Youtube

Sede di YouTube te 2017 na San Bruno, California

Youtube ta un plataforma merikano riba internet, di estilo video share, riba kua usuarionan por upload, komparti i wak video. E servisio aki a wordu krea pa tres eks-trahado di e kompania Paypal na febrüari 2005.

E kompania tin su base na San Bruno, California, i ta hasi uso di teknologia flashvideo pa mustra un variedat grandi di video traha pa su usuarionan, entre otro videoklip, partinan di shownan di televishon i tambe kontenido amateur, manera blogs i video original kortiku. Mayoria di e kontenido di Youtube a wordu di upload dor di individuonan, pero tin sierto kompania grandi manera CBS, BBC, Vevo i Hulu ta ofrese sierto di nan material riba Youtube.

Usuarionan ku no ta registrá por solamente wak e videonan, mientras usuarionan registrá tambe por pone un kantidat ilimita di nan mesun videonan, duna komentario riba otro video, i tambe suskribi riba kanalnan di otro hende.

Historia di e kompania

Di robes pa drechi: Chad Hurley, Steve Chen i Jawed Karim, fundadónan di YouTube

YouTube a wordu fundá dor di Chad Hurley, Steve Chen i Jawed Karim, ku tur tabata trahado di Paypal. Hurley a studia diseño na Universidat di Indiana na Pennsylvania, anto Chen i Karim a studia siensia di kompiuter huntu na Universidat di Illinois na Urbana-Champaign.

Segun e historia ku mayoria biaha ta wordu ripiti na media, Chad Hurley i Steve Chen a bini ku e idea di Youtube durante e lunanan prome di 2005, despues ku nan a experensia difikultad di komparti video ku a wordu filma na un fiesta na Chen su apartamentu na San Fransisco. Jawed Karim no a bini na e fiesta anto a bisa ku e fiesta aki no a tuma luga, terwijl Chad Hurley a kommenta ku e idea ku Youtube a wordu fundá despues di un fiesta "tabata probablemente un manera pa traha un historia interesante pa promove e kompania.

YouTube a kuminsa prinsipalmentu komo "startup" ku un invershon di $11.5 mion USD di Sequoia Capital entre november 2005 i aprel 2006. Den komienso YouTube su sede prinsipal tabata situa riba un pizzeria i un restorant hapones na San Mateo, California. E nomber di dominio www.youtube.com a wordu activa riba 14 di februari 2005, i e wepsait a wordu desaroya durante e lunanan ku a sigui. E prome video di YouTube yama Me at the zoo ta mustra ko-fundadó Jawed Karim na e parke tropikal di San Diego. E video a wordu di upload dia 23 di aprel 2005, anto te ainda por wordu mirá riba e plataforma.

Impacto Social

Logo di YouTube

Promé ku e lansamentu di YouTube na 2005, tabatin hopi tiki metodo fasil ku husadonan di kompiuter normal por a husa pa pone video riba internet . Ku su interface fasil, YouTube a hasie posibel pa kualke hende ku un konekshon na internet por a pone un video ku por kualke hende ront mudu por a wak den un par di minut. E kantidat di topiko grandi ku Youtube ta kubri a hasi e partimentu di video un di e partinan mas importante di kultura virtual. Un ehemplo di un impacto social di YouTube ta e eksito di e video "Bus Uncle" traha na 2006. E ta mustra un kombersashon kayente entre un hoben i un hende grandi den un bus na Hong Kong, anto e video aki a wordu diskuti asta den medianan mas grandi. Un otro video di YouTubeku a risibi kubrimentu extensivo tabata e video "guitar", ku ta musta e performance di Pachelbel su kantika Canon riba un guitara elektriko. E nomber di e hungado no ta wordu duna den e video, anto despues ku e la risibi miones di bista e korant "The New York Times" a revelá e identidat di e guitarista komo Jeong-Hyun Lim, un homber di 23 aña biba naSur Korea ku a filma e video den su kamber YouTube a risibi un George Foster Peabody Award na 2008 anto ta wordu cita komo "a 'Speakers' Corner' ku ta embodisa anto promove Demokrasia Entertainment Weekly a pone riba end-of-the-decade, "best-of" list, bisando, "Providing a safe home for piano-playing cats, celeb goof-ups, and overzealous lip-synchers since 2005 (dunando un kas sigur pa pushinan ku ta hunga piano, tropekantena di selebridatnan i hasidonan di playback for di 2005) .