Iparraldeko Alemaniar Konfederazioa

Iparraldeko Alemaniar Konfederazioa; Norddeutscher Bund
	1867 – 1871
	Konfederazioa
	Iparraldeko Alemaniar Konfederazioa 1870 aldean
Geografia
Hiriburua	Berlin
Kultura
Hizkuntza(k)	Alemana; Beste batzuk:; Poloniera; Sorabiera; Polabera
Historia
	Germaniar Konfederazioa
Alemaniar Inperioa

Iparraldeko Alemaniar Konfederazioa (alemanez: Norddeutscher Bund) 1867an hasi zen, Germaniar Konfederazioa desegin ondoren. Alemaniako iparraldeko 22 estatuk osatua, aldi baterako elkartze bat izan zen, soilik 1871n Alemaniar Inperioa aldarrikatu zuten arte iraun zuena.

Germaniar Konfederazioa ez bezala, Iparraldeko Alemaniar Konfederazioa benetako estatua izan zen. Bere lurraldea, Maindik iparraldera zeuden Germaniar Konfederazioaren lurraldeek hartzen zuten, Prusiako ekialdeko lurraldeek eta Schleswigeko Dukerriak, baina Austria, Bavaria, Wurtemberg, Baden eta Hesseko Dukerri Handiaren hegoaldeko lurraldeak kanpo uzten zituen.

Hala ere, Alemaniako iparraldean prusiar boterea sendotu zuen eta Alemaniako hegoaldean prusiar kontrolaren oinarriak jarri zituen, Zollverein eta Bake-itun sekretuei esker (Austria-Prusia Gerraren amaieraren bezperan hegoaldeko estatuekin sinatu zituztenak).

Alemaniar Inperioa sortu ondoren existitzeari utzi zion arren, honen "oinarria" izan zen. Bere konstituzioak botere handiak ematen zizkion Kantzelari (Bismarck), Bundesrateko Presidentetzak (Prusia) izendatua izan zena. Hau kantzilerra Reichstagaren aurrean immunea zelako horrela izan zen eta, kantzilerrari Presidentearen eta herriaren arteko lotura bakarra izatea ahalbidetu zion. Hala ere, konstituzioa ez zen hain kontserbadorea: kantzilerrak aparatu militarraren gaineko boterea mantendu zuen (batez ere Gilen I.a ia irentsi zuen 1862an Prusian izandako Konstituzio Krisiaren esperientzia mingotsaren ondoren). Gainera, ez zuten Kantzilerrarekiko oposiziorik onartzen: 1860ko hamarkadan Bismarcken aurka agertu ziren zibilek debekatuta zuten kargu publikoetan aritzea.

Konfederazioaren kideak[aldatu | aldatu iturburu kodea]


Estatua		Hiriburua
Erresumak (Königreiche)
	Prusia (Preußen) (tartean Lauenburgo)	Berlin
	Saxonia (Sachsen)	Dresden
Dukerri Handiak (Großherzogtümer)
	Hesse (Hessen / Hessen-Darmstadt) (Goi Hesse baino ez)	Gießen, Darmstadt
	Mecklemburgo-Schwerin	Schwerin
	Mecklemburgo-Strelitz	Neustrelitz
	Oldenburg	Oldenburg
	Saxonia-Weimar (Sachsen-Weimar-Eisenach)	Weimar
Dukerriak (Herzogtümer)
	Anhalt	Dessau
	Brunswick (Braunschweig)	Brunswick
	Saxonia-Altenburg (Sachsen-Altenburg)	Altenburg
	Saxonia-Coburg-Gotha (Sachsen-Coburg und Gotha)	Coburg
	Saxonia-Meiningen (Sachsen-Meiningen)	Meiningen
Printzerriak (Fürstentümer)
	Lippe	Detmold
	Reuss-Gera	Gera
	Reuss-Greiz	Greiz
	Schaumburg-Lippe	Bückeburg
	Schwarzburg-Rudolstadt	Rudolstadt
	Schwarzburg-Sondershausen	Sondershausen
	Waldeck-Pyrmont	Arolsen
Hansako Hiri Askeak (Freie Hansestädte)
	Bremen
	Hanburgo
	Lübeckeko Hansar Hiria