頭版

粵文維基百科

海納百川有容乃大
人人都寫得嘅自由百科

有 122,988 篇文章

是日正文

芭蕾舞，簡稱芭蕾，係一種高度技術化嘅音樂廳舞蹈，歷史相當悠久：芭蕾舞源自 15 世紀文藝復興時期嘅意大利，後嚟由法國同俄羅斯發揚光大，廣泛噉喺歐美地區嗰度傳播開去，仲因為多人跳而令到佢嘅技術發展到愈嚟愈複雜，有埋一套佢獨有嘅專業詞彙；到咗廿世紀，芭蕾舞經已成為咗一種國際性嘅演藝，世界各個國家同地區都有組芭蕾舞團表演同教授呢一種藝術，並且將佢哋各自嘅本土文化融入去佢哋嘅芭蕾舞入面，而粵港澳地區嘅香港芭蕾舞團同廣州芭蕾舞團都係遠東地區當中享負盛名嘅芭蕾舞團。

一齣芭蕾舞劇可以當成一件藝術品，包含編舞同音樂等部份，呢啲唔同部份會由一個芭蕾舞團嘅唔同人員分別負責：編舞師等嘅人員會負責諗齣芭蕾舞劇應該要包含啲乜嘢舞步、要配合啲乜嘢音樂嚟跳、同埋成個過程要表達乜嘢故仔等等嘅內容，而個芭蕾舞團啲芭蕾舞蹈員就會負責將嗰啲舞步跳出嚟，成為觀眾注意力嘅中心。喺英文入面，一般人都興將女嘅芭蕾舞蹈員嗌做「ballerina」，男嘅芭蕾舞蹈員嗌做「danseur」或者「ballerino」，但實際專業人士所使用嘅稱謂會有更加嚴格精細嘅分類。

芭蕾舞大致上可以分做古典同現代兩種：最傳統嗰種芭蕾舞係所謂嘅古典芭蕾舞，通常會配合西人古典樂嚟跳，舞蹈員著嘅服飾可以好華麗複雜又可以好簡樸，通常會運用比較多嘢嘅舞台，而且最重要嘅係，舞步上有嚴格嘅規範；現代芭蕾舞好多時會偏好簡單嘅服飾同舞台，而相對嚟講，對舞步嘅規範比較寬鬆，成日會融入第啲舞種嘅技法。 (成篇文章……)

以前嘅正文：世界語 – 漢藏語系 – 順化

歸檔 – 提名 – 全部74篇正文...

你知唔知...

...八爪魚係行單次繁殖嘅？
...語言學上嘅協氏定律（線圖）講到「一份文件嘅長度」同「份文件裏面有幾多款唔同嘅字」之間嘅啦掕？
...梁詠琪嘅第一隻華語專輯《短髮》，同名主打《短髮》曾經紅遍大街小巷？
...嶺南新石器時代晚期文化石峽文化有拏褦畀泰國班考遺址？
...諗頭潛伏嘅概念表示，暫時將一條解唔到嘅難題擺埋一邊，會有助個人諗出嶄新嘅方法嚟解決？
...扭計骰初學者通常都係學層先法先？
...拜仁公爵法蘭茲響2021年同佢嘅同性伴侶影相，係第一位公開自己同性戀身份嘅歐洲王室領袖？
...喺數學入邊，無論係代數、分析定幾何都會用到商空間嘅概念？

提名 – 歸檔 – 寫新文

是日靚畫

保加利亞乳酸菌係乳桿菌科乳酸菌屬嘅一個種。

圖片來自：Bob Blaylock
舊圖 - 更多正圖...

時人時事

俄羅斯入侵烏克蘭（圖）引發國際關注。
俾澳洲政府取消咗簽證嘅祖高域喺澳洲嘅法院上訴失敗，冇得打2022年澳洲網球公開賽。
湯加發生海底火山爆發，引發咗海嘯。
《立場新聞》喺畀香港警察國安處抄舖同拉咗幾名高層後，宣佈停止運作。
大埔公路大圍段有巴士翻側，一死十一傷。58歲巴士司機涉嫌危險駕駛導致他人死亡被捕。
小濠灣污水處理廠有4名工人被困沙井，其中一名女工送院後不治，其餘三名傷者有一個係女工嘅老公。
比利時研究發現口罩有可能致癌物質「二氧化鈦」，歐盟就話冇證據顯示口罩有致癌風險，呼籲民眾繼續戴口罩防疫。
網球名將彭帥喺社交平台度曝光自己被中國前副總理張高麗性侵後開始有咗長期嘅情人關係，瘋傳網絡引發咗熱議，喺中國大陸網絡平台相關資訊同關鍵字好快被封殺。

維基新聞^{（英｜中）} – 訃聞 – 更多時人時事…

是日好文

鏡泊湖係位於中國黑龍江省寧安縣嘅天然湖，地處完達山區，離中國同朝鮮嘅國界幾近，隔咗個延邊州。鏡泊湖係堰塞湖，係由4800年前火山爆發，啲熔岩塞住咗牡丹江上游河道，於是積水成湖。鏡泊湖好大，南北長45公里，湖水面積79.3平方公里，平均水深40米。

歸檔 – 提名 – 全部正文 – 全部好文...

當年今日

3月18號：

1871年：巴黎工人起義，巴黎公社革命爆發。
1890年：德國總理俾斯麥（圖）向威廉二世呈辭，結束30年執政。
1962年：法國同阿爾及利亞喺法國埃維昂簽停火協定，結束阿爾及利亞解放戰爭。
2000年：第10屆中華民國總統選舉，由民主進步黨陳水扁以39.3%得票當選，形成臺灣史上首次政黨輪替。
2014年：臺灣開始爆發太陽花學運。

上幾日：3月17號 – 3月16號 – 3月15號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.