Edwin E. Aldrin

De Wikipedia
Saltar a navegación Saltar a la gueta
Edwin E. AldrinPicto infobox character.png
Buzz Aldrin.jpg
Vida
Nacimientu

Glen Ridge (es) Traducir[1], 20  de xineru de 1930

[10] (92 años)
Nacionalidá Bandera de Estaos Xuníos d'América Estaos Xuníos
Familia
Padre Edwin Eugene Aldrin Sr.
Casáu con Lois Driggs Cannon
Estudios
Estudios Institutu Teunolóxicu de Massachusetts
Severn School (en) Traducir
Academia Militar de los Estaos Xuníos
Montclair High School (en) Traducir
Nivel d'estudios Doctor en Ciencias (es) Traducir
Direutor de tesis Walter Wrigley
M. A. Hoffman (en) Traducir
Robert L. Halfman (en) Traducir
N. E. Sears (en) Traducir
Llingües falaes inglés[11]
Oficiu oficial de la fuerza aérea, pilotu de guerra, cosmonauta, autobiógrafu, escritor de ciencia ficción, inxenieru, empresariu
Emplegadores NASA
Premios
Miembru de Academia Internacional de Astronáutica (es) Traducir
Serviciu militar
Cuerpu militar Fuercia Aérea de los Estaos Xuníos
Graduación Coronel
Lluchó en Guerra de Corea
Astronauta
Misiones Gemini 12 Apolo 11
Insinies de misión Gemini 12 Apolo 11
Tiempu nel espaciu 17 392 minutos
Creencies
Partíu políticu Partíu Republicanu de los Estaos Xuníos
IMDb nm0004696
buzzaldrin.com
Buzz Aldrin Autograph.svg
Cambiar los datos en Wikidata

Edwin E. Buzz Aldrin (20  de xineru de 1930, Glen Ridge (es) Traducir) foi astronauta de la NASA y la segunda persona en pisar la Lluna na llexendaria misión del Apolo XI.

Aldrin asistió a l'Academia Militar de los Estaos Xuníos en West Point, y entró a la Fuercia Aérea de los Estaos Xuníos aú recibió entrenamientu como pilotu en 1951. Aldrin voló en 66 misiones de combate n'aviones F-86 demientres la Guerra de Corea, baltiando dos MIG-15. Conocíu por toos al traviés del so nomatu, "Buzz", Aldrin foi amás una de les figures más importantes nel llogru del Programa Apolu colo cual los estauxunidenses llegaron a la Lluna en 1969, venciendo a los soviéticos demientres la carrera espacial.

Aldrin convirtióse n'astronauta mentantu la seleición del tercer grupu de la NASA n'ochobre de 1963. El 11 de payares de 1966 voló al espaciu a bordu de la Gemini XII, un vuelu de 4 díes de duración nel cual orbitó 59 vueltes alredor la Tierra, finando esitosamente'l Programa Gemini. La seleición d'astronautes resultó ser l'acondada yá qu'Aldrin foi una de les figures más importantes trabayando demientres el Proyeutu Gemini pal problema del acoplamientu de naves n'órbita terrestre o llunar. Ensin estos entrenamientos les misiones Apolo enxamás nun podríen tenese concretaos. Aldrin, que tenía un doctoráu n'astronáutica del Institutu de Teunoloxía de Massachusetts, taba perfechamente calificáu pa esti trabayu, y les sos enclinaciones intelectuales aseguráron-y llevar a cau les sos xeres con gran entusiasmu.

Sistemáticu y llaborioso, Aldrin trabayó pa desendolcar ferramientes y procedimientos afayadizos p'algamar l'alcuentru y acoplamientu espacial. Aldrin tamién foi una figura central p'afitar los métodos afayadizos pa llevar a cau les actividaes estravehiculares (EVA) que los astronautes faen fuera de les sos naves. Esti foi otru de los avances críticos pal ésitu d' Apolu.

Aldrin sobro la superficie llunar

Aldrin foi elixíu como pilotu de la tripulación de la misión d'Apolo XI. D'esta mena'l 20 de xunetu de 1969 llograron cumplir col mandáu del entós presidente John F. Kennedy, qu'estableciera unviar a los primeros estauxunidenses a la Lluna enantes de la fin de la década de 1960.

Aldrin foi la segunda persona en triar la Lluna dempués del comandante de la misión, Neil Armstrong, y los dos pasaron cerca de 20 hores sobro la superficie llunar enantes de tornar al módulu de comandu Apollo, onde Michael Collins-yos esperaba pa emprimar el so viaxe de torna. La nave y los sos esploradores tornaron pa la Tierra'l 24 de xunetu de 1969. Pesia al ésitu algamáu cola arribada a la Lluna, Aldrin entró nuna fondera depresión pocu tiempo depués de la so torna y nunos meses más sero entamó a tener problemes d'alcoholismu. Gracies a un duru tratamientu Aldrin puo recuperase y convertise na personalidá pública que ye anguaño.

