Iraq
L'Iraq vëgn denominé ufizialmënter Republica dl’Iraq (por arabich:جمهورية العراق, Jumhūriyyat al-‘Irāq) y é n Stat dl’Asia dl vest.
Al confinëia a nord cun la Turchia, a süd cun l’Arabia Saudita y le Kuwait, a nord-vest cun la Siria y a ost cun l’Iran (Regiun dl Kurdistan). Le raiun dl Iraq tol ite por la maiú pert le raiun dla Mesopotamia, la “Tera di dui rüs”. Al se destënn fora sön na spersa de ca. 438.317 km².
La capitala é Baghdad. L’Iraq é la terza resserva de petrole al monn. Dai 16 de lugio 1979 ai 9 d’aurí 2003 é l’Iraq sté sot al govern de Saddam Hussein. Dl 2005 inant él deventé na republica parlamentara federala sot le control di Stac Unis d’America. Dal 2014 al 2017 él sté sot al control dl Stat Islamich te n contrast cun le govern zentral.