Manskaerel
Naar navigatie springen
Naar zoeken springen
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'ne Manskaerel of man is 'ne vólwasse miens van 't mennelik geslech. 't Taengeneuvergestèldje is 't vrouwmès.
Geslech en óntwikkeling[bewirk | brón bewèrke]
De fysieke verangeringe van 'ne manskaerel vinje plaats tiejes en nao de puberteit, de periood worin 'ne jóng zich óntwikkeltj toet 'ne vólwasse manskaerel. Inne puberteit óntwikkele zich de volgendje secundair geslechskènmirke:
- 'ne Prominenteren adamsappel en 'n deper stum;
- Verhuuegdje spieróntwikkeling;
- Breier sjouwers en bórs;
- Grótter henj en veut es vrólje;
- 'n Staeviger hoed;
- Vèt huip zich op rónjelóm de boek enne talj;
- Mieë liefhaor:
- Roetvörmige pubisbehaoring;
- Boek- en bórshaor;
- Beinhaor;
- Okselhaor;
- Gezichshaor;
- Grótter lieflingdje es vrólje.
Veurtplantjingssysteem[bewirk | brón bewèrke]
'ne Manskaerel haet ein inkel X-chromosoeam en ein Y-chromosoeam en wuuertj gekènmirk dore volgendje geslechsorgane:
- De penis mit anen ènj d'n eikel. De penis kan 'n erectie (oprichting) vertuuene;
- 't Scrotum (balzak) mit dao-in de teelbel enne biebel;
- De prostaat (veurstenjerkleer);
- De zaodleier;
- De zaodbläöskes;
- De cowperkleer.