretariu xeneral ye Jaime Caycedo.
- Partíu Conservador Colombianu (PC). El so presidente ye Efraín Cepeda Sarabia.
- Polu Democráticu Alternativu (PDA). La so presidenta ye Jaime Dussán.
- Partíu Social d'Unidá Nacional (Partido de la U). El so direutor ye Juan Lozano.
- Partíu Verde.
- Partíu Colombia Humana.
No que cinca a los sindicatos, los más representativos son:
- Central Unitaria de Trabayadores (CUT), presidida por Tarsicio Mora.
- Confederación Xeneral del Trabayu (CGT), que'l so secretariu xeneral ye Julio Roberto Gómez.
- Unión Sindical Obrera (USO), presidida por César Loza.
- Federación Nacional de Trabayadores al Serviciu de l'Estáu (Fenaltrase), presidida por Roberto Chamucero.
Historia[editar | editar la fonte]
Xeografía[editar | editar la fonte]
Demografía[3][editar | editar la fonte]
La población del país ye, según la proyeición pal añu 2011 del Departamento Administrativo Nacional de Estadística, de 46.044.601 habitantes. No que cinca a la so adscripción étnica, según el censu de 2005 nel país había un 10,6% d'afrocolombianos, un 3,4% d'indíxenes amerindios y un 0,01% de rom. Esi censu nun da adscripción étnica denguna al 85,94% sobrante de la población.
Les principales ciudaes del país, según la citada proyeición, son:
| Ciudá | Población |
|---|---|
| Santafé de Bogotá | 7.467.804 |
| Medellín | 2.368.282 |
| Cali | 2.269.653 |
| Barranquilla | 1.193.667 |
| Cartagena de Indias | 955.709 |
Referencies[editar | editar la fonte]
- ↑ Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.
- ↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
- ↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
Enllaces esternos[editar | editar la fonte]
- Gobiernu de Colombia
- Presidencia de la República
- Bancu de la República
- Departamento Administrativo Nacional de Estadística
Wikimedia Commons tien conteníu multimedia tocante a Colombia.
| Países d'América |
| Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | San Vicente y Les Granadines | Surinam | Trinidad y Tobago | Uruguái | Venezuela | Xamaica
Dependencies: Anguilla | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur |
