Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Sondag, 19 Desember 2021 Hier is tans 101 328 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die ligging van Sachalin-eiland in Rusland.

Sachalin (Russies: Сахали́н, [səxɐˈlʲin]; Japannees: 樺太島, Karafuto-tō) is ’n groot eiland in die noordelike Stille Oseaan. Hoewel dit die noordelikste eiland van die Japannese Argipel is, behoort dit tot Rusland. Dit is Rusland se grootste eiland en vorm saam met die Koerile die federale deelgebied Sachalin-oblast. Die eiland skei die See van Japan in die suidweste van die See van Ochotsk in die noordooste. Sachalin is naby Chabarofsk-krai aan die ooskus van Rusland en net noord van die Japannese eiland Hokkaido geleë. Dit is omtrent ’n vyfde van Japan se grootte.

Dit het ’n oppervlakte van 72 492 km² en 'n bevolking van rofweg 500 000, van wie die meeste Russe is. Die grootste stad is die hoofstad van die oblast, Joezjno-Sachalinsk. Die inheemse volke is die Ainoe, Oroks en Nifchers, van wie daar net klein getalle voorkom. Die eiland se naam kom van die Mantsjoe-woord Saghalien.

Sachalin was eens deel van China tydens die Qing-dinastie, hoewel die Chinese beheer soms laks was. Rusland én Japan het later, in die loop van die 19de en 20ste eeu, beheer oor die eiland opgeëis. Hierdie dispute het soms gelei tot militêre konflikte en die verdeling van die eiland tussen die twee magte. In 1875 het Japan afstand gedoen van sy aanspraak op die eiland in ruil vir die noordelike Koerile. In 1905, ná die Russies-Japannese Oorlog, is die eiland verdeel, met die suide wat na Japan gegaan het. Rusland het in 1945, aan die einde van die Tweede Wêreldoorlog, beslag op die hele eiland sowel as op al die Koerile-eilande gelê. Japan maak nie meer op enige deel van Sachalin aanspraak nie, maar wel op die suidelike Koerile. Die meeste Ainoe op Sachalin het na Hokkaido, sowat 43 km oos daarvan, verhuis nadat die Japannese in 1949 van die eiland afgesit is.

...lees verder

In die nuus

Max Verstappen palm sy eerste wêreldkampioenskapstitel in die laaste rondte van die Formule Een-seisoen in en ontneem sodoende Lewis Hamilton van sy kans om 'n rekord van agt wêreldkampioenskapstitels te wen.
Olaf Scholz is ingehuldig as eerste minister ("bondskanselier") van Duitsland en volg Angela Merkel op.
Australië, Japan, Kanada, Kosovo, Litaue, Nieu-Seeland, die Verenigde Koninkryk en die Verenigde State kondig weens verskeie menseregteskendings in Hongkong, Tibet en Xinjiang 'n diplomatieke boikot van beide die Olimpiese Winterspele en Paralimpiese Winterspele in Beijing, Volksrepubliek China, aan.
Barbados verander sy status van 'n grondwetlike monargie in 'n grondwetlike republiek.
Die Suid-Afrikaanse sanger en liedjieskrywer Theuns Jordaan sterf op 50.

Het u geweet...

...dat daar een vlag is wat nooit gesalueer of gestryk word nie? Op 20 Julie 1969 het Neil Armstrong en Buzz Aldrin 'n Amerikaanse vlag op die maan geplant wat tot vandag toe nog daar staan.

...dat varke uiters intelligente diere is? Hulle is ook skoner as die meeste troeteldiere en lê slegs in modder omdat hulle nie sweetkliere het nie en modder of water nodig het om af te koel.

Vandag in die geskiedenis

19 Desember:

401 – Oorlede: Anastasius I, die 39ste pous van die Rooms-Katolieke Kerk; hy word deur Innocentius I opgevolg.
1792 – Gebore: Andries Hendrik Potgieter, leier van die tweede groot trekgeselskap wat die Kaapkolonie verlaat het.
1961 – Die Indiese weermag val die Portugese kolonie Goa in.
1984 – Die Volksrepubliek China en die Verenigde Koninkryk teken die Sino-Brits Gesamentlike Verklaring, waarin ooreengekom word om soewereiniteit van Hongkong na China oor te dra op 1 Julie 1997.
1998 – Die Amerikaanse Huis van Verteenwoordigers keur beskuldigingsartikels teen president Bill Clinton as gevolg van die Monica Lewinsky-skandaal.