Balaenoptera musculus
| Balaenoptera musculus | |
|---|---|
 | |
| Denominacions populars | |
ballena azul
| |
| Estato de conservación | |
| Clasificación scientifica | |
| Animalia | |
Filo:
|
Chordata |
| Mammalia | |
| Artiodactyla | |
| Balaenopteridae | |
| Balaenoptera | |
| B. musculus | |
| Descripción | |
| Distribución cheografica | |
 | |
A ballena azul (Balaenoptera musculus (Linnaeus, 1758)[1]) ye un mamifero d'a orden d'os Artiodactyla y familia Balaenopteridae que aconseguindo una longaria maxima confirmada de 29,9 metros y un peso de dica 199 toneladas, ye l'animal mas gran que nunca haiga existiu.[2] Lo cuerpo luengo y delgau d'a ballena azul puede tener quantos tonos d'azul grisenco dorsalment y bella mas claro debaixo.[3]
As ballenas azuls s'alimentan per filtración; a suya dieta consiste quasi exclusivament en krill. Per un regular, son animals solencos u s'achuntan en chicotz grupos y no tienen una estructura social bien definida aparti d'os vinclos mai-fillo. A freqüencia fundamental d'as vocalizacions d'as ballenas azuls oscila entre 8 y 25 Hz y a producción de vocalizacions puede variar seguntes a rechión, a estación, o comportamiento y la hora d'o día.
A ballena azul bella vegada estió abundant en quasi totz os ocians d'a Tierra dica zaguerías d'o sieglo XIX. Estió cazada quasi dica lo punto d'extinción per os balleners dica que a Comisión Ballenera Internacional prohibió tota a caza de ballenas azuls en 1966. L'Unión Internacional pa a Conservación d'a Naturaleza ha incluyiu a las ballenas azuls como en periglo d'extinción a partir de 2018. Contina enfrontinando numbrosas menazas, como topetazos con barcos, contaminación, rudio oceanico, cambeo climatico y depredación d'orcas.
Subespecies[editar | modificar o codigo]
- B. m. musculus.
- B. m. intermedia.
- B. m. brevicauda.
- B. m. indica.
Referencias[editar | modificar o codigo]
- ↑ (de) S. G. Brown: Balaenoptera musculus (Linnaeus 1758) – Blauwal, in Jochen Niethammer, Franz Krapp (Hrsg.): Handbuch der Säugetiere Europas. Band 6: Meeressäuger, Teil I Wale und Delphine – Cetacea, Teil IB: Ziphidae, Kogiidae, Physeteridae, Balaenidae, Balaenopteridae. Aula-Verlag Wiesbaden 1995, ISBN 3-89104-560-3.
- ↑ (en) Mizroch, S. A.; Rice, D. W.; Breiwick, J. M. (1984). "The blue whale, Balaenoptera musculus". Marine Fisheries Review. 46: 15–19.
- ↑ (en) Calambokidis, J.; Steiger, G. H. (1997). Blue Whales. McGregor, MN: Voyager Press. p. 72.
Vinclos externos[editar | modificar o codigo]
Se veigan as imáchens de Commons sobre Balaenoptera musculus.
