2008
Jump to navigation
Jump to search
Annus 2008 e serie paginarum brevium de annis.
Millennia: | millennium 2 · millennium 3 · millennium 4 |
---|---|
Saecula: | saeculum 20 · saeculum 21 · saeculum 22 |
Anni: | (2000) · 2001 · 2002 · 2003 · 2004 · 2005 · 2006 · 2007 · 2008 · 2009 · 2010 · (2011) |
2008 = MMVIII. De nostro numerorum Romanorum usu hic legere potes. Ut de numero 2008 legas, vide 2008 (numerus).
Eventa[recensere | fontem recensere]
Mense Ianuario[recensere | fontem recensere]
- 3 Ianuarii—Petrolei dolium vulgo barrel primum post hominum memoriam pluris centum CFA dollariis stetit.
- 8 Ianuarii—Londinii uncia auri primum post hominum memoriam pluris 870 CFA dollariis stetit.
- 22 Ianuarii—Iam secundus est dies quo ad bursas orbis terrarum ursi bursarii regnant; sortium pretia valde minuta sunt. Benus Bernanke usuram Systematis Aerarii Foederalis tribus partibus minuit. Haec usura nunc stat ad tres et dimidiam centesimas partes.
- 24 Ianuarii—Senatus Italus Romano Prodi fidem negat; primus minister Rei-Publicae Italicae se abdicavit.
- 26 Ianuarii—Baracus Obama, praesidentialem Factionis Democraticae nominationem contra Hillariam Clinton et Ioannem Edwards petens, in primaria Carolinae Meridionalis electione victoriam permultis suffragiis reportavit.
- 30 Ianuarii—Benus Bernanke usuram Systematis aerarii foederalis iterum minuit hoc tempore dimidia centesima parte. Haec usura nunc stat ad tres centesimas partes.
Mense Februario[recensere | fontem recensere]
- 27 Februarii—Euro primum ex sua institutione (anno 2001) pluris stat quam unum et dimidium dollarium civitatum foederatarum Americanarum.
Mense Martio[recensere | fontem recensere]
- 12 Martii — Euro primum postquam anno 2001 in Europa introductus est pluris stat quam unum dollarium civitatum foederatarum Americanarum et 55 centesima.
- 12 Martii — Petrolei dolium vulgo barrel primum post hominum memoriam pluris septuaginta Euronibus stetit.
- 14 Martii — Seditiones monacorum populique Thibetanorum reprimuntur a vigilibus sinensibus; Dalai Lama et ministri in exsilio accusant Sinam quod occiderent centum homines.
Mense Aprili[recensere | fontem recensere]
- 15 Aprilis — Papa Benedictus XVI Vasingtoniam advenit, et a Praeside Bush prope aeroplanum salutatus est.
Mense Maio[recensere | fontem recensere]
- 1 — Dies Laboris et dies ascensionis Domini, festa mobilis Christianismi occidentalis, in unum diem incidunt—quod ante proxime factum est anno 1913 et denuo proxime fiebit anno 2160.
- 2
- Boris Johnson nuntiatur praefectus urbis Londinii a populo Londiniensi electus esse, Kennetho Livingstone ex eodem munere eiecto.
- Typhon marinus Nargis, in mari Indico natus die 27 Aprilis 2008, in Birmaniam incidit; secundum nuntia diei 6 Maii circa 22 000 hominum interfecit.
- 7 - In Russia novus praeses Demetrius Medvedev successorem suum Vladimirum Putin ministrum primarium fecit.
- 8 - In Italia Silvius Berlusconi tertio magistratum praesidis consilii ministrorum suscepit.
- 9 — Sancta Sedes novam paginam publicem interretialem Lingua Latina creat; vide "DOCUMENTA LATINA".
- 25 — Phoenix NASA inter stellas navicula Martem planetam advecta est.
- 26 — Suprema Aethiopiae Curia exsulem Mengistu Haile Mariam, olim rei publicae ducem, propter suam partem in Terrore Rubro, supplicio in absentia damnat.
- 28 - Nepalia res publica facta est.
Mense Iunio[recensere | fontem recensere]
- 9 Iunii—Secundum diurnarium Francofurtense FAZ Londinii plus plusque insidiatores iuveniles alii alios cultris aggredunt. Hoc anno adhuc sedecim iuvenes interfecti sunt. Urbi praefectus Boris Johnson proposuit linguas antiquas, scilicet Latinam ac Graecam, a iuvenibus discendas esse. Putat ita pueros a cultris sclopetisque arceri posse.
- 13 Iunii—Hibernia foedus Olisipense antiquavit. 53 centesimae contra foedus sententiam dixerunt. Hibernia fuit sola civitas Europaea ubi populus invitatus est ut de foedere Olisipense sententiam diceret.
- 21 Iunii—Typhon marinus Fengshen (pictus), Philippinas adveniens, multos homines necavit, plusquam decem milia cogit perfugium petere, et demergit traiectum Princess of Stars et fere 700 viatores.
![](http://webcf.waybackmachine.org/web/20211223112952im_/https://upload.wikimedia.org/wikipedia/commons/thumb/0/0e/Fenshen_080621.jpg/150px-Fenshen_080621.jpg)
Typhon marinus Fengshen
Mense Iulio[recensere | fontem recensere]
- 5 Iulii—Alexander Valverde Belmonte, birotarius Hispanus pro Manu Caisse d'Epargne certans, vicit primam Circuitus Franciae stationem, Brestia ad vicum Plumelec cursum, et abstulit tuniculas flavam viridemque. Thomas Voeckler tuniculam maculatam abstulit, Ricardus Ricco tuniculam candidam, et Lilian Jegou praemium pugnacitatis.
