Piano
 Steinway grand piano | |
| Keyboard instrument | |
|---|---|
| Klasifikasi Hornbostel–Sachs | 314.122-4-8 (Simpel chordophone kaliyan keyboard) |
| Inventor(s) | Bartolomeo Cristofori |
| Digawé | Awal Abad kaping 18 |
| Jangka | |
 | |
Piano inggih punika piranti musik ingkang dipuntabuh kanthi asta. Tiyang ingkang asring mainaken piano asring sinebat pianis.[1][2] Ing wiwitanipun piano dipunripta, swantenipun taksih dèrèng seru tinimbang piano ingkang wonten ing jaman sapunika (abad XX-an), kados piano ingkang dipunripta déning Bartolomeo Cristofori (1655 – 1731) damelan taun 1720.[1][2] Amargi teganganipun senar piano ing wekdal samanten taksih dèrèng langkung kiyat kados sapunika. Sapunika piano kasebat dipunpameraken ing Metropolitan Museum of Art ing New York.[1] Taksih dèrèng wonten ingkang saged demtokaken sinten ingkang ngripta piano, kathah tiyang ingkang ngakeni manawi Bartolomeo Cristofori ingkang ngripta piano.[1] Piano ugi sanès piranti musik ingkang wiwitan ingkang nganggé papan tuts lan kerjanipun kanthi dipunpetek.[1] Piranti musik kanthi prinsip meh sami kaliyan piano sampun wonten wiwit taun 1440.[1] Piano dipunripta saking kekajengan badhé nggabungaken kaendahanipun nada clavichord kanthi kekiyatanipun harpsichord.[1] Kekajengan punika damel Marius saking Paris (1716), Schroter saking Saxony (1717), lan Christofori (1720) saking Padua, Italia, kanggé damel piano.[1] Nanging asil ingkang wutuh lan jangkep nembé dipunpameraken déning Bartolomeo Christofori. Saking piano damelanipun harpsichord lan spinet (harpsichord alit) ing Pura Florentine-dalemipun Pangeran Ferdinand de’Medici.[1]
Cathetan suku[besut | besut sumber]
Pranala njawi[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |