Kim uchundir foydali bo’ladi, degan maqsadda obyektga yo’naltirilgan dasturlashninig PHP tili uchun ko’p ishlatiladigan eng asosiy atamalarini qisqacha sharhlab o’tmoqchiman. Bilganlar uchun takrorlash, bilmaganlar uchun esa yangi narsalarni o’rganish uchun yaxshi imkoniyat bo’ladi, degan umiddaman. Quyida har bir atamani ingliz tilidagi ko’rinishida keltiraman.

Object

Obyektga yo’naltirilgan dasturlashning ajralmas qismi bo’lib, har qanday narsaga obyekt sifatida qarashga yordam beradi. Real hayotdagi har bir narsani dasturlashda obyekt, deb olish mumkin va real hayot muammolarini hal qilishda ishlatish mumkin.

Constructor function

Ishga tushirish uchun chaqirish shart bo’lmagan funksiya. Bu funksiya obyektning nusxasi yaratilganda avtomatik ishga tushadi.

Inheritance

Bir obyektning boshqa bir obyektdan xususiyatlarni o’zlashtirib olishi. O’zlashtirayotgan obyekt o’zidan yuqori turuvchi obyektning barcha imkoniyatlariga ega bo’ladi va o’ziga xos qo’shimcha imkoniyatlarni ham yaratishi mumkin bo’ladi.

Encapsulation

Ma’lumotni alohida birlik sifatida qamrab olishni bildiradi. Buni har qanday obyektning metodlarida ko’rishingiz mumkin. Har bitta metod o’ziga xos ma’lumot birligi sifatida ko’rinadi.

Public functions

Hamma joydan va hamma tomonidan foydalanish mumkin bo’lgan funksiyalar.

Private functions

Faqat o’zi yaratgan class tomonidan foydalanishi mumkin bo’lgan funksiyalar.

Protected functions

Bunday funksiyalardan o’zi yaratgan class va bu classni kengaytirgan classlar ham foydalanishi mumkin. Protected funksiyalarni Private funksiyalarning yanada kengaytirilgan shakli, deb tushunishimiz mumkin.

Abstract class

Bunday classlarning funksiyalari e’lon qilingan bo’ladi, ammo oxiriga yetkazilmaydi. Classlardan nuxsa olgan boshqa classlar abstract funksiyalarni o’zlari istaganday o’zgartirishlari mumkin.

Interface

Bitta class ko’p classlarni kengaytira olmaydi. Bunday holatga interface orqali yechim topish mumkin bo’ladi. “implements” kalit so’zi yordamida class bir nechta boshqa classlardan nuxsa olishi mumkin.

Static members

Har qanday statik o’zgaruvchi yoki funksiya classni ishga tushirmasdan chaqirilishi mumkin.

Polymorphism

Turli shakl yoki ko’rinishni ifodalovchi bu atama bitta umumiy classning turli shakldagi boshqa classlar tomonidan kengaytirilib ishlatilishini anglatadi.

Namespace

Bitta nom ostida ikki yoki undan ortiq class yaratish imkonini beradi.

Type hinting

Metod funksiyaga berilayotgan ma’lumot qaysi turga mansub ekanligini ko’rsatish uchun ishlatiladi.

OOP PHP sohasida yuqoridagi atamalar hamma tushunchalarni qamrab olmaydi. Obyektga yo’naltirilgan dasturlashni chuqurroq o’rganish uchun boshqa tushunchalarni ham bilishingiz kerak.