頭版

粵文維基百科

海納百川有容乃大
人人都寫得嘅自由百科

有 121,939 篇文章

是日正文

世界語（Esperanto，又叫做「希望語」，因為Esperanto喺呢隻語言嘅意思係「希望」），舊譯萬國新語、愛斯不難讀，係最為廣泛使用嘅人工語言。波蘭眼科醫生柴門賀夫喺對佢進行咗十年嘅創作工作後喺1887年創立咗呢個語言嘅基礎。

世界語嘅命名來自Doktoro Esperanto（希望博士），呢個係柴門賀夫第一次出版《第一本書》時所用嘅筆名。最早，柴門賀夫幫呢個語言改嘅名只係「La Lingvo Internacia」，意思係「國際語言」。20世紀早期，當世界語啱啱傳入中國嗰陣，有人將佢音譯為「愛斯不難讀」，都有叫「萬國新語」嘅。後嚟重有人借用日本人嘅意譯名「世界語」，一直用到家陣。

世界語嘅定位係國際輔助語言，唔係用嚟代替世界上已經存在嘅語言。柴門霍夫嘅目標係創立一種簡單易學而靈活嘅語言，一種普世嘅第二語言，用嚟促進世界和平同國際了解，消除仇恨同埋戰爭，實現平等、博愛嘅人類大家庭。而家一啲世界語者仍然抱住噉樣嘅期望，但嘅人只係想用佢嚟同外國人打交道同埋了解其它國家同文化。

據估計約1000人以世界語為母語。世界語喺人工語言之中係目前唯一有俾人作為母語嘅。大概有十萬至兩百萬人能夠流利使用世界語，並散居世界各地。世界語有文學作品、歌曲同電影，聯合國教科文組織喺1954年推薦學習使用（1985年被聯合國教科文組織推薦畀聯合國成員國），2007年成為歐洲共同語言參考標準（CEFR）嘅第32種語言。雖然到而家仍無任何國家畀世界語官方地位，但世界各地好多學校都有提供世界語學習課程、維基百科、Facebook、Firefox、Ubuntu都有世界語版本，其中維基百科世界語版嘅文章數量喺各語言之中排第32（喺2005年係第8名），Google翻譯亦自2012年2月22號開始增列世界語（稱為「國際語文」）。印尼嘅外交學院，亦將世界語列為年輕外交官學習嘅語文之一。(成篇文章……)

以前嘅正文：漢藏語系 – 順化 – 劉賓雁

歸檔 – 提名 – 全部74篇正文...

你知唔知...

...喺武漢肺炎大爆發咁耐，疫情未受控，有啲地方開始出現抗疫疲勞？
...破冰遊戲係幫助大家彼此認識，進而形成團隊而設計嘅引導活動？
...失蹤嘅正方形（圖）呢條幾何學謎題查實係源於一個視錯覺？
...本田宗一郎係喺1948年9月24號創辦過本田汽車而出名？
...現代意義上嘅短篇小說係喺 18 世紀尾先至開始有嘅？
...探戈最傳統嘅表演方式會用到鋼琴、低音提琴、小提琴同埋班頓里昂呢種特色樂器嚟演奏？
...過山車物理會用到動能等嘅古典力學概念？
...瘟疫醫生做嘢嗰陣好多時都會著住黑鼆鼆嘅長袍？

提名 – 歸檔 – 寫新文

是日靚畫

周口店係中國北京西南房山嘅一個鎮，入面嘅龍骨山有發現北京人嘅遺址。

圖片來自：Mutt
舊圖 - 更多正圖...

時人時事

俾澳洲政府取消咗簽證嘅祖高域喺澳洲嘅法院上訴失敗，冇得打2022年澳洲網球公開賽。
湯加發生海底火山爆發（圖），引發咗海嘯。
《立場新聞》喺畀香港警察國安處抄舖同拉咗幾名高層後，宣佈停止運作。
大埔公路大圍段有巴士翻側，一死十一傷。58歲巴士司機涉嫌危險駕駛導致他人死亡被捕。
小濠灣污水處理廠有4名工人被困沙井，其中一名女工送院後不治，其餘三名傷者有一個係女工嘅老公。
比利時研究發現口罩有可能致癌物質「二氧化鈦」，歐盟就話冇證據顯示口罩有致癌風險，呼籲民眾繼續戴口罩防疫。
網球名將彭帥喺社交平台度曝光自己被中國前副總理張高麗性侵後開始有咗長期嘅情人關係，瘋傳網絡引發咗熱議，喺中國大陸網絡平台相關資訊同關鍵字好快被封殺。
廿四歲嘅疑犯服部恭太喺東京京王線列車車廂內縱火並用刀襲擊乘客，造成最少17人受傷。

維基新聞^{（英｜中）} – 訃聞 – 更多時人時事…

是日好文

第三代 iPad，正式商品名叫 The new iPad，係蘋果公司設計開發同賣嘅平板電腦，喺2012年3月16號發售。The new iPad用咗Retina顯示器。The new iPad分別有黑色同白色嘅外型，貯存空間分別係16GB、32GB同64GB。

歸檔 – 提名 – 全部正文 – 全部好文...

當年今日

1月19號：

1920年：美國參議院否決加入國際聯盟。
1966年：英迪拉甘地就任印度總理，係印度史上第一個女總理。
1977年：美國佛羅里達州邁亞美有史以來第一次亦係唯一一次落雪，巴哈馬同時落雪。
1983年：蘋果電腦推出Macintosh前身—Apple Lisa（圖），係第一部用圖形用戶界面同滑鼠嘅個人電腦。
2003年：世界文化遺產武當山古建築羣重要組成部份遇真宮主殿火燭，最有價值嘅主殿燒晒。

上幾日：1月18號 – 1月17號 – 1月16號

舊文 – 更多當年今日

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of the Cantonese Wikipedia. You can find the ambassador for your language. And if you have any question, just ask.