Montenegro

Република Црна Гора
Republika Crna Gora
Republik Montenegro

Banniel Montenegro Ardamezioù Montenegro
Yezh ofisiel	Montenegreg
Kêr-benn	Podgorica
Kêr-benn gozh ar roueed	Cetinje
Prezidant	Milo Đukanović
Ministr Kentañ	Zdravko Krivokapić
Gorread  – En holl  – % dour	13 812 km²  n/a
Poblañs  – Total (2003)  – Stankted	616,258  48.7/km²
Kenelioù	Montenegriz: 43% Serbed: 32% Bosniaked: 8% Albanianed: 5% Kroated: 1% Reoù all: 11%
Kan broadel	Oj, svijetla majska zoro (doare ofisiel)
Moneiz	Euro
Takad eur Eur hañv	CET (UTC +1) CEST (UTC +2)
Kompagnunezh aerzougen	Montenegro Airlines
astenn Internet	.me

Republik Montenegro (e serbeg: Crna Gora, Црна Гора, distaget Tsrna Gora, ['tsr̩naː 'ɡɔra]) a zo ur republik er Balkanioù a-hed Mor Adria.
Hervez he bonreizh eo Montenegro ur «Stad demokratel, gwaredour hag ekologel».
Crna Gora a dalvez kement ha menez du, dre ma seblante teñval d'ar verdeerien an Alpoù dinarek ar menezioù-se gwelet eus ar mor, kement a goadoù don a oa dre eno gwechall. Merdeerien Venezia eo o deus brudet an anv-se dre o yezh, hag en un bern yezhoù eus ar bed eo gant an anv Montenegro — a dalvez menez du ivez — eo anavezet ar vro.
Ur referendom war dizalc'hiezh ar vro a zo bet dalc'het d'an 21 a viz Mae 2006. 55,5% eus ar voterien a zo savet a-du gant an disrann hag evel-se adsevel an dizalc'hiezh a oa da Rouantelezh Montenegro betek 1918. Evit bezañ degemeret an disoc’h gant Unaniezh Europa e ranke ar “ya” tapout tremen 55%, ha 50% eus ar voterien a zlee eztaoliñ o mouezh (86,3% o deus graet).
Embannet eo bet an dizalc'hiezh gant ar Parlamant d'an 3 a viz Mezheven 2006 ha degemeret eo bet en ABU d'an 21 a viz Mezheven 2006.

Ar c'henelioù

Setu dasparzh kenelioù ar vro hervez niveridigezh 2003:

• En holl: 620,145
  • Montenegriz 267,669 (43.16%)
  • Serbed 198,414 (31.99%)
  • Bosniaked 48,184 (7.77%)
  • Albanianed 31,163 (5.03%)
  • Muzulmidi 24,625 (3.97%)
  • Kroated 6,811 (1.10%)
  • Rromed 2,601 (0.42%)

Kenelioù Montenegro hervez niveridigezh 2003

Disoc'hoù ar Referendum; munisipaladoù livet ruz o deus votet evit an dizalc'hiezh, ar re c'hlas evit an unaniezh gant Serbia