- 6 Iulii—Thor Hushovd, birotarius Norvegica pro Manu Crédit Agricole certans, vicit secundam Circuitus Franciae stationem, Auraico Fanum Brioci cursum.
- 7 Iulii—Samuel Dumoulin, birotarius Francicus pro Manu Cofidis certans, vicit tertiam Circuitus Franciae stationem, Maclovio Portum Namnetum cursum; Romanus Feillu, Francicus pro Manu Agritubel certans, tuniculas flavam candidamque abstulit; Kim Kirchen, Luxemburgensis pro Manu Columbia certans, tuniculam viridem abstulit.
- 8 Iulii—Stephanus Schumacher, birotarius Germanicus pro Manu Gerolsteiner certans, vicit quartam Circuitus Franciae stationem, certamen temporis circa Cauletum, et tuniculam flavam abstulit. Thomas Lovqvist, birotarius Suecicus pro Manu Columbia certans, tuniculam candidam abstulit.
- 9 Iulii—Marcus Cavendish, birotarius Anglicus pro Manu Garmin-Chipotle certans, vicit quintam Circuitus Franciae stationem, Cauleto Castrum Radulphi cursum; Thor Hushovd tuniculam viridem abstulit.
- 10 Iulii—Ricardus Ricco, birotarius Italicus pro Manu Saunier Duval-Scott certans, vicit sextam Circuitus Franciae stationem, cursum a vico Aigurande ad iugum Super-Besse. Kim Kirchen tuniculam flavam a Stephano Schumacher et tuniculam viridem a Thor Hushovd abstulit. Silvanus Chavanel, birotarius Francicus pro Manu Cofidis certans, tuniculam maculatam abstulit.
- 11 Iulii—Ludovicus Leo Sanchez Gil, birotarius Hispanus pro Manu Caisse d'Epargne certans, vicit septimam Circuitus Franciae stationem, cursum Brivate Aureliacum. David de la Fuente Rasilla, birotarius Hispanus pro Manu Saunier Duval-Scott certans, tuniculam maculatam a Silvano Chavanel abstulit.
- 12 Iulii—Marcus Cavendish vicit octavam Circuitus Franciae stationem, cursum Figiaco Tolosam. Anscharius Freire Gomez, birotarius Hispanus pro Manu Rabobank certans, tuniculam viridem a Kim Kirchen abstulit.
- 13 Iulii—Ricardus Ricco vicit nonam Circuitus Franciae stationem, cursum Tolosa Vicum Aquensem. Kim Kirchen tuniculam viridem rettulit. Andy Schleck, birotarius Luxemburgensis pro Manu CSC Saxo Bank certans, tuniculam candidam a Thoma Lovqvist abstulit.
- 14 Iulii—Leonardus Piepoli, birotarius Italicus pro Manu Saunier Duval-Scott certans, vicit decimam Circuitus Franciae stationem, cursum Palo ad iugum Hautacam. Cadel Evans, birotarius Australianus, tuniculam flavam abstulit. Anscharius Freire Gomez tuniculam viridem rettulit. Ricardus Ricco tuniculas candidam maculatamque abstulit.
- 16 Iulii—Kurt-Asle Arvesen, birotarius Norvegicus pro Manu CSC Saxo Bank certans, vicit undecimam Circuitus Franciae stationem, cursum ab oppido Lannemezan ad urbem Fuxium. Amael Moinard, birotarius Francicus qui pro Manu Cofidis certat, praemiun pugnacitatis abstulit.
- 17 Iulii—Marcus Cavendish vicit duodecimam Circuitus Franciae stationem, cursum Avellaneto Narbonem, primus Anglicus qui tres stationes in eodem Circuitu Franciae superavit. Ricardo Ricco medicamentorum illicitorum consumptorum causa comperto et ex certamine eiecto, omnes Manus Saunier Duval-Scott socii circuitum reliquerunt, et Sebastianus Lang tuniculam maculatam et Vincentius Nibali tuniculam candidam acceperunt.
- 18 Iulii—Marcus Cavendish vicit tertiam decimam Circuitus Franciae stationem, cursum Narboni Nemausum, primus Anglicus qui quattuor stationes in eodem Circuitu Franciae superavit.
- 19 Iulii—Anscharius Freire Gomez vicit quartam decimam Circuitus Franciae stationem, cursum Nemauso Diniam.
- 20 Iulii—Simon Gerrans, birotarius Australianus pro Manu Crédit Agricole certans, vicit quintam decimam Circuitus Franciae stationem, cursum Eburoduno Pratum Nivosum. Franciscus Schleck, Luxemburgensis, tuniculam flavam ab Cadel Evans abstulit. Bernardus Kohl tuniculam maculatam ab Sebastiano Lang abstulit.
![](http://webcf.waybackmachine.org/web/20211223112952im_/https://upload.wikimedia.org/wikipedia/commons/thumb/9/9b/Tour-de-France-2008.png/200px-Tour-de-France-2008.png)
Stationes Circuitus Franciae anno 2008
- 21 Iulii—Radovan Karadžić, olim dux Serbiensis, ab hostibus "Lanius Bosniae" appellatus, belli sceleribus et generis occidione abhinc annos duodecim accusatus, captus est.
- 22 Iulii—Cyrillus Dessel, birotarius Francicus pro Manu Ag2r-La Mondiale certans, vicit sextam decimam Circuitus Franciae stationem, cursum Cuneo Gauserium. Franciscus Schleck tuniculam flavam retinuit. Andreas Schleck, Francisci frater, tuniculam candidam ab Vincentio Nibali abstulit.
- 23 Iulii—Carolus Sastre, birotarius Hispanus pro Manu CSC Saxo Bank certans, vicit septimam decimam Circuitus Franciae stationem, cursum ab Eburoduno ad Alpe d'Huez, cacumen celeberrimum, et tuniculam flavam ab suo Francisco Schleck abstulit.
- 24 Iulii—Marcus Burghardt, birotarius Germanicus pro Manu Columbia certans, vicit duodevicensimam Circuitus Franciae stationem, cursum a Bourg-d'Oisans ad Fanum Sancti Stephani.
- 25 Iulii—Silvanus Chavanel vicit undevicensimam Circuitus Franciae stationem, cursum ab Rodumna ad Montem Luzonis.
- 26 Iulii—Stephanus Schumacher vicit vicensimam Circuitus Franciae stationem, certamen temporis ab vico Cérilly ad Montem Rotundum.
- 27 Iulii—Circuitu Franciae anni 2008 confecto, Carolus Sastre in classificatione generali tenuit prima. Secutus ordine secundus est Cadel Evans; tertius, Bernardus Kohl; quartus, Dionysius Menchov; quintus, Christianus Vandevelde. Anscharius Freire tuniculam viridem et palmam properatorum abstulit; tuniculam maculatam et palmam quorum ascendunt, Bernardus Kohl; tuniculam candidam et palmam principis iuventutis, Andy Schleck; palmam pugnacitatis, Silvanus Chavanel. Iam tandem Gert Steegmans vicensimam primam stationem ultimamque, cursum ab oppido Stampis ad Campos Elysios Lutetiae vicit.
Mense Augusto[recensere | fontem recensere]
- 1 — Defectio solis in Canada, Groenlandia, Russia, Kazakhia, Mongolia, et Sina visa est.
- 3 — Mortuus Moscuae est Alexander Isai filius Solzhenitsyn, celeber scriptor Russicus.
- 6 - In Mauritania praeses anno superiori libere electus Sidi Mahometus Ould Cheikh Abdallahi seditione militum depositus est; successor eius Mahometus Ould Abdel Aziz nominatus est.
- 8 — Igni Olympico Pechini accenso, Olympia aestiva elaboratis saltationibus concentibusque coeperunt.
- 12 — In Olympiis, Michael Phelps, natator Americanus, suo decimo clipeo aureo Olympico capto, primus athleta qui decem tales clipeos abstulit factus est.
- 13 — In Olympiis, Fabianus Cancellara clipeum aureum in certamine temporis singulari abstulit.
- 17 — In Olympiis, Michael Phelps factus est primus athleta qui octo clipeos aureos eodem anno abstulit.
Mense Octobri[recensere | fontem recensere]
- 6 — Lucas Montagnier, Francisca Barré-Sinoussi et Harald zur Hausen medicinae praemio Nobeliano anno 2008 laureati sunt.
- 7 — Toshihide Maskawa, Yoichiro Nambu et Makoto Kobayashi Nobelianum Physicae Praemium anno 2008 abstulerunt.
- 8 — Rogerius Yonchien Tsien biologus Americanus, Osamu Shimomura et Martino Chalfie Nobelianum Chemiae Praemium abstulerunt.
- 9 — Ioannes Maria Gustavus Le Clézio scriptor Francicus Nobelianum Litteraturae Praemium accepit.
- 10 — Martti Oiva Kalevi Ahtisaari, legatus et vir publicus Finnicus Praemium Nobelianum Pacis abstulit.
- 13 - Academia catholica Franciae Lutetiae constituta est.
- Ignoto die - Societas Atheorum Indonesianorum constituta est.
Mense Novembri[recensere | fontem recensere]
- 2 Novembris—Suicidium per bombam in autocarro octo milites in Pakistania occidentali occidit.
- 2 Novembris—Caenum imbrum torrentium causa in Hunania, provincia Sinarum meridionalium, labitur. Iam viginti homines mortui sunt.
- 4 Novembris—Ioanne McCain suffragiis victo, Baracus Obama, Senator Illinoesiensis, rite fiet Civitatum Foederatarum Americae praeses die 20 Ianuarii 2009.
- 4 Novembris — Pyrauloplanum F-5E cadit in Corea Meridionali. Magister aeroplani vivus est. Corea Meridionalis circa ducenta talia aeroplana militaria habet.
- 5 Novembris — Casachiae petroleum trans oleiductum Baku-Triphelis-Pyramus ab hodie exportatur.
- 5 Novembris — Fumator impos incendium laophori in Germaniae autovia conficit. Viginti homines mortui sunt. Circa decem vectores ceteri vulnerantur.
- 5 Novembris—Russia diem unitatis gentilitiae et anniversarium liberationis Moscuae de exercitu Poloniae-Lituaniae (1612) hodie celebrat.
