ویکیپدیا:ایشلدن صفحهلری
![]() | بۇ صفحه ویکیپدیا اۆچون بیر تاپشیرمادیر. تاپشیریقلار٬ رعایت اوْلونماسی لازیم اوْلان بیر ایستاندارد اوْلاراق ویکیپدیاچیلار طرفیندن قبول اوْلونماقدادیر. آنجاق دییشدیریلمهسی مۆمکوندور و ساغلام دۆشونجه ایله اله آلینماسی گرکدیر. صفحهده دییشیکلیک ائتمهدن قاباق٬ بۇ دییشیکلیکلرین ویکیپدیاچیلاردان تأیید آلدیغینا امین اوْلون. اۇیغون گؤرمهدیگینیز بیر مادّه وارسا٬ دانیشیق صفحهسینده سببلری ایله آچیقجا یازین. |
![]() | بۇ صفحه بیر باخیشدا: ایشلدن صفحهلرینیزی دۆز و ویکیپدیا اۆچون فایدالی اوْلان یوْلدا ایشلدین |
ویکیپدیادا قاتیلانلار آراسیندا راحت باغلانتی قۇرماق اۆچون ایشلدن صفحهلری واردیر. سیزین ایشلدن آدینیز میثال اوْلورسا، اوْندا:
- سیزین ایشلدن صفحهنیز ایشلدن:میثال اوْلاجاق.
- سیزین ایشلدن دانیشیغی صفحهنیز ایشلدن دانیشیغی:میثال اوْلاجاق.
- سیزین ایشلدن آلتصفحهنیز ایشلدن:میثال/آلتصفحه آدی اوْلاجاق.
- اۆستدهکی صفحهلرین مجموعو سیزین ایشلدن فضانیزی تشکیل وئرهجک.
اؤز دانیشیق صفحهنیزه گئتمک اۆچون بۇ لینک و دانیشیق صفحهنیزه گئتمک اۆچون بۇ لینک اۆستونده کیلیک ائدین. اؤز ایشلدن حسابینیزا گیرسز، اوْندا اۆستده ایشلدن و دانیشیق صفحهنیزین لینکی گؤروشهجک. اؤز ایشلدن صفحهنیزین لینکینی آیری ایشلدن اۆچون قوْیماغا، اوْنو [[ایشلدن:ایشلدن آدینیز]] شکلینده یازمالیسینیز.
سیزین شخصی اطلاعاتینیز گرک آنا آد فضاسیندا یازیلماسین؛ چونکو آد فضاسی تکجه مقالهلر اۆچوندور.
ایشلدن دانیشیغی بیلدیریلری[قایناغی دَییشدیر]
بیریسی سیزین دانیشیق صفحهنیزی دییشدیریب، سیزه پیام قوْیسا، صفحهنین اۆستونده سیزه بئله بیر بیلدیری یازیلاجاق:
ایشلدن صفحهمده نهلر اوْلا بیلر؟[قایناغی دَییشدیر]
هر زاددان قاباق اؤز ایشلدن صفحهنیزده {{ایشلدن صفحهسی}} شابلونونو قوْیا بیلرسینیز. اوْندا بئله بیر قۇتو سیزین صفحهنیزه آرتیریلیب، گؤرنلره صفحهنین ایشلدن صفحهسی اوْلدوغونو خاطیرلاداجاقدیر. بۇ ایش گرک دئییل، آنجاق یئنی ایشلدنلرین بۇ صفحهلرله مقاله آراسیندا کیریخماقلارینین قاباغینی آلاجاقدیر.
بۇ بیر ویکیپدیا ایشلدن صفحهسیدیر. بۇ بیر بیلیکلیک مقالهسی دئییل. اگر بۇ صفحهنی ویکیپدیادان سوای بیر آیری وبسایتدا گؤرورسونوز، سیز بیر آینا وبسایتداسینیز. نظرده ساخلایین، بۇ صفحهنین آپدیت اوْلماماسی و بۇ ایشلدن صفحهسینین یییهسینین ویکیپدیادان سوْنرا آیری بیر وبسایتا باغلانتیسی اوْلماماسی احتیمالی واردیر. اصلی صفحهیه بۇرادان ال تاپا بیلرسینیز. |
اؤز ایشلدن صفحهنیزده ویکیپدیایا مربوط اوْلان یازیلاری آرتیرا بیلرسینیز. نظرده آلین، ویکیپدیا بیر پۇلسۇز هاست، وبلاق یوْخسا ایجتیماعی شبکه دئییل و اوْنا گؤره سیز ایشلدن صفحهنیزدن بیر home page کیمی فایدالانا بیلمزسینیز. سیز تکجه صفحهنیزه ویکیپدیادا گؤرهجگینیز ایشلر و اوْنون قاباغینا گئتمهسینه مربوط اوْلان معلوماتلاری آرتیرا بیلرسینیز. صفحهنیزده چالیشمالارینیزی و ویکییه گؤره باخیشینیزی باشقالارییلا پایلاشا بیلرسینیز. بیر مۆدّت ویکیپدیادان اۇزاق اوْلاجاقسانیز، صفحهنیزده {{ویکیمورخصی}} کیمی شابلونلاری قوْیماقلا بیلیندیره بیلرسینیز.
ایشلدن آلتصفحهلری نئجه؟[قایناغی دَییشدیر]
داها چوْخ صفحهیه احتیاجینیز اوْلورسا، اؤزونوز اۆچون آلتصفحه یارادابیلرسینیز. ایشلدن صفحهنیزده نه ایش گؤره بیلسز، آلتصفحهلرینیزده ده گؤره بیلرسینیز.
مثلاً:
- حاضیر اوْلونجا، بیر گؤرولن ایش.
- دانیشیق آرشیولری.
