Linguo
Irez a navigado
Irez a serchilo
![](http://webcf.waybackmachine.org/web/20220308090116im_/https://upload.wikimedia.org/wikipedia/commons/thumb/2/25/Egypt_Hieroglyphe4.jpg/250px-Egypt_Hieroglyphe4.jpg)
Hieroglifi, formo di skribar l'anciena Egiptiana linguo e un ek la maxim antiqua formo di skribo. L'unesma skribita dokumenti evas plu kam 5000 yari, ma parolata lingui posible originis dekmile yari ante nun.
Linguo esas sistemo, en qua audala signi produktesas kun parol-organi. Per linguala signi homo expresas sua pensi. Ca signi nomizesas linguala expresuri. Per helpo di skribo on povas igar linguala expresuri videbla, altre dicante, lektebla. En gesto-linguo linguala expresuri esas videbla, ma ne audebla. Linguo esas o naturala od artificala.
Precipua artiklo: lingui en la reto |
Naturala lingui[redaktar | redaktar fonto]
La traito di naturala linguo esas:
- Ol evolucionis dum yarmili en ula socio homala.
- Ol esas primara, altre dicante matrala, linguo di ula individuo, quo adoptis, ne studiis, nomizata linguo dum sua infanteso.
- On uzas la linguo en diversa eventi kom moyeno di komuniko e kom moyeno por komprenar od intelektar la mondo.
Naturala lingui klasifesas:
- segun linguala traiti e tipi aden tipologio
- segun genezo aden familii (historial-komparanta studio).
Artificala lingui[redaktar | redaktar fonto]
Specifika:
- Formala lingui, exemple, la lingui di programifo en informatiko, exemple FORTRAN, COBOL, BASIC.
- Bliss (maxim grafika)
- Internaciona helpolingui. Ofte esas quale la kemiala nomenklaturo, ube la signo nominanta omna korpi kompozata reprezentas ipse l'analiso di lua kompozeso. La maxim konocata esas:
- Volapük (1880)
- Esperanto (1887), havante la maxima quanto di membri.
- Idiom neutral (1902)
- Latino sine flexione (1903)
- Ido (1907)
- Occidental / Interlingue (1922)
- Novial (1928)
- Basic English (1932)
- Interlingua (1951)
- Glosa (1981)
- Románico (1991)
- toki pona (2001)