Serbia
| Serbia | ||
| Република Србија Republika Srbija | ||
|
| |
| Standardo di Serbia | Blazono di Serbia | |
| Nacionala himno: | ||
| Bože pravde | ||
| ||
Urbi:
| ||
| Chefurbo: | Beograd | |
| · Habitanti: | 1 670 000[1] (2007) | |
| Precipua urbo: | Beograd | |
Lingui:
| ||
| Oficala lingui: | Serbiana | |
| Tipo: | Republiko | |
| · Prezidanto: | Aleksandar Vučić | |
| · Chefministro: | Ana Brnabić | |
Surfaco: (113ma maxim granda)
| ||
| · Totala: | 88 361 km² | |
Habitanti: (104ma maxim granda)
| ||
| · Totala: | 7 001 444[2] (2017) | |
| · Denseso di habitantaro: | 91,1 hab./km² | |
Plusa informi:
| ||
| Valuto: | dinaro di Serbia | |
| Veho-latero: | dextre | |
| ISO: | RS
| |
SRB
| ||
688
| ||
| Reto-domeno: | .rs*, .срб* | |
Serbia esas lando an sudal Europa. Ol havas kom vicini Hungaria norde, Rumania e Bulgaria este, Kosovo e Norda Macedonia sude, e Montenegro, Bosnia e Herzegovina e Kroatia weste.
Bazala fakti pri Serbia.
Historio[redaktar | redaktar fonto]
| Precipua artiklo: Historio di Serbia |
On savas ke la nuna Serbia habitesas de Paleolitiko, cirkume 525.000 til 397.000 yari ante nun, malgre poka restaji trovita, exemple fragmento de mandibulo trovita en Sićevo.[3] Cirkume 6500 yari ante nun, la kulturi Starčevo e Vinča florifis en la nuna regiono di Beograd.
.jpg)
Romani konquestis la regiono dum l'1ma yarcento aK, e la regiono divenis parto di kelka Romana provinci. Entote 18 Romana imperiestri naskis en la regiono.[4] Dum la 11ma yarcento, Serbia divenis parto de Bizancana e Bulgariana imperii. En 1217, la lando adoptis la maxim anciena konstituco de la historio.
En 1386, Otomani vinkis Serbi en la Batalio di Plocknik, e parto de la regiono okupesis dal Otomani. En la regioni okupita dal Otomani, parto ek la habitantaro koaktesis konvertar su ad Islamo, e multa filiuli de Kristana familii rekrutesis kom janichari, to esis, l'infantrio Otomana. Multa sedicii eventis dum l'okupado, exemple en Banat, de 1594 til 1595. La nordo di Serbia (nune Voivodina) okupesis dal Otomani erste dum la 16ma yarcento, ma partale cedesis al Austriani en 1699, e komplete en 1718.
Serbia nedependanteskis del Otoman imperio ye la 13ma di julio 1878. De 1918 til 1945 ol apartenis al Rejio Yugoslavia, e de 1945 til 1991 ol divenis parto de la Republiko Socialista Federala Yugoslavia.
| Precipua artiklo: Yugoslavia |
Kande interna militi desintegrigis Yugoslavia de 1991 til 1992, Serbia restis unionita a Montenegro en lando qua prezervis la nomo Yugoslavia til 2003. Ca yaro, lua nomo chanjesis a Serbia e Montenegro.
| Precipua artiklo: Serbia e Montenegro |
Kun la nedependantesko di Montenegro en 2006, Serbia divenis sola stato. En februaro 2008, Kosovo deklaris nedependo, tamen Serbia e plu kam 100 altra landi ne agnoskis to nemediate.
| Precipua artiklo: Kosovo |
Ye la 22ma di decembro 2009 Serbia oficale prizentis lua kandidateso por membreskar l'Europana Uniono[5].
Politiko[redaktar | redaktar fonto]
Depos la separo di Serbia e Montenegro en 2006, la guvernerio-formo di Serbia esas parlamentala republiko. La konstituco de 2006 aprobesis per referovoto populala ye la 30ma di oktobro ca yaro, e remplasis l'antea, de 1990. La chefo di stato esas la prezidanto, qua elektesas dal populo por kin-yara periodo. La chefministro esas la chefo di guvernerio, e selektesas dal prezidanto inter la membri del parlamento.
La parlamento, o nacional asemblitaro (Narodna Skupština) havas unika chambro kun 250 sideyi. Singla quar yari, eventas elekti di lua membri, per direta populala votado. La chefministro povas dissolvar la parlamento e kunvokar anticipa elekti. Omna civitani evanta 18 yari o pluse darfas votar.
