Tehran
Tehran تهران Tehrān | |
---|---|
Metropolis | |
![]() | |
Koordinat: 35°41′46″N 51°25′23″E / 35.69611°N 51.42306°E | |
Negara | Iran |
Provinsi di Iran | Provinsi Teheran |
Daerah | Daerah Teheran Daerah Rey Daerah Shemiranat |
Pamarintahan | |
• Wali kota | Mohammad Bagher Ghalibaf |
• Dewan Kota | Mehdi Chamran |
Laweh | |
• Metropolis | 2.746 km2 (1,060 sq mi) |
• Metro | 18.814 km2 (7.264 sq mi) |
Katinggian | 1.200 m (3.900 ft) |
Panduduak (2006) | |
• Kapadatan | 10,327,6/km2 (26.748,3/sq mi) |
• Kota | 8,429,807 |
• Metro | 13,413,348 |
• Peringkat populasi di Iran | ke−1 |
Data populasi dari Sensus 2006 jo Munisipalitas Teheran.[1][2] Angka lueh wilayah Metro marujuak ka Provinsi Teheran. | |
Zona wakatu | IRST (UTC+3:30) |
• Musim paneh (DST) | IRDT (UTC+4:30) |
Kode wilayah | 021 |
Situs web | www.tehran.ir |
Tehran (atau Teheran) (baso Persia: تهران) marupoan ibu kota negara Iran nan populasinnyo mancapai 8.000.000 urang. Tehran manjadi kota industri nan maliputi produksi oto, elektronik, jo paralatan elektrik, sanjato, tekstil, gulo, semen sarato produk kimia. Salain manjadi kota industri, Tehran marupoan pusat panjualan karpet jo mebel. Komunitas masyarakaik di Tehran tadiri dari kaum Persia, Armenia, Yahudi, Azeri, jo Afghanistan. Tampek ibadah nan ado di Tehran barupo musajik, gereja jo sinagoge.[3]
Sijarah[suntiang | suntiang sumber]
Tehran tagak sabagai desa katiko abaik ka-9, tapi indak tanamo dek adonyo kota Rages nan labiah maju disinan. Pao abaik ka-13, sasudah suku Mongol maancuan Kota Rages, banyak panduduak Rages mangungsi ka Tehran. Di era Mongol katiko itu Tehran disabuik jo "Teherannya Rages" (طهرانِ ری). Salanjuiknyo Teheran pernah pulo diabadian namonyo di dalam buku Nezhat ol-Gholoob karya Hamdollah Mostowfi (ditulih tahun 1340) sabagai sabuah desa tanamo. Tehran manjadi tampek pamukiman pamimpin Safavid pado abaik ka-17 dek Tahmasp I nan mambangun bazaar jo tembok di sakaliliang kota, tapi lambek laun ditinggaan dek Abbas I mulai berang ka Tehran sasudah baliau sakik katiko liwaik di kota untuak baparang jo suku Uzbek.[4]
Pado awal abaik ka-18, Karim Khan Zand mamarintahan dibantuak sabuah istano, harem jo kantua pamarintahan di Tehran. Pado tahun 1795, Tehran manjadi ibu kota Persia nan dirajoi dek Qajar Agha Mohammad Khan. Salamo Parang Dunia II, pasukan Inggris jo Uni Soviet acok masuak ka Tehran. Teheran manjadi lokasi Konferensi Tehran tahun 1943 nan dihadiri dek Presiden Franklin Delano Roosevelt, Perdana Menteri Winston Churchill jo PM Joseph Stalin.[3]
Pado 8 September 1978, tajadi demonstrasi manantang Shah nan mambuek rusuah. Tentara banyak nan manembak demonstran. Hukum darurat militer diterapan salamo revolusi balangsuang dari 1978 sampai1980. Salamo tahun 1980 sampai 1988 tajadi agresi Irak manantang Iran, Tehran manjadi sasaran rudal Scud jo serangan udara nan targetnyo parumahan jo industri nan mambuek ribuan panduduak maningga.[3]
Transportasi[suntiang | suntiang sumber]
Pada tahun 2001 sabuah sistem angkutan capek alah dirancanoan untuak mambukak tujuah jalur. Pambangunan sistem metro Teheran tagaduah dek Revolusi Islam jo Parang Iran-Irak. Masalah lain nan muncua yaitu talambeknyo pambuatan sistem metro nan mambuek bus masuak ka jalur metro. Tajadi macet nan parah sarato polusi udara di Tehran. Tehran mampunyoi Bandara Internasional Mehrabad nan talatak di barat Teheran, jo Bandara Internasional Imam Khomeini nan barado di lua kota sarato di sabelah selatan nan dirancanoan mulai baoperasi tahun 2004, namun hinggo kini barado dalam tangan Pasukan Garda Revolusi Islam (IRGC).[4]
Teheran punyo pulo stasiun kereta api pusat nan manghubungan banyak kota di Iran. Tadapek pulo 4 terminal bus di Teheran. Bangunan pamerintah barado di pusat kota, sadangkan pusat komersial labiah banyak tadapek di Taleghani Ave. jo Beheshti Ave. di sabelah utara. Walaupun sacaro administratif tapisah, kawasan Rey, Shemiran jo Karaj labiah tanamo sabagai area metropolitan Teheran tambahan.[4]
Kota Kamba[suntiang | suntiang sumber]
Tehran kamba (konsep dua kota nan beda lokasi jo administrasi politik nan batujuan manjalin hubungan budayo j kontak sosial antar panduduak) jo kota:[4][5][6][7]
Rujuakan[suntiang | suntiang sumber]
- ↑ Statistical Center of Iran - 2006 Census
- ↑ "Tehran Municipality, Atlas of Tehran Metropolis". Diarsipkan dari versi asli tanggal 2008-12-20. Diakses tanggal 2010-10-17.
- ↑ a b c "Atlas of Greater Tehran". web.archive.org. 2008-12-20. Diakses tanggal 2021-06-20.
- ↑ a b c d "گذری بر خواهرخوانده تهران در شرق اروپا". isna.ir. Iranian Students' News Agency. 2018-03-21. Diakses tanggal 2020-06-18.
- ↑ "The Twin Cities of Oxford, Cambridge and London". oxford-royale.com. Oxford Royale Academy. 2017-02-16. Diakses tanggal 2020-06-18.
- ↑ "Twin towns of Minsk". minsk.gov.by. Minsk. Diakses tanggal 2020-06-18.
- ↑ "Gradovi pobratimi: Spisak". sarajevo.ba. Sarajevo. Diakses tanggal 2020-06-18.