- 5 Novembris—Primarius Russiae minister Vladimirus Putin et Indiae minister petrolei et gasii Murli Deora conviventiam de energia nucleari inter ambas civitatem aestimant.
- 6 Novembris—Civitates Foederatae Americae Columbiae legionibus auxilium irrumpunt.
- 6 Novembris—"Explosio" undecim homines in laophoro Vladicaucasi, capitis Ossetiae Septentrionalis - Alaniae (Russia meridionalis), occidit.
- 7 Novembris—Iraniae praeses Machometus Aḥmadinejād Baraco Obama dessignationis eius causa gratulatur.
- 7 Novembris—Somaliae piratae Daniae navem sub vexillo Insularum Bahamensium cum tredecim nautis abripiunt. Nautae pleri Russiae cives sunt. Somaliae piratae nunc circa ducentos pignores detinent.
- 8 Novembris—Typhon marinus Caribicus Paloma magnopere periculosus fit. Paloma nunc ad Cubam centralem movet.
- 9 Novembris—Viginti vectores in Israelis urbe Heiphah Croatiae laophori ruinae causa nocentur.
- 9 Novembris—Plus quam viginti homines moriuntur in Russiae nave subaqueana nucleari K-152 Nerpa in Mari Iaponico.
- 10 Novembris—Ratko Mladić ab Serbiae aedilibus in Valjevo apud Belgradum in Serbia centrali quaeritur.
- 11 Novembris—Germania accusationes novas contra Ioannem Demjanjuk nuntiat. Is mortes 29 000 hominum in castro ad captivos concludendos posito Sobibór apud Lublinum in Polonia propter holocaustum praestat.
- 12 Novembris—Russiae navis Neustrašimyj et Britanniarum navis Cumberland hodie Daniae navem Powerful contra piratas in Adeni sinu apud Somaliam defendunt. Alii Somaliae piratae Turciae navem Karagol cum 4,5 millionibus chiliogrammatum materiarum chemicarum et quattuordecim nautis in alia parte Adeni sinus apud Iemeniae littorem abripiunt.
- 13 Novembris—Undecim homines in foro frequente in Ǧalāl Ābād in Afgania orientali bombae explosionis causa mortui sunt.
- 13 Novembris—Primarius Russiae minister Vladimirus Putin obligationem Unionis Europaeae gasiiductum in Europa Septentrionali trans Mare Balticum construere quaerit. Unio Europaea hoc gasiiductum alit secundum responsum mandati Europaei.
- 14 Novembris—Russia et Moldavia contractum de conviventia oeconomica usque ad annum 2020 Moscuae subscribunt.
- 14 Novembris—Conventus Gregis Viginti Civitatum in Civitatum Foederatarum capite Vasingtonia incipit. Hoc conventum participant: Africa Australis, Arabia Saudiana, Argentina, Australia, Brasilia, Britanniae, Canada, Civitates Foederatae Americae, Corea Meridionalis, Francia, Germania, Iaponia, India, Indonesia, Italia, Mexicum, Res Publica Popularis Sinarum, Russia, Turcia et Unio Europaea.
- 14 Novembris — Unio Europaea et Russia in conventu Nicaeae in Francia systemates defensionis per incendia usque ad medietatem anni 2009, id est usque ad colloquium inter Russiam, Civitates Foederatas Americae et Unionem Europaeam de compage cautionis Europaea, omittere consentiunt.
- 15 Novembris—Somaliae piratae Iaponiae navem sub Panamae vexillium cum 23 Coreae Meridionalis Philippinarumque nautis vesperi abripiunt. Somaliae gubernaculum apud ruinas est secundum Somaliae praesidem Cabdullaahi Yuusuf Axmed.
- 15 Novembris—Georgia bellum contra Russiam praestat secundum Eduardum Ševardnadze, Georgiae priscum praesidem.
- 16 Novembris—Russiae navis Neustrašimyj navem sub Arabiae Saudianae vexillium apud Somaliae littorem defendit, cum piratarum navium grex eam invadit.
- 17 Novembris—XDR-TB, tuberculosis species nova medicamentorum immunis, pandemia toto mondo imminet. XDR-TB magnopere virulenta et non sanabilis est. Circa 40 mille homines XDR-TB in quoque anno inficiuntur.
- 18 Novembris—Petrolei pretium in bursis internationalibus iterum crescit, quia Somaliae piratae fervent et nuntii de Civitatum Foederatarum oeconomiae auctu apparent.
- 19 Novembris—Georgia in Ossetia Meridionali oppugnator est secundum nuntium Amnestiae Internationalis. De missu "magnopere inaccurato" artilleriae Georgiae, de paganorum multorum mortibus, de missu accurato artilleriae Georgiae contra Russiae pacis defensorum basem indicia sunt.
- 20 Novembris—Hodie est decennium partis primae Stationis Cosmicae Internationalis.
- 21 Novembris—2010 Olympia Hiemalia Vancuverii curas argentarias crisis causa habet. Pecunia etiam ab Russiae gubernaculo pro 2014 Olympia Hiemalia Sotsii parcitur. Commissio Olympica Internationalis neque hos ludos nec 2012 Olympiam Aestivam Londinii faenerare potest secundum eius praesidem Iacobum Rogge.