En 1971 Aldrin tornó a la Fuercia Aérea y retiróse un añu más sero. Escribió dos llibros importantes sobro les sos actividaes nel programa espacial d'Estaos Xuníos. En Return to Earth (1970), Aldrin remembra'l vuelu del Apolo XI. En Men from Earth (1989), alderica acerca de la carrera espacial ente los Estaos Xuníos y la Xunión Soviética.

Edwin Aldrin ye un importante analista del programa espacial dende la década de 1960. A estremancia de los sos collacios, siempres foi'l más espuestu a los medios; yá seya pa conferencies n'universidaes, entrevistes, ya inclusu conferencies sobro futuribles viaxes a Marte. Anguaño vive cerca de Los Angeles, California.

Tres esti históricu viaxe, foi afalagáu xunta los sos collacios por diversos países, recibiendo numberoses condecoraciones, ente elles la Medal for Freedom del Presidente de los Estaos Xuníos, la Distinguised Service Medal de la NASA, o l'Air Medal, ente otres.

Depués de delles depresiones, que-y somorguiaron nel alcohol, tien algamao sortir de l'adicción y continúa dando conferencies sobro la so esperiencia llunar y escribiendo llibros sobro ciencia ficción. Una de les sos frases más controvertíes ye: “Si aportamos a la Lluna nun foi pa estudiala nin recoyer mueses del so suelu, sinón p'aventayar a los rusos na carrera espacial. Tolo demás quedó en segundu planu...”.

Ye miembru honorariu del American Institute of Aeronautics and Astronautics y tien trabayáu nes especificaciones pal diseñu del proyeutu del tresbordador espacial, siendo amás autor de dos llibros sobro'l programa espacial norteamericanu: “Return to Earth” (1970) y “Men from Earth” (1989).

Aldrin recibió numberoses mofles per aciu a que la so ma nomábase Moon (Lluna n'inglés) y por ser el primer ser humanu en realizar "agües mayores" sobro la superficie llunar.

Bibliografía[editar | editar la fonte]

Referencies[editar | editar la fonte]

  1. ↑ «San Francisco Museum of Modern Art online collection» (inglés). Consultáu'l 31 agostu 2021.
  2. ↑ Afirmao en: Gemeinsame Normdatei. Data de consulta: 9 abril 2014. Autor: Biblioteca Nacional d'Alemaña.
  3. ↑ Afirmao en: Internet Movie Database. Identificador IMDb: nm0004696. Data de consulta: 14 ochobre 2015. Llingua de la obra o nome: inglés.
  4. ↑ Afirmao en: SNAC. Identificador SNAC Ark: w6709cm1. Apaez como: Buzz Aldrin. Data de consulta: 9 ochobre 2017. Llingua de la obra o nome: inglés.
  5. ↑ Afirmao en: Internet Speculative Fiction Database. Identificador ISFDB de autor: 2467. Apaez como: Buzz Aldrin. Data de consulta: 9 ochobre 2017. Llingua de la obra o nome: inglés.
  6. ↑ Afirmao en: Enciclopedia Brockhaus. Identificador de Brockhaus Enzyklopädie en línea: aldrin-edwin-eugene. Apaez como: Edwin Eugene Aldrin. Data de consulta: 9 ochobre 2017. Llingua de la obra o nome: alemán.
  7. ↑ Afirmao en: GeneaStar. Identificador GeneaStar de persona: aldrine. Apaez como: Buzz Aldrin.
  8. ↑ Afirmao en: Roglo. Identificador Roglo: p=buzz;n=aldrin. Apaez como: Buzz Aldrin.
  9. ↑ Afirmao en: enciclopedia Proleksis. Identificador de la enciclopedia Proleksis: 7760. Apaez como: Edwin (Buzz) Aldrin. Llingua de la obra o nome: croata.
  10. ↑ Afirmao en: Munzinger Personen. Identificador Munzinger: 00000011499. Data de consulta: 9 ochobre 2017. Apaez como: Edwin Eugene Aldrin jr.. Llingua de la obra o nome: alemán.
  11. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  12. ↑ URL de la referencia: https://searchpub.nssc.nasa.gov/servlet/sm.web.Fetch/Agency_Awards_Historical_Recipient_List.pdf?rhid=1000&did=2120817&type=released.
  13. ↑ URL de la referencia: https://searchpub.nssc.nasa.gov/servlet/sm.web.Fetch/Agency_Awards_Historical_Recipient_List.pdf?rhid=1000&did=2120817&type=released.
  14. ↑ «Member Profile – Horatio Alger Association». Consultáu'l 12 abril 2018.
  15. ↑ «HERB BAUM honored» (inglés). Treasure Coast Newspapers (22 xunu 2017). Consultáu'l 6 ochobre 2021.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Edwin_E._Aldrin&oldid=3608977»