ويكيبيديا مصرى
موقع ويب | arz.wikipedia.org |
---|---|
تجارى؟ | لا |
نوع السايت | مشروع موسوعه انترنت |
التسجيل | اختياريه |
اللغه/اللغات | مصرى اكتر المحتويات تظهر مكتوبه بالابجديه العربى)[1] |
مين صاحبها | ويكيميديا كومونز |
ويكيبيديا مصرى مشروع موسوعه حره اى حد ممكن يساهم فى كتابتها و مكتوبه بالمصرى[2] بطريقه اى مصرى يعرف يقراها. ويكيپيديا مصرى هى النسخه المصرى بتاعة ويكيبيديا, الموسوعه الحره. ويكيپيديا مصرى فيها 1,564,148 مقاله دلوقتى.[3] ف يونيه 2020, ويكيبيديا مصرى كانت تالت لغه ف ويكيبيديا بيزورها يوزرز من مصر 961,000 قراية صفحه.[4]
اللغه
اللغه المصريه الحديثه او المصرى هى اللغه اللى المصريين بيتكلّموها فى مصر,[5][6][7] ابتدا تاريخها فى دلتا النيل حوالين بلادها الحضريه زى القاهره وإسكندريه.[5]
اللغه المصريه الحديثه لغه بتتدرس فى جامعات و معاهد كتيره فى العالم و هى لغه بتعترف بيها المنظمه الدوليه للتوحيد القياسى (ISO), و كود اللغه arz بالنسبه لقانون المنظمه الدوليه للتوحيد القياسى (ايزو 639) . كود اللغه اتنشر اول مره فى ايزو 639-3 اللى اتنشر يوم 1 فبراير سنة 2007. المصرى لحد دلوقتى مالهاش صفه رسميه من الحكومه المصريه اللى مش بتعترف بيها على انها لغه مستقله. العربى القياسى الحديث و هو تجديد للغه العربى الكلاسيكى, هو اللغه الرسميه فى مصر, بس إبتدا الإهتمام بـ اللغه المحكيّه فى القرن التسعتشار لما كانت الحركه القوميه المصريه الإستقلاليّه بتعمل نشاط.
تاريخ
.
ويكيپيديا مشروع فى اكتر من 300 لغه علشان تبقى موسوعه . ويكيپيديا مصرى فيها 1,564,148 مقاله دلوقتى, اقتراح النسخه المصريه (ويكيپيديا مصرى) اتحط على الميتا يوم 30 مارس 2008,[8] و صاحب الاقتراح كتب ان قصده توفير مصدر للمعلومات بلغة مفهومه لاى شخص عادى فى مصر عن طريق اقتراح الكتابه بلغه بيتكلمها ملايين و معترف بيها و رمز للمصريين فعلا في الكلام و فيه فى مصر ناس تحب تكتب بيها و ليها مفرداتها و قواعدها. و بعد مناقشه اخدت اكتر من تلات شهور و نص اتوافق عليها.
نشاط
يوم 4 مارس 2022 عدد مقالات ويكيبيديا مصرى 1,564,148 مقاله و فيها 1,920,382 صفحة و6,787,740 تعديل و 175,661 يوزر متسجل و 211 يوزر نشيط و 7 إداريين [9]
مراحل التطور
- اقتراح النسخه المصريه (ويكيپيديا مصرى) اتحط على الميتا يوم 30 مارس 2008
- ويكيبيديا مصرى ابتدت فى الIncubator (إنكيوبيتور) فى 2 ابريل 2008.
- اتوافق عليها فى 23 يوليه فى ويكيمانيا 2008 فى إسكندريه.[10][11]
- ابتدا سايت النسخه المصريه (ويكيپيديا مصرى) الرسمى فى 24 نوفمبر 2008.[12][13]
- عدت الويكيپيديا المصرى حاجز الـ 100 مقاله فى 6 ديسمبر2008.[12]
- عدت الويكيپيديا المصرى حاجز الـ 200 مقاله فى 21 ديسمبر2008.[12]
- عدت الويكيپيديا المصرى حاجز الـ 500 مقاله فى 22 يناير 2009.[14]
- عدت الويكيپيديا المصرى حاجز الـ 1,000 مقاله فى 31 يناير 2009.[14]
- عدت الويكيپيديا المصرى حاجز الـ 2,000 مقاله فى 14 مارس 2009.[15]
- عدت الويكيپيديا المصرى حاجز الـ 3,000 مقاله فى 7 يونيه 2009.