La judiciala povo di Serbia havas tri niveli. La maxim alta esas la Supra Korto di Kasaco, pose existas l'Apelo-korti en duesma instanco, e lokala korti por judiciar en unesma instanco. Ank existas specaligata korti, exemple l'Administrala korto, komercala korti (inkluzite la Komercala Apelo-korto en duesma instanco), e delikto-korti, inkluzite la Supra Delikto-korto en duesma instanco.
Serbia esas unitara stato, konsistanta ek municipi/urbi, distrikti e du autonoma provinci. En Serbia, exkluzite Kosovo existas 145 municipi (opštine) e 29 urbi (gradovi). Ank existas 24 distrikti, separata del urbi/municipi, e Beograd konsistas ek separata distrikto. La konstituco di Serbia agnoskas l'existo du autonoma provinci: Voivodina e Kosovo, e ne agnoskas la nedependo Kosovana, judikata kom nelegala.
Geografio[redaktar | redaktar fonto]
Serbia jacas inter 41º e 47º N. Norde (Voivodina), lua tereni esas basa, kontre ke sude (sudala Karpati) esas alta. Danubio esas la precipua fluvio di Serbia. Altra importanta fluvii esas Granda Morava (493 km, tote en Serba teritorio) Sava, kun 945 km (di qui 206 km en Serbia), e Tisza o Tisa, kun 1358 km di extenso (di qui 168 km en Serbia). La maxim alta monto di la lando esas Monto Midzhur, kun 2 169 metri di altitudo, an la frontiero kun Bulgaria.
Lua klimato influesas da Mediteraneo e da Eurazia. La mezavalora temperaturi esas 0°C dum vintro e 22°C dum somero. La pluvo-quanto esas bone distributata dum tota yaro.
Cirkume 29,1% de Serbiana teritorio kovresas da foresti.[6]. Nacionala parki kovras cirkum 10% dil teritorio[7] Entote, foresti kovras 2 252 000 hektari, di qui 53% protektesas en publika arei, e 47% jacas en privata arei. Kovranta 1,9% de tota teritorio Europana, la foresti de Serbia habitesas da 74% de la speci di uceli, 51% ek la fishi, e 67% de la mamiferi de la kontinento. La konifero Picea omorika esas endemika de la vicineso dil monto Tara.
Ekonomio[redaktar | redaktar fonto]
| Precipua artiklo: Ekonomio di Serbia |
Dum recenta yari, granda entraprezi, exemple US Steel, Philip Morris, Microsoft, FIAT, Coca-Cola ed altre kolokis en Serbia[8].
Demografio[redaktar | redaktar fonto]
Segun statistiki de The World Factbook por julio 2018, Serbia havis 7 078 110 habitanti. Segun la demografiala kontado di 2011, la maxim multa (83,3%) esas Serbi. Hungari esas 3,5%, Cigani esas 2,1%, Bosniani esis 2%, e 5,7% apartenis ad altra etnii e 3,4% ne deklaris l'etnio.[9]
L'oficala linguo di la lando esas Serbiana, parolata da 88,1% de la habitantaro. Hungara parolesas da 3,4%, 1,9% parolas Bosniana, Romani parolesas da 1,4%, 3,4% parolis altra lingui, e 1,8% ne informis pri la linguo.
Segun la demografiala kontado di 2011, la religio kun maxim granda nombro di adepti esas Ortodoxa kristanismo (84,6% de la habitantaro). Katoliki esas 5%, Mohamedani esas 3,1%, Protestanti esas 1%, atei esas 1,1%, 0,8% praktikis altra religii, e 4,5% ne informis pri religio.
La maxim granda urbo esas Beograd. Altra importanta urbo esas Novi Sad e Niš.
Kulturo[redaktar | redaktar fonto]
Serbia havas multa monumenti del epoki Romana e Bizancana, nome en Sirmium, Gamzigrad, e Justiniana Prima. Lua monumenti de la Mezepoko esas precipue kirki e monakeyi. Dum Turka okupado, Serbiana arto preske desaparis, ecepte por Serbian artisti qui vivis en regioni sub Habsburga dominaco. Dum la fino di la 18ma yarcento Serbian arto montris kelka influi de baroko, e dum la 19ma yarcento ol subisis influi de romantikismo e realismo. Dum la 20ma yarcento la maxim importanta piktisti esis Paja Jovanović, Milan Konjović, Marko Čelebonović, Petar Lubarda, Uroš Predić, Milo Milunović, Vladimir Veličković, Mića Popović, Sava Šumanović e Milena Pavlović-Barili.