- 22 Novembris—Duces in congressu Conviventiae Oeconomicae Asiaticae-Pacificae Limae in Peruvia fori claustra nova crisis oeconomicae causa non creare spondent. Causa crisis oeconomicae est inaequilibrum globale secundum aliquos analystas, quia pecunia Asiatica Occidentem faenerat. Res Publica Popularis Sinarum oeconomiae globalis motrum futurum fieri potest.
- 24 Novembris—Civitatum Foederatarum gubernaculum argentariae perditae Citigroup salvationem per 20 milliarda dollariorum nuntiat.*25 Novembris—Post congressum Conviventiae Oeconomicae Asiaticae-Pacificae Limae in Peruvia, Russiae praeses Demetrius Medvedev Urbem Fluminensem et petrolei societatem Petrobraz in Brasilia visitat et cum Brasiliae ducibus loquitur.
- 26 Novembris—Olisiponis Tractatus partes controversi contra constitutionem non sunt secundum iudicium Tzechiae.
- 26 Novembris—Baracus Obama Robertum Gates quam defensionis ministrum habere vult. Illud nuntius malus pro pace internationali et pro affinitate Civitatum Foederatarum Americae et Russiae est, quia Robertus Gates accessum Ucrainae et Georgiae ad Consociationem ex pacto Atlantico Septentrionali et aedificationem bases militarium in Polonia et Tzechia iuvat.
- 27 Novembris—Acta terroristica Bombayae in India circa centum homines occidunt et tricentos nocent; terroristae etiam deversoria clara Taj Mahal et Oberoi capiunt.
Mense Decembri[recensere | fontem recensere]
- 1 Decembris
- Baracus Obama Hilariam Clinton fore administram exteriis negotiis praepositam sui nuntiat.
- Russia defensionis systema novum amplificat, quia Civitates Foederatae Americae bases militares aedificare et armas nucleares ad circulum circum Tellurem patefacere audent. Russia et Res Publica Popularis Sinarum bases militares extra Tellurem non aedificare proponunt, sed Civitates Foederatae Americae id spernunt. Russia nunc incendia RS-24 contra Civitatum Foederatarum defensionem patefacit.
- 2 Decembris — Consociatio ex pacto Atlantico Septentrionali Ucrainae et Georgiae communionem non offerre decernit belli in Ossetia Meridionali et gubernaculi ruinarum in Ucraina causa.
- 5 Decembris — Civitates Foederatae Americae spatii longi incendium ex insula Kodiak in Alasca et antiincendium ex basi militari in California intorquent. Probatio est felix secundum Pentagoniam. Systema simile contra incendia Civitates Foederatae Americae in Polonia et Tzechia aedificare volunt.
- 6 Decembris
- Plus plusque homines publici peregrini Zimbabuae praesidem Robertum Mugabe incusant. Zimbabua inflationem latam (plus quam 400%) et cholerae epidemiam patitur.
- Bomba fortis in vehiculo in via frequenti apud meschitam Siiticam Peuklotis in Pakistania septentrionali apud Afganiae finitionem explodet. Quidem viginti homines mortui sunt. Explosio probabiliter Alcaedae responsum ad rebellium basis bombardationem Civitatibus Foederatis Americae apud Afganiae finitionem est.
- Tres miliones musulmanorum ex totis mundis Meccae cumulant. Ḥaǧǧ hodie incipit. Centum mille Arabiae Saudianae aediles peregrinantes religiosos custodiunt. Vulgo multi peregrinantes calcantur.
- Aediles Thessalonicae in Graecia puerem Alexandrum Gregoropulum deiciunt. Itaque anarchistarum tumultus grandes contra aedilium feritatem in Graeciae urbibus eveniunt.
- 7 Decembris
- Rei Publicae Popularis Sinarum gubernaculum contra colloquio inter Franciae praesidem Nicolaum Sarkozy et Dalai Lamam in Polonia queritur.
- Franciae aediles fures auri quaerunt. Aurum de lapidum taberna Lutetiae venit, cuius pretium est 85 milliones euronum.
- 8 Decembris — Petrolei societatis Jukos praesidis vicarius priscus Basilius Georgii filius Aleksanjan iudicio Moscuensi per cautione 50 milionum rubelorum liberatur. Is lymphoma, tuberculosem et SCDI patitur.
- 9 Decembris — Patriarcha Alexius II, dux Ecclesiae Orthodoxae Ruthenicae ab anno 1990, hodie Moscuae funus in Cathedrali Ecclesia Christi Salvatori habet.
- Congressus Russiae Brasiliaeque Moscuae evenit. Russia Brasiliaque conviventiam inter ambas civitates contra crisem argentariam internationalem dilatare volunt. Congressus internationalis BRIS (Brasiliae Russiae Indiae Sinarumque) Moscuae paratur.
- Britanniae et Civitates Foederatae Americae Zimbabuam petere audent secundum Georgium Charamba, Zimbabuae praesidis Robertum Mugabe oratorem.
- Irania bombam atomicam non habet et habere non potest secundum Russiae legatum Vladimirum Petri filium Voronkov.
- 10 Decembris — Ortesii in Francia meridionali infantulus ex valetudinario aufertur. Mulier crassa alta in amiculo nigro est maleficus secundum testes.
- In Zimbabua plus quam sexaginta milia incolae aegroti et octigenti mortui cholerae causa sunt secundum Mundi Salutis Societatem.
