Bienvnue sur ech Wikipédia in lingue picarte
Ch'est unne bèle ouvrache copérative por foaire unne libe inciclopédie in picard, étou lonmè chti, rouchi obin patoés. À ch'momint-chi, os avons 5 289 pages edseur nou Wikipédia.
Page à l'lunmière in chu momint :
Ech câtiau Couchy (in franchoés : le château de Coucy) ch'est un câtiau qui s'treuve à Couchy-Câtiau-Aufrique dins l'Aînne. Il étoét avant 1917 ch'pus haut câtiau janmoais bâti dins ch'monde, sin gros donjon i foaisoét 56 mètes ed hauteur, moais il o 'tè bersillè avuc d'el dinamite per ches Almands in marche 1917.
Avant l'Prunmière Dgère Mondiale, ech câtiau Couchy il étoét ch'troésième monumint pus visitè in Franche.
Eugène Viollet-le-Duc, invoéïè pèr echl'Impéreur Napoléon III, il avoét por mission d'restaurer un molet ch'câtiau et pi d'in foaire pusiurs rétros.
Conme chl'Impéreur i vouloét rfoaire un câtiau por sn'usache à li, il o dmandè à Viollet-le-Duc ed coésir un câtiau à restaurer. Aprés avoér granmint hésitè, Viollet-le-Duc il o coési d'erfoaire ch'câtiau Pierrefonds, mînme si qu'i pinsoét qué Couchy puvoét dvénir unne sorte ed Carcassonne d'ech Nord si qu'o l'restaurroét. Finalmint, ech bersillache d'ech gros donjon, d'ches quates grossés tours d'angue, d'el grand Porte Laon pi d'tout el vile Couchy-Câtiau-Aufrique, cho vo intraver chu projet.
Inhui, o put toudis vir ches grossés ruinnes impressionnantes d'ech câtiau et pis ches rimparts bin conservès et fort hauts d'el vile Couchy-Câtiau-Aufrique, el Porte Laon al est in rconstrucchon dpis queuques ainnèes por ête erfoaite intirmint; chu traval i vo durer 10 ains.
Ech Picard, ch'est unne lingue d'oïl qu’o pus d’un mil ans avuc granmint d’dialecs (anmiennoés, vimeu, vermindoés, bieuvaisis, chti, hénau, etc.) et pis dins ches patoés (o parlers) y o étou ches variantes avuc ches vilaches qui parltte à leu mode.