- ایرادلاری حل اوْلوب آنا فضایا آرتیرینجا، بیر یاریمچیلیق یازی، شابلون و ... .
ایشلدن صفحهمده نهلر اوْلا بیلمز؟[قایناغی دَییشدیر]
بۇنلار ایشلدن صفحهلرینده اوْلمامالیدیر:
ویکیپدیا هدفلرینه مربوط اوْلمایان یازیلار، دانیشیقلار و چالیشمالار. |
|
---|---|
تبلیغات یازیلاری و لینکلری |
|
شخصی حملهلر یوْخسا بیلیکلیگه مربوط اوْلمایان حاشیهلر |
|
شخصی معلومات |
|
ایشلدن صفحهلری ویکیپدیا ایچیندهکیلردن آیری اوْلمالیدیر. |
|
مقالهیه بَنزَر صفحهلر[قایناغی دَییشدیر]
ایشلدن فضاسیندا یازیلیب، مقالهیه اوْخشایان یازیلارا مقالهیه بَنزَر صفحهلر دئییلیر. بوْنلارین ویکیپدیادا یئری یوْخدور و سیلینه بیلر. ویکیپدیا پولسۇز هاست سایتی دئییل و اوْندان مقالهیه اوْخشار صفحهلر و سیلینمیش مقالهلرین ذخیرهسی اۆچون فایدالانماق اوْلماز.
ایشلدن صفحهلرینی دییشدیرمک[قایناغی دَییشدیر]
ایشلدن صفحهلری ویکیپدیانین بیر بؤلومو ساییلیر، اوْنا گؤره:
- ایچیندهکیلر گفدل مجوزی آلتیندا یاییلیر.
- آیری ایشلدنلر ده سیزین صفحهنیزی دییشدیره بیلرلر.
- وپ:قایناق کیمی مقالهلره مربوط اوْلان سیاستلر بۇ صفحهلرده گئچرلی اوْلمازسا دا، وپ:حمله کیمی عۆمۇمی سیاستلر بۇ صفحهلرده گئچرلیدیر.
ایشلدن صفحهلرینی قوْروماق[قایناغی دَییشدیر]
ایشلدن صفحهلری ده قوْروما سیاستی اساسیندا واندالیزم اۆز وئرنده یوْخسا ایشلدن طرفیندن صفحهسینده کوْپیرایت قانونونو پوْزان فایللار و معلوماتلار قوْیولاندا، ایدارهچیلر طرفیندن قوْرونا بیلر. بیر ایشلدن صفحهسینین قوْرونماسینی یوْخسا قوْرومادان چیخارتماسینی گرک گؤرسز، ویکیپدیا:ایدارهچیلر بیلدیری تابلوسو یوْخسا ویکیپدیا:صفحه قوْروما ایستکلرینده بیلیندیرین.
ایشلدن آلتصفحهلرینی سیلمک[قایناغی دَییشدیر]
داها لازیم اوْلمایان آلتصفحهلری سیلمک اۆچون اوْنلاری بوْشالتیب، یئرینه {{سیل|لازیم اوْلمایان ایشلدن آلتصفحهسی}} شابلونونو قوْیون. بیر ایدارهچی اوْنو یوْخلاییب سیلهجک. آنجاق نظرده آلین؛ سیز تکجه اؤز حسابینیزین آلتصفحهلرینی سیلینیش اۆچون کاندید ائده بیلرسینیز.
ایشلدن صفحهسینی سیلمک[قایناغی دَییشدیر]
آیریلارین ایشلدن صفحهسینی سیلمک[قایناغی دَییشدیر]
اصلینده هر ایشلدن صفحهسینی تکجه اوْ ایشلدن دییشدیره بیلر و آیری ایشلدنین صفحهسینی سیلمکدن قاباق اوْ ایشلدنله دانیشمانیز مصلحتدیر. آنجاق آزاد اوْلمایان عکسلری، یارانمامیش حساب ایشلدن صفحهسی، کوْپیرایت پوْزونتوسو، شخصی حملهلر و تبلیغ باش وئرنده، تئز و دانیشیقسیز و باشقا مسألهلرده دانیشیقلا سیلمک اوْلار.
اؤز ایشلدن صفحهنیزی سیلمک[قایناغی دَییشدیر]
دانیشیق صفحهنیزین ساخلانیشی اۆچون خاص بیر سبب ( مثلا: صفحهنیزده تذکور یازیلسا) اوْلمازسا، اوْنون سیلینمهسینی ایستهیه بیلرسینیز. تکجه {{سیل}} شابلونونو صفحهیه آرتیرماغینیز گؤرر. بیر ایدارهچی صفحهنین ساخلانماسینین لازیم اوْلمادیغیندان آرخایین اوْلاندان سوْنرا، اوْنو سیلهجک. آنجاق نظرده آلین: بیر آیری ایشلدن سبب گتیرمکله صفحهنین دیریلتمهسینی ایستهیه بیلر، اوْندا صفحه قورولوب، سیلینمهسی اۆچون ویکیپدیا:سیلینیش کاندیدلری صفحهسینده دانیشیلاجاقدیر.
ایشلدن دانیشیغی صفحهلرینی سیلمک[قایناغی دَییشدیر]
معمولا ایشلدن دانیشیغی صفحهلرینی و آرشیولرینی سیلمزلر، آنجاق اینجیتمه، تهدید، توهین و آیری تخلفلر قاباغا گلنده و شخصی ایله خصوصی اطلاعاتلار یازیلاندا اوْنلاری سیلیب یوْخسا گیزلتمک اوْلار.
ایشلدن صفحهسیندن هانسی معلوماتی الده ائتمک اوْلار؟[قایناغی دَییشدیر]
- ایشلدن چالیشمالاری
- ایمئیل گؤندرمک