- Somaliae praedones in Adeni sinu duas Iemeniae naves cum 22 piscatoribus abripiunt.
- Probationes de captivorum tortura per musicam nutantem seque torquentem sonitam in carceribus in Guantanamo, Iraquia ac Afgania ab Civitatum Foederatarum Americae cognoscentibus apparent. Torturae causa multi captivi "confitentur" vel vesani fiunt. Cantatores contra usum suae musicae ut armorum queruntur.
- Russiae rerum peregrinarum minister Sergius Victoris filius Lavrov Civitates Foederatas Americae ac Unionem Europaeam de eius stellionatibus in rebus publicis post-Sovieticis, exempli gratia in Ucraina ac Georgia, monet.
- Asloae in Norvegia Martinus Ahtisaari, Finniae legatus et vir publicus, Praemium Nobelianum Pacis capit. Ahtisaari clarus est sui illationi ad Agri Merulensis secessionem e Serbia causa.
- Croaviae Collegium Artium conditum est.
- 11 Decembris — Nicolaus Makarov, dux Russiae exercitus, hodie album problematum inter Russiam ac Civitates Foederatas Americae proponit.
- 12 Decembris — Ciusii in Iaponia meridionali duces trium civitatum ex Asia orientali conveniunt: Iaponiae, Coreae Meridionalis et Rei Publicae Popularis Sinarum. Id est primus talis conventus inter hos tres gigantes oeconomicos Asiaticos.
- 14 Decembris— Iudaeus Atropatenicus Garri Kasparov et sua factio nova Solidarietas hodie Moscuae contra gubernaculum eunt. Aediles iter abolent et circa 90 homines detinent.
- 15 Decembris — Mons Niger Unionis Europaeae Consilii praesidi Nicolao Sarkozy suam membrationis petitionem publicam allegat. Mons Niger candidati statum anno 2009 lucrari vult.
- 16 Decembris — 24 Russiae turistae mortui sunt. Laophorum eius in convallem apud Elat in Israele meridionali cadit.
- 17 Decembris — Civitates Foederatae Americae bases militares novas in Asia centrali, specialiter in Usbecia Casachiaque, aedificare audent secundum Nicolaum Makarov, Russiae exercitus ducem. Civitates Foederatae Americae unam basem militarem - Manas Caeli Basem; iam habent in Chirgisia. Civitates Foederatae Americae omnes regiones mundi, etiam Europam, basibus militaribus circundant et Nicolaus Makarov vicem politicam ab Civitatum Foederatarum gubernaculo novo non expectat.
- Britanniarum minister primus Gordonus Brown Britanniarum exercitus exitum de Iraquia ad Iulium 2009 Bagdati nuntiat. Nunc Britanniae 4100 milites in Iraquia habent; 178 Britanniarum milites ad nunc mortui sunt.
- 18 Decembris — Théoneste Bagosora, genocidii Ruandensis contra Tutsi maleficus principalis, hodie Iudicio Criminali Internationali pro Ruanda damnatur.
- 20 Decembris — Consociatio ex pacto Atlantico Septentrionali praeconia in mediis in Ucraina pendit. Interim Civitates Foederatae Americae operariorum numerum in legationibus suis in Ucraina augent. 60% Ucrainae incolarum contra Ucrainae membrationem ad Consociationem sunt et Civitatum Foederatarum Consociationisque facta recentes bellum psychologicum contra Ucrainos sunt secundum nationalistas Ucrainicos.
- 21 Decembris — Novem corpora decapitata et novem capita Chilpancingi in Bellatore in Mexico meridionali inveniuntur. Omnes mortui sunt milites.
- Boliviae praeses Evus Morales analphabetismi cladem nuntiat et Cubae ac Venetiolae magistris gratias agit.
- 22 Decembris
- Russiae societas Rosoboronèksport defensionis systema modernum S-300 contra aeroplana in Iraniam inferre incipit. Et Civitates Foederatae Americae et Israel contra hanc venditionem sunt, quia S-300 Iraniae energiam nuclearem defendere potest.
- Aemilius Boc novus primus minister Romaniae electus est.
- 23 Decembris — Occidentis civilitas contra Russiam magnopere periculosa pro mundo cetero est secundum Libyae ducem Mu‘ammar al-Qaḏāfī. Consociatio ex pacto Atlantico Septentrionali Russiam circumdare studet; Qaḏāfī id cum impetu contra Russiam et Europae paene totae occupatione ab Napoleone Bonaparte I Adolfo Hitlerque comparat. Forsitan Consociatio ex pacto Atlantico Septentrionali Russiam irrumpere praeparat secundum Qaḏāfī.
- 25 Decembris — Civium Ucrainicorum participatio in Georgiae ac ducis eius Michaelis Saakašvili bello contra Russiam probatur.
- Rocheta Proton-M cum navigationis Glonass tribus satellitibus ex caeli portu Russico Bajkonur in Casachia deducitur.
- Explosio in aede Eupatoriae, urbis Crimaeanae in Ucraina meridionali, saltem undeviginti homines occidit.
- 26 Decembris — Decem Agri Merulensis Liberationis Exercitus membri prisci suspecti in Serbia comprehenduntur.
- Pakistania caedis Benazir Bhutto anniversarium primum commemorat. Consociatio Nationum hanc caedem iam scrutatur. Secundum aliquos dictator priscus Pervez Musharraf hanc caedem praestat.
- 27 Decembris — Oppugnatione Laciniae Gazeticae persistenti, militum et hostiarum numerus ad ducentos mortuos ac octingentos vulneratos crescit. Foedus Arabicum et alia regimina Israelem internecionis causa incursus condemnant. Israel contra Palaestinam per Civitatum Foederatarum aeroplana F-16 petit.
- — Navis frequens cum 44 vectoribus, sed solos 10 vectores portare potens, in Sinis orientalibus mergitur. Flumen Sanjiang 15 homines condit.
- 28 Decembris — Civitates Foederatae Americae resolutionem Concilii Salutis Consociationis Nationum de caeli impetu Israeleno contra Laciniam Gazeticam vetant. Ban Gi-mun, Secretarius Generalis Consociationis Nationum, ac Britanniae, Unio Europaea, Russia, Francia et Res Publica Popularis Sinarum indotiam volunt.
- 28 Decembris — Quattuor rates cum 1700 advenis Libycis illegalibus Italiae insulam Lopedusam attingunt.
- 29 Decembris — Pedilusor Liverpoliensis Stephanus Gerrard post altercationem in taberna nocturna in Southport in Anglia septentrionali in Britanniis praenditur et crimine vi accusatur.
- 30 Decembris — Shekh Hasina Oajed ac eius Bangladeshae Foedus Popularis plerum grande in Bangladeshae Comitio Nationali lucratur.
- Hermanus Van Rompuy fit primus minister Belgicus novus post Ivus Leterme.
- Octo vehiculorum niveorum rectores infra nivis labinam in Columbia Britannica in Canada occidentali mortui sunt.
- 31 Decembris — Bomba in autocineto Bilvaone in Hispania explodet. Euskadi Ta Askatasuna, nationalistarum separatistarumque societas tromocratica Vasconica, condemnatur.
- Aediles centrum Aspen in Colorato in Civitatibus Foederatis Americae occidentalibus evacuant, quia incola miser per bombas imminet.
- Dinosaurorum fossiliarum cumulus grandis apud Zhūchéng in Sinis orientalibus invenitur.
Nati[recensere | fontem recensere]
Nati huius anni desiderati (additis natis, hanc formulam remove, vide etiam 0 fere paginas in categoria Categoria:Nati 2008)
Mortui[recensere | fontem recensere]
Mense Ianuario[recensere | fontem recensere]
- 3 - Wernerus Dollinger, vir publicus Germanicus factionis CSU; natus est anno 1918.
- 4 - Ioannes O'Donohue, poeta Hibernicus; natus est anno 1956.
- 17 - Robertus Fischer, lusor scaccorum; natus est anno 1943.
- 22 - Heath Ledger, actor Australianus, obiit Manhatae in Urbe Novo Eboraco natus est anno 1979.
- 25 - Eduardus Massaux, theologus et sacerdos catholicus Belgicus; natus est anno 1920.
- 26 - Georgius Habash, dux Frontis Popularis pro Liberatione Palaestinae; natus est anno 1926.
- 27 - Suharto, vir publicus et militaris Indonesiae; natus est anno 1921.
Mense Februario[recensere | fontem recensere]
- 4 - Pater Caelestis Eichenseer, auctor Neolatinus; natus est anno 1922.
- 11 - Thomas Lantos, vir publicus Americanus Factio Democratica (CFA)Factionis Democraticae; natus est anno 1928.
Mense Martio[recensere | fontem recensere]
- 3 - Iosephus Di Stefano, tenor Italicus.
- 6 — Gustavus Holoubek egregius histrio Polonus Varsoviae obiit.
- 11 - Ioannes Engelhard, vir publicus Germaniae et sodalis FDP; natus est anno 1934.
- 13 - Dionysius Martinus Tapsoba, episcopus Uagadugi; natus est anno 1916.
- 14
- Clara Lubich - mulier religiosa Francica; nata est anno 1943.
- Petrus Mamie, episcopus Helveticus Dioecesis Lausannensis, Genevensis, et Friburgensis; natus est anno 1920.
- 17 — Antonius Minghella, moderator cinematographicus Anglicus; natus est anno 1954.
- 18 — Arthurus Clarke, librorum de rebus futuris scriptor Anglicus.
Mense Aprili[recensere | fontem recensere]
- 5 Aprilis — Mortuus est Charlton Heston, illustris pellicularum histrio.
- 16 Aprilis - Eduardus Norton Lorenz, mathematicus et studiosus meteorologiae Americanus; natus est anno 1917.
- 17 Aprilis
- Michael Tanič, poeta Sovieticus et Russicus (natus 1923)
- Amatus Césaire, scriptor et politicorum peritus Francicus; natus est anno 1913.
- Gwyneth Dunwoody, rerum politicarum perita Britannica factionis Laboris; nataa est anno 1930.
- 28 Aprilis - Henricus Droßel, iuris consultus et succenturio Maior Germanicus qui secundo bello mundano nonnullis Iudaeis a Nazistis vexatis auxilium dedit; natus est anno 1916.
Mense Maio[recensere | fontem recensere]
- 12 Maii - Irene Sendler, mulier et aegrorum ministra Polonica, quae inter secundum bellum mundanum pueris Iudaeis a nazistis vexatis auxilium dedit; nata anno 1910.
- 26 Maii — Mortuus est Sydney Pollack, illustris pellicularum histrio et moderator cinematographicus; natus anno 1934.
Mense Iunio[recensere | fontem recensere]
- 1 - Ivus Saint Laurent, praeclarus sumptuosarum vestium designator, et magister officinarum Francicus; natus anno 1936.
- 2 - Franciscus Fejtő, rerum gestarum scriptor, etiam diurnarius Francicus origine Hungarica natus; natus anno 1908.
- 5 - Eugenius Montejo, Venetiolicus scriptor, poëta, diplomaticus; natus anno 1938.
- 13 — Mortuus est Timothaeus Ioannes Russert, actorum diurnorum scriptor praecoque Americanus, qui Meet the Press, disputationem televisificam apud NBC, plus sedecim annos duxit.
- 22 - Georgius Carlin, comicus Americanus.
- 28 - Billy Mays, actor Americanus; natus anno 1958.
Mense Iulio[recensere | fontem recensere]
- 4 Iulii — Mortuus est Iesse Alexander Helms, Minor, olim Senator Americanus, qui nihil in republica immutari volens, non sine saevo ad tempus effectu, contra feminarum praecipue de abortu iura, iura quoque quorum suum sexum amant, "actionem affirmativam" pro numeris minoribus, et commoda publica civibus perpauperibus et aegrissimis, vehementius atrociterque repugnavit.
- 12 Iulii — Mortuus Vasintoniae cancro colorectali est Robertus Antonius Snow, quondam Georgii W. Bush scriba, qui, saepe sine successu, vulgus ad praesidis iudicium credendum per media communicationis adducere conabatur.
Mense Augusto[recensere | fontem recensere]
- 16 Augusti - Gulielmus Egger, Brixinonis episcopus (Dioecesis Bauzanensis-Brixinensis); natus anno 1940.
Mense Septembri[recensere | fontem recensere]
- 7 - Wendelin Schmidt-Dengler, litterarum et sermonum peritus Austriacus; natus est anno 1942.
- 8 - Celia Gregory, actrix Britannica, nata est anno 1949.
- 12 - David Foster Wallace, Americanus mythistoriarum auctor; natus est anno 1962.
- 26 - Paulus Newman, celeberrimus moderator cinematographicus et histrio Americanus (natus 1925).
Mense Octobri[recensere | fontem recensere]
- 11 Octobris — Georgius Haider, vir publicus Austriacus et factionis Societatis Pro Futuro Austriae dux, gubernator Carinthiae mortuus est in sinistro casu autocineti in Köttmannsdorf, Carinthia.
- 24 Octobris - Helimutus Zilk, politicarum rerum peritus Austriacus; natus est anno 1927.
- 28 Octobris - Dina Cocea, actrix Dacoromanica; nata est anno 1912.
Mense Novembri[recensere | fontem recensere]
- 1 — Iacobus Piccard, inlustris Oceanorum studiosus Helveticus, mortuus est; natus est anno 1922.
- 4 — Iohannes Michael Crichton fabularum Romanicarum scriptor et cinematographicus Americanus mortuus est.
- 9 — Miriam Makeba cantrix Africana mortua est.
- 11 - Alexander Maggiolini episcopus Italicus, a 1983 usque ad 1989 Dioeceseos Carpi, et usque ad 2006 Dioeceseos Novi Comi; natus est anno 1931.
Mense Decembri[recensere | fontem recensere]
- 5
- Dux Ecclesiae Orthodoxae Ruthenicae ab anno 1990, patriarcha Alexius II, in Peredelkino apud Moscuam mortuus est.
- Nina Foch, actrix Americana; nata est anno 1924.
- 11 - Bettina Page, puella ostentatrix et playmate Americana; nata est anno 1923.
- 13 — Horst Tappert, histrio Germanicus, natus est anno 1923.
- 18 - Paulus M. Weyrich, rerum politicarum agitator Americanus; natus est anno 1942.
- 21 - Christophorus Hibbert, scriptor, biographus et rerum gestarum scriptor Britannicus; natus est anno 1924.
- 24
- Haroldus Pinter, scriptor praecipue scaenicus et moderator cinematographicus Anglicus, qui anno 2005 Nobelianum Litteraturae Praemium accepit, mortuus est.
- Samuel Philippus Huntington, rerum politicarum studiosus Americanus; natus est anno 1927.
Cultura popularis[recensere | fontem recensere]
Pelliculae[recensere | fontem recensere]
- Astérix aux Jeux olympiques (Francia)
- Australia (Australia)
- Beverly Hills Chihuahua (CFA)
- Doubt (CFA)
- Draquila - L'Italia che trema (Italia)
- Free Style (CFA)
- Frost/Nixon (CFA)
- High School Musical 3: Senior Year (CFA)
- Il Divo (Italia)
- Madagascar: Escape 2 Africa (Italia)
- Mamma Mia! (CFA/Regnum Unitum)
- Open Season 2 (CFA)
- Palermo Shooting (Germania)
- Passengers (CFA)
- Seven Pounds (CFA)
- Slumdog Millionaire (Regnum Unitum)
- The Day the Earth Stood Still (CFA)
- Three Kingdoms: Resurrection of the Dragon (Res Publica Popularis Sinarum)
- Twilight (CFA)
- Valkyrie (CFA)
- Vicky Cristina Barcelona (CFA)