Pri literaturo, dum la 20ma yarcento la maxim importanta skriptisti di prozo esis Isidora Sekulić, Miloš Crnjanski, Ivo Andrić, Branko Ćopić, Meša Selimović, Borislav Pekić, Dobrica Ćosić, Danilo Kiš, Aleksandar Tišma e Milorad Pavić.
Stevan Mokranjac judikesas kom kreinto di la moderna muziko Serbiana. Petar Konjović, Stevan Hristić e Miloje Milojević modernigis romantika muziko samatempe kam mantenis l'expresado nacionala. Nun existas tri opero-domi en Serbia: l'Opero-domo di la Nacionala Teatro e l'Opero Madlenianum, ambe en Beograd, e l'Opero de la Nacionala Teatro di Serbia, en Novi Sad. Nun, multa artisti sucesas per la moderna pop-muziko e la tale nomizita turbo-folk (qua mixas elementi de pop e dance-muziko kun lokala folklorala muziko), exemple Aca Lukas, Seka Aleksić, Jelena Karleuša, Dara Bubamara, Maya Berović, Sandra Afrika, ed altri.
L'unesma cinematografuro de Serbia, ed anke de Balkani, Život i dela besmrtnog vožda Karađorđa ("La vivo ed agi de la nemortiva chefo Karađorđe") enrejistresis en 1896. Ol naracas la biografio di Karađorđe, chefo di revolucionala movado pri la nedependo di Serbia dum la komenco dil 19ma yarcento. Nun, la cinemo Serbiana esas un ek la maxim produktiva de Europa, e subsidiesas dal guvernerio. En 2019, 26 cinematografuri produktesis en Serbia, di qui 14 esis lokala produkturi. Un ek la maxim konocata filmifisti de la lando esas Emir Kusturica, qua dufoye ganis l'Ora Palmo (Palme d'Or) de la cinemo-festivalo di Cannes, en 1985 ed itere en 1995.
.jpg)
La maxim populara sporti en Serbia esas precipue kolektiva sporti, exemple futbalo e basketbalo. Recente, teniso anke divenis populara. En la 6ma di oktobro 2008 Serbiana tenisistino Jelena Janković rangizesis l'unesma del mondo. Pri maskula tenisisti, un ek la maxim konocata nomi esas Novak Djokovic, qua nun rangizesas l'unesma del mondo.
Referi[redaktar | redaktar fonto]
- ↑ https://zis.beograd.gov.rs/upload/G_2007E.pdf
- ↑ Sen Kosovo. Fonto: PBS Stat. URL vidita ye la 2ma di aprilo 2019.
- ↑ (2011). A human mandible (BH-1) from the Pleistocene deposits of Mala Balanica cave (Sićevo Gorge, Niš, Serbia). Journal of Human Evolution.
- ↑ Ave, Srbijo Aleksandra Krsmanović (en Serbiana)
- ↑ Sérvia bate à porta da Europa dez anos depois da guerra de Kosovo - UOL (tradukuro di artiklo de Hispana jurnalo El País).
- ↑ "Dragin obrazlozio predloge zakona u oblasti poljoprivrede". Vlada Srbije. 2005
- ↑ "U Srbiji do 2010. godine 10% teritorije nacionalni parkovi". Poslovni Magazin - Business Surfer
- ↑ SIEPA - Success stories
- ↑ Serbia - The World Factbook (Angla). CIA. URL vidita ye la 2ma di aprilo 2019.
| Nuna stati qui formacis l'anciena Yugoslavia | .svg){kind=small}
|
|---|---|
| Bosnia e Herzegovina | Kosovo | Kroatia | Norda-Macedonia | Montenegro | (Serbia e Montenegro) | Serbia | Slovenia | |
|
| |
| Membrostati: | Austria – Belgia – Bulgaria – Chekia – Chipro – Dania – Estonia – Finlando – Francia – Germania – Grekia – Hispania – Hungaria – Irlando – Italia – Kroatia - Latvia – Lituania – Luxemburgia – Malta – Nederlando – Polonia – Portugal – Rumania – Slovakia – Slovenia – Suedia | |
| Negocianta stati: | Islando - Montenegro – Norda-Macedonia – Serbia – Turkia | |
| Peticionanta stati: | Albania | |
| Potenciala kandidati: | Bosnia e Herzegovina - Kosovo | |