Brunei

Estado de Brunei Darussalam
نڬارا بروني دارالسلام Negara Brunei Darussalam
Bandeira Emblema
Lema: Brunei Darussalam (malaio: «Brunéi, residencia da paz»)
Capital  • Poboación	Bandar Seri Begawan 78 000 (2003 est.)
Cidade máis poboada	Bandar Seri Begawan
Lingua oficial	Malaio 1
Forma de goberno	Monarquía absoluta
Sultán Príncipe herdeiro	Hassanal Bolkiah Al-Muhtadee Billah
Independencia do Reino Unido	31 de decembro de 1983
Superficie	Posto 171º
• Total	5 770 km²
• % auga	8,6
Fronteiras	381 km
Costas	161 km
Poboación	Posto 166º
• Total	372 361 hab.
• Densidade	63 hab./km²
PIB (nominal)	Posto 102º
• Total (2006)	11 438 millóns US$
• per cápita	30 298 US$
PIB (PPA)	Posto 140º
• Total (2006)	9 557 millóns US$
• per cápita	25 315 US$
Moeda	Dólar de Brunei (B$, BND)
IDH	n/d
Xentilicio	Bruneano, bruneana
Fuso horario	UTC+ 8
• Horario de verán	UTC+ 8
Dominio de Internet	.bn
Prefixo telefónico	+673
Prefixo radiofónico	V8A-V8Z
Código ISO	096 / BRN / BN
Membro de: ONU, ASEAN, APEC, Commonwealth
1 Tamén se fala chinés, inglés e jawi.

Brunei (en malaio: Negara Brunei Darussalam, en jawi: نڬارا بروني دارالسلام‎) é un país ó noroeste da illa de Borneo no sueste de Asia. Comprende dous territorios, separados en gran parte pola cunca do río Limbang e arrodeados polo territorio de Sarawak. Á parte da súa costa no Mar da China Meridional, está completamente arrodeado por Malaisia.

Historia

O sultanato de Brunei foi moi poderoso entre os séculos XIV e XVI, estendéndose ó sur de Filipinas, Sarawak e Sabah. A influencia europea foi debilitando gradualmente este poder, ata esvaecelo por completo. Brunei converteuse nun protectorado inglés en 1888.

Goberno e política

O sultán de Brunei, que pertence á dinastía que rexe o país dende o século XIV, é o xefe de Estado e de goberno. O sultán Muda Hassanal Bolkiah tamén exerce como Primeiro Ministro, Ministro de Defensa e Ministro de Economía. Está asistido por un Consello privado, un Consello de Ministros e un Consello lexislativo de 20 membros. Na actualidade o monarca conta cunha fortuna que acada os 39 mil millóns de dólares, unha das persoais máis grandes do mundo. Como lle gustan as excentricidades conta cun palacio de máis de 1.500 habitacións, unha colección de 5.000 vehículos de luxo e 165 Rolls-Royce.

Organización político-administrativa

Mapa dos distritos de Brunéi.

Brunei está dividido en catro distritos , chamados daerah.

• Belait
• Brunei and Muara
• Temburong
• Tutong

Xeografía

Brunei está situado na costa norte da illa de Borneo. Está formado por dous territorios inconexos. O territorio está formado por unha chaira costeira con zonas pantanosas ao oeste e ao nordés e no interior unha zona montañosa. Os ríos discorren en dirección norte sendo o máis importante o río Belait.

O país ten un clima tropical húmido, cunha temperatura media de 27,8 °C. As precipitacións son intensas durante todo o ano, pero aumentan nos meses do monzón de novembro a marzo.

Mesquita de Omar Ali Saifuddien.

Economía

Véxase: Economía de Brunei.

Demografía

En 2002 tiña unha poboación de 308.000 habitantes. Máis do 50% da poboación pertence ó grupo malaio, de relixión musulmá, existe unha minoría de orixe chinesa (arredor do 20%).

Cultura

Artigo principal: Cultura de Brunei.

Festas

Data	Nome en galego	Nome en inglés
1 de xaneiro	Día de aninovo	New Year’s Day
*	Festa do cordeiro	Hari Raya Aidiladha
*	Ano Novo Chinés	Chinese New Year
*	Aninovo islámico	Muslim Holy Month of Hijirah
23 de febreiro	Día da independencia	National Day
*	Aniversario do profeta Mahoma	Mauludin Nabi
31 de maio	Festa das Forzas Armadas	Royal Brunei Armed Forces Day
15 de xullo	Aniversario do Sultán	His Majesty the Sultan’s Birthday
*	Ascensión de Mahoma	Isra’ Me’rag
*	Inicio do Ramadán	First Day of Ramadhan
*	Revelación do Corán a Mahoma	Nuzul al Qu’ran
*	Fin do Ramadán (Eid al-Fitr)	Hari Raya Aidilfitri
25 de decembro	Día de Nadal	Christmas Day
* Varía cada ano

Mapas e imaxes

• 

  Distritos

• 

  Imaxe satélite (2002)

• 

  Demografía

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---