Pagina principala
|
Us endela vidrìnaLa Olivetti Programma 101, ciamada anca Perottina (in piemontes Protin-a) l'è un calcolator eletronegh de tavol pensad per vesser doperad de 'na persona in manera facila, programabel a man o cont di programa in su cartolina magnetega e vendud de l'Olivetti del 1965. Venduda 'me "desktop computer", cioè "computer de tavol", a l'è, soratut in Europa, retegnuda el prim personal computer in l'acezzion pussee basega del termen, cioè de computer facil de doperà, pensad per l'utent singol e de cost relativament contegnud, inscambi in di Stat Unid a l'è no retegnuda inscì e l'onor a l'è dad soratut a l'Altair 8800 o al Kenbak-1. A bon cunt, a l'è retegnuda el prim personal computer domà de 'na minoranza de la storiografia informatega, anca se l'è recognossuda fiss 'me el prim calcolator de tavol, di voeulte voltad cont un fals amis 'me calcolatris programabel, a havégh havud bon sucess comercial. (innanz)
El saìet che ...El scartament metrich italian a l'è 'n scartament tipegh italian derivaa del scartament metrich internazional che 'l gh'ha ona distanza in tra i binari de 950 mm. In Italia, compagn de la Franza, el scartament l'éra misuraa no del pont pussee interno del binari ma de l'ass, donca el meter italiann l'éra equivalent a 950 mm in del sistema de misura standard. In Italia 'sto scartament l'è miss con la legg 5002 del 29 de luj 1879, che la stabiliva i mesur a l'ass de 1'000 mm e de 1'500 mm, ciovè 950 mm e 1'435 mm in del sistema standard. De quell ann la pupart di ferrovij a scartament redutt italiann a hinn staa faa su a scartament metrich italian e la pupart di ferrovij a scartament metrich internazional che gh'è in Italia hinn staa faa su in l'Imperi Austro-Ongaregh, compagn de la ferrovia del Renon e de la ferrovia Trent-Malé-Mezzana, o per compatibilità internazionala compagn de la ferrovia Dòmm-Locarn o de la ferrovia del Bernina: 'n eccezion parziala l'è la ferrovia Genoa-Casella, fàda su in del 1929. (Va inanz)
Endele ótre lèngueI des Wikipedij püssee grand: Ingles, Svedes, Cebuà, Tudesch, Olandes, Frances, Rüss, Waray, Spagnöl
Sóta 'l put de s'cif e s'ciafA Brèsa 'na ólta gh'ìa 'na stàtua che parlàa... come se ciamàela? Risposta
En proèrbe a cas
"Quan che 'l gat el gh'è mia i sorèch i bàla" |
Avertènse
WikipediaWikipedia l'è 'n enciclopedéa lìbera e portada en nacc apéna de olontàre. L'obietìf l'è de portà la conoscènsa lìbera a töcc e e 'n piö tàt lèngue che se pöl. I Sich Pilàster i è:
'Na us de scrìer
Che se pöl fà?
|