- عدت الويكيپيديا المصرى حاجز الـ 4,000 مقاله فى 6 ديسمبر 2009.
- عدت الويكيپيديا المصرى حاجز الـ 5,000 مقاله فى 7 مارس 2010.
- عدت الويكيپيديا المصرى حاجز الـ 10,000 مقاله يوم 5 مارس 2013.
- عدت الويكيپيديا المصرى حاجز الـ 20,000 مقاله يوم 20 ديسمبر 2018.
- عدت الويكيپيديا المصرى حاجز الـ 25,000 مقاله يوم 27 نوفمبر 2019.
- عدت الويكيپيديا المصرى حاجز الـ 30,000 مقاله يوم 25 ديسمبر 2019.
- عدت الويكيپيديا المصرى حاجز الـ 40,000 مقاله يوم 1 يناير 2020.[16]
- مقالات ويكيپيديا مصرى عدت 50,000 مقاله يوم 6 يناير 2020.[16]
- مقالات ويكيپيديا مصرى عدت 60,000 مقاله يوم 11 يناير 2020.[16]
- تعديلات ويكيپيديا مصرى عدت مليون تعديل يوم 14 يناير 2020.[16]
- عدد مقالات ويكيپيديا مصرى عدا 70,000 مقاله يوم 17 يناير 2020.[16]
- عدد مقالات ويكيپيديا مصرى عدا 80,000 مقاله يوم 24 يناير 2020.[16]
- عدد مقالات ويكيپيديا مصرى عدا 100,000 مقاله يوم 1 فبراير سنة 2020.[17]
- عدد مقالات ويكيپيديا مصرى عدا 150,000 مقاله يوم 2 مارس سنة 2020.[18]
- عدد مقالات ويكيپيديا مصرى عدا 200,000 مقاله يوم 18 مارس سنة 2020.[18]
- عدد مقالات ويكيپيديا مصرى عدا 300,000 مقاله يوم 8 ابريل سنة 2020.[19]
- عدد مقالات ويكيپيديا مصرى عدا 400,000 مقاله يوم 26 ابريل سنة 2020.[19]
- عدد مقالات ويكيپيديا مصرى عدا 500,000 مقاله يوم 11 مايو سنة 2020.[20]
- عدد مقالات ويكيپيديا مصرى عدا المليون (1,000,000 ) مقاله يوم 28 يوليه سنة 2020.[21]
- عدد مقالات ويكيپيديا مصرى عدا المليون و نص (1,500,000 ) مقاله يوم 26 ديسمبر سنة 2021.[22]
طريقة الكتابه
طريقة الكتابه مشروحه فى صفحة طريقة الكتابه فى ويكيپيديا مصرى.
ويكيپيديا مصرى مكتوبه بالمصرى اللى بيتكلمه المصريين و مكتوبه زى ما بيكتبوها فى جواباتهم لبعضيهم و فى حياتهم اليوميه. المصريين بيكتبو المصرى فى الروايات, و المسرحيات, و القصايد الشعبيه و كمان فى المجلات الكوميدى و الإعلانات و شوية جرايد. ممكن الكتابه بالمصرى بأى طريقه طالما أى مصرى ممكن يفهمها. ما دام اليوزر يعرف يكتب بالمصرى ممكن انه يكتب اللى يعرفه فى ويكيپيديا مصرى.[23]
رد الفعل
فیه كلام كتیر حصل عن ويكيبيديا مصرى.[24] ممكن تلخيص الكلام إن فيه اراء مختلفه, هى اما تأیید او اعتراض او محايده.[2][25][26][27][28][29][30]
تأیید
المؤیدین بیقولو ان:[31]
- اللغه المصرى لغه مفهومه بيتكلمها ملايين و رمز للمصريين فعلا فى الكلام
- فيه ناس تحب تكتب باللغه المصرى, و هى لغه مش قاصره او ركيكه, و بيثبتو ده بأمثله زى قصيدة اسم مصر
- اللغه المصرى معترف بيها فى العالم و ثبت انها مؤهله لويكيپيديا و ويكشينارى.[8]
- اللغه المصرى هى أول لغه بيتعلمها المصريين من ابهاتهم و امهاتهم قبل ما يوصلو سن الخمس سنين.[32]
- المصريين ما بيحتاجوش دروس في قواعدها و لا فى صرفها و لا نحوها لأنها الاقرب ليهم من كل اللغات.
- المصرى لغه سهله و بسيطه و متطوره و زى اى لغه حيه بتتطور كل يوم و تطورها نابع من الناس.
- اللغه المصرى ليها قواعد ثابته و مفرداتها كتيره قوى و تطور مفرداتها بيكون عن طريق استيعاب اى مفردات جديده من اى مصدر و تمصيرها بسرعه.
- مافيش حد مجبور انه يساهم فى ويكيپيديا مصرى.
اعتراض
المعترضین على ويكيپيديا مصرى بيقولو:[33][34]
- ويكيپيديا مصرى مالهاش لازمه لإن فيه ويكيپيديا عربى.
- اللغه المصرى قاصره و ركيكه.
- اللغه المصرى مالهاش قواعد ثابته و مفرداتها قليله علشان كده فيها كلمات انجليزى كتير.
- فيه مواضيع حساسه ماينفعش الكلام فيها باللغه المصرى.
- المصرى بيفهم عربى و لازم توحيد جهود كل العرب فى ويكيپيديا واحده.
- لو انفتحت ويكيپيديا لكل بلد لغته الرسمى عربى هيكون المشاركين فيها قليلين جدا.
- عدد المقالات عن الپورنو وممثلى الاباحيه كتير.
- مافيش فايده من ويكيپيديا مصرى علشان المدارس والجامعات بتطلب البحوث والمعلومات والمقالات باللغة العربى الفصحا.
حياد
المحايدین بيقولو:
- ويكيپيديا مصرى لاهاتقدم و لا هتأخر.
- الناس من حقهم يجربو و مش هانخسر حاجه.
- مش صحيح أن ويكيپيديا عربى هاتخسر.
- المتحمس لويكيپيديا المصرى هو غالبا مش من فئة الناس اللى بيتحمسو لويكيپيديا عربى.
مواضيع مرتبطه
لينكات
- ويكيبيديا مصرى – صور وتسجيلات صوتيه و مرئيه على ويكيميديا كومونز
- ويكيبيديا مصرى معرف مخطط فريبيس للمعارف الحره
- Learn to Speak and Read Egyptian Arabic Using a highly visual approach to learning with color-coded text, up to 6,000 audio clips, videos, and podcasts.
مصادر
- ↑ Wikipedia Masry rules of writing
- ↑ أ ب Hebdo.ahram.org.eg
- ↑ https://arz.wikipedia.org/wiki/%D8%AE%D8%A7%D8%B5:%D8%A7%D8%AD%D8%B5%D8%A7%D8%A6%D9%8A%D8%A7%D8%AA
- ↑ Page views by country - Egyptian Arabic Wikipedia, Wikimedia Statistics, read on July 13th 2020
- ↑ أ ب المرجع غلط: اكتب عنوان المرجع فى النُص بين علامة الفتح
<ref>
وعلامة الافل</ref>
فى المرجعucla
- ↑ Mugtama
- ↑ Almasri alyoum
- ↑ أ ب Meta proposal for wikipedia Masry
- ↑ لستة الويكيبيديات حسب عدد المقالات
- ↑ Wikinews
- ↑ In french lesdebate, Identity syndrome, wikipedia Masry
- ↑ أ ب ت [1]
- ↑ Academia.edu
- ↑ أ ب Wikimedia News
- ↑ Meta news 2009
- ↑ أ ب ت ث ج ح Meta news January 2020
- ↑ Meta news February 2020
- ↑ أ ب Meta news March 2020
- ↑ أ ب Meta news April 2020
- ↑ Meta news May 2020
- ↑ Meta News July 2020
- ↑ Meta News December 2021
- ↑ الاتحاد الكاثوليكي العالمي للصحافة- فرع لبنان
- ↑ NNI Language, identity and Wikipedia: Some perspectives from the Cairo “Wikipedia in the Arab World” workshop
- ↑ Shorouk
- ↑ Middle Esat online
- ↑ برنامج BBC Extra - بى بى سى القسم العربى
- ↑ الساعة التانيه لحلقة BBC Extra
- ↑ Almubasher.net
- ↑ Almubasher.net
- ↑ مقابلة على البى بى سى عربى مع مؤسس ويكيبيديا مصرى .
- ↑ Tutatuta
- ↑ الوكالة العربية للأخبار العلمية
- ↑ المصريون