Navarra

Comunidat Foral de Navarra; Comunidad Foral de Navarra; Nafarroako Foru Komunitatea
	Comunidat foral d'Espanya
Bandera	Escudo
	Himno: Himno de las Cortes
Entidat; • Estato	Comunidat foral; Espanya
Capital	Pamplona
Subdivisions	5 merindatz; 19 comarcas
Idioma oficial	Castellán y basco (cooficial en parti d'o territorio)
Superficie; • Total	Pos. 11 de 19; 10 391 km²
Población; • Total (2019); • Densidat	Pos. 15 de 19; 647 554 hab. ; 63,18 hab/km²
‎Chentilicio	Navarro/a
ISO 3166-2	ES-NC, ES-NA
President	Uxue Barkos (Geroa Bai)
Amilloramiento d'o Fuero	16 d'agosto, 1982
Día de Navarra	3 d'aviento
	;
	Pachina web oficial

A Comunidat Foral de Navarra (Comunidad Foral de Navarra en castellán, Nafarroako Foru Komunitatea en basco) ye una comunidat autonoma d'o norte d'Espanya. Muga por o norte con Francia, por l'este con Aragón, por o sud con A Riocha y por l'ueste con o País Basco.

D'una población de 642.051 habitants (2011), alto u baixo un tercio d'ixa zifra viven en a capital, Pamplona (Iruñea u Iruña en euskera). Bi han 272 municipios en Navarra, agrupatos tradicionalment en 5 merindatz y 19 comarcas.

Navarra ye una mezcla d'influencia montanyesa d'os Pireneus y Mediterrania d'a val de l'Ebro. En o norte se charra basco, en o centro y sud a lengua popular ye o castellán. En a Edat Meya se charraba o romance navarro en o sud y l'este y l'occitán en ciudatz d'o camín de San Chaime.

Comarcas[editar | modificar o codigo]

Navarra se dividió historicament en Merindatz: Merindat de Pamplona, Merindat d'Estella, Merindat de Sangüesa, Merindat d'Olit, Merindat de Tudela y Merindat de Baixa Navarra u Ultrapuertos.

En Navarra as comarcas se distribuyen en tres rechions cheograficas:

Ribera Navarra, subdividita en oriental y occidental, con Tudela y Viana como nuclios más grans.
Navarra Meya, d'alto u baixo a Merindat d'Olit, con Tafalla y Olit como nuclios más grans.
A zona d'a Montanya, que comprene as vals marcatas por as sierras d'Aralar, Urbasa y Andía en a parte occidental y as vals Pirenencas en a parte